വിക്കിപീഡിയ

വെർബനേസി

സപുഷ്പികളിൽപ്പെടുന്ന ഒരു സസ്യകുടുംബമാണ് വെർബനേസി (Verbenaceae). 31 മുതൽ 35 ജീനസ്സുകളിലായി ഏകദേശം 1200 ഓളം സ്പീഷിസുകളുമുള്ള ഈ സസ്യകുടുംബത്തിലെ സസ്യങ്ങൾ ലോകമെങ്ങുമുള്ള ഉഷ്ണമേഖലയ്ക്കും ഉഷ്ണമേഖലയ്ക്ക് സമീപ പ്രദേശങ്ങളിലും മിതോഷ്ണമേഖലകളിലും വ്യാപിച്ചു കിടക്കുന്നവയാണ്. ഈ സസ്യകുടുംബത്തിൽ കുറ്റിച്ചെടികളും, ചെറു മരങ്ങളും, വൃക്ഷങ്ങളും വളരെ വിരളമായി വള്ളികളും കാണപ്പെടാറുണ്ട്.[2]

വെർബനേസി
Flowers, fruit and (right) leaves of a Lantana cultivar
ശാസ്ത്രീയ വർഗ്ഗീകരണം e
കിങ്ഡം: സസ്യലോകം
ക്ലാഡ്: ട്രക്കിയോഫൈറ്റ്
ക്ലാഡ്: സപുഷ്പി
ക്ലാഡ്: യൂഡികോട്സ്
ക്ലാഡ്: Asterids
Order: Lamiales
Family: Verbenaceae
J.St.-Hil.[1]
Synonyms [1]
  • Durantaceae J.Agardh
  • Petreaceae J.Agardh

സവിശേഷതകൾ തിരുത്തുക

വെർബനേസി കുടുംബത്തിലെ മിക്ക സസ്യങ്ങളുടേയും ഇലകൾ അഭിന്യാസ (opposite phyllotaxis)രീതിയിലാണ് ക്രമീകരിച്ചിരിക്കുന്നത്. എന്നാൽ വളരെ ചുരുക്കം സ്പീഷിസുകളിൽ വർത്തുളന്യാസത്തിലാണ് (whorled phyllotaxis) ഇലകൾ ക്രമീകരിച്ചിരിക്കുന്നത്. ഇവയ്ക്ക് ഉപപർണ്ണങ്ങൾ ഉണ്ടാകാറില്ല. ഒട്ടുമിക്ക സ്പീഷിസുകളുടേയും തണ്ടിന്റെ പരിച്ഛേദം (cross-section) ചതുരാകൃതിലായിരിക്കും. രൂക്ഷഗന്ധമുള്ള പുഷ്പങ്ങളോടും ഇലകളോടും കൂടിയവയുമാണ്.[3] വെർബനേസി സ്പീഷിസുകളുടെ പൂക്കൾ ദ്വിലിംഗ സ്വഭാവത്തോടു കൂടിയ വയാണ്. സമമിതി (zygomorphic) പാലിക്കുന്നവയും പൂക്കൾക്ക് കൂടിച്ചേർന്ന 5 പുഷ്പദളങ്ങളും 5 വിദളങ്ങളുമാണുള്ളത്. സാധാരണയായി പുംബീജപ്രധാനമായ 4 കേസരങ്ങളാണ് ഉണ്ടാകാറ് എങ്കിലും ചില സ്പീഷിസുകളിൽ രണ്ടോ അഞ്ചോ കേസരങ്ങൾ കാണപ്പെടാറുണ്ട്. പൊങ്ങിയ അണ്ഡാശയം (superior Ovary) ത്തോടു കൂടിയ ഇവയ്ക്ക് കൃത്യമായി വിഭജിച്ച രണ്ട് അല്ലെങ്കിൽ നാല് അറകളുള്ള അണ്ഡാശയവും രണ്ട് അല്ലെങ്കിൽ നാല് അണ്ഡകോശങ്ങളും(Ovules) ഉണ്ടാകും.[4] ഇവയുടെ ഫലങ്ങൾ ചെറിയതായിരിക്കും ചിലത് ഭക്ഷ്യ യോഗ്യമാണ്.[5]

കേരളത്തിൽ തിരുത്തുക

ഈ കുടുംബത്തിലെ കേരളത്തിൽ സാധാരണ കണ്ടുവരുന്ന അംഗങ്ങൾ മൈല, ആറ്റുനൊച്ചി, കൊങ്ങിണി, പാരിജാതം, നായ്‌ക്കുമ്പിൾ, നീർത്തിപ്പലി, മാണിക്ക്യച്ചെമ്പഴുക്ക തുടങ്ങിയവയാണ്.

ജീനസ്സുകൾ തിരുത്തുക

ചിത്രശാല തിരുത്തുക

അവലംബം തിരുത്തുക

  1. ↑ 1.0 1.1 "Family: Verbenaceae J. St.-Hil., nom. cons". Germplasm Resources Information Network. United States Department of Agriculture. 2007-04-12. Archived from the original on 2012-09-15. Retrieved 2011-10-10. {{cite web}}: Unknown parameter |dead-url= ignored (|url-status= suggested) (help)
  2. ↑ Stevens, P. F. (July 12, 2012). "Verbenaceae". Angiosperm Phylogeny Website. Retrieved September 24, 2013.
  3. ↑ "Verbenaceae". Retrieved 24 ഫെബ്രുവരി 2016.
  4. ↑ "Verbenaceae". Retrieved 24 ഫെബ്രുവരി 2016.
  5. ↑ "Verbenaceae -Plants of the Verbena Family". Wildflowers-and-Weeds.com. Retrieved 24 ഫെബ്രുവരി 2016.

പുറത്തേക്കുള്ള കണ്ണികൾ തിരുത്തുക

"https://ml.wikipedia.org/w/index.php?title=വെർബനേസി&oldid=3910630" എന്ന താളിൽനിന്ന് ശേഖരിച്ചത്