ഒരു രാജ്യം ഒരു വർഷം മറ്റ് രാഷ്ട്രങ്ങളുമായി നടത്തിയ ദൃശ്യകയറ്റുമതിയുടെയും ദൃശ്യഇറക്കുമതിയുടെയും മൂല്യങ്ങൾ തമ്മിലുള്ള വ്യത്യാസത്തെയാണ് വ്യാപാരശിഷ്ടം അഥവാ ബാലൻസ് ഓഫ് ട്രേഡ് എന്ന് പറയുന്നത്. ദൃശ്യ കയറ്റുമതി, ദൃശ്യ ഇറക്കുമതി എന്നതുകൊണ്ട് ഉദ്ദേശിക്കുന്നത്, സാധനങ്ങളുടെ മാത്രം ക്രയ-വിക്രയങ്ങളാണ്. സേവനങ്ങൾ ദൃശ്യ ഘടകങ്ങളിൽ ഉൾപ്പെടുന്നില്ല, അതിനാൽ വ്യാപാരശിഷ്ടത്തിൽ സേവനങ്ങളുടെ മൂല്യം ഉൾപ്പെടുന്നില്ല. വ്യാപാരശിഷ്ടം മിച്ചമോ, കമ്മിയോ ആകാം.[1]

അന്താരാഷ്ട്ര നാണയ നിധി ഡാറ്റയെ അടിസ്ഥാനമാക്കി സഞ്ചിത കറന്റ് അക്കൗണ്ട് ബാലൻസ് 1980–2008.
അന്താരാഷ്ട്ര നാണയ നിധി ഡാറ്റയെ അടിസ്ഥാനമാക്കി പ്രതിശീർഷ കറന്റ് അക്കൗണ്ട് ബാലൻസ് 1980–2008..

വ്യാപാരമിച്ചം തിരുത്തുക

ഒരു രാജ്യത്തെ ദൃശ്യകയറ്റുമതിയുടെ മൂല്യം ദൃശ്യഇറക്കുമതിയുടെ മൂല്യത്തെക്കാൾ കൂടുതലാണെങ്കിൽ അവിടെ വ്യാപാരമിച്ചം (ട്രേഡ് സർപ്ലസ്) ആണ് ഉണ്ടാകുന്നത്. ഇത്തരം സന്ദർഭങ്ങളിൽ വ്യാപാരശിഷ്ടം ആ രാജ്യത്തിന് അനുകൂലമാണെന്ന് പറയാം.

വ്യാപാരകമ്മി തിരുത്തുക

ഒരു രാജ്യത്തെ ദൃശ്യഇറക്കുമതിയുടെ മൂല്യം ദൃശ്യകയറ്റുമതിയുടെ മൂല്യത്തെക്കാൾ കൂടുതലാണെങ്കിൽ അവിടെ വ്യാപാരകമ്മി (ട്രേഡ് ഡെഫിസിറ്റ്) ആണ് ഉണ്ടാകുന്നത്. ഈ സന്ദർഭത്തിൽ വ്യാപാരശിഷ്ടം ആ രാജ്യത്തിന് പ്രതികൂലമാണ്.

അവലംബം തിരുത്തുക

  1. ജോൺസൺ കെ. ജോയിസ്, സാമ്പത്തികശാസ്ത്രം XII (2011). "6". ലില്ലി പബ്ലിക്കേഷസ്. p. 211. {{cite book}}: Missing or empty |title= (help)
"https://ml.wikipedia.org/w/index.php?title=വ്യാപാരശിഷ്ടം&oldid=3393224" എന്ന താളിൽനിന്ന് ശേഖരിച്ചത്