ലുഡോവിക്കോ ഡി വർത്തേമ

മക്കയും മദീനയും സന്ദർശിച്ച മുസ്ലിമല്ലാത്ത ആദ്യത്തെ യൂറോപ്യൻ യാത്രികനെന്ന ഖ്യാതി നേടിയ ഇറ്റലിക്കാരനായ സഞ്ചാരി. (1470-1517) പോർട്ടുഗീസുകാരുടെ ചാരനായി സാമൂതിരിക്കെതിരായി അവരെ സഹായിച്ചനിലയിലും കുപ്രസിദ്ധനാണ്‌. ഇംഗ്ലീഷ്: (Ludovico di Varthema).. വർത്തേമ എന്നും ബർത്തേമ എന്നും അറിയപ്പെടുന്നു.മാങ്ങയെ മേങ്കോ എന്ന് ആദ്യമായി വിളിച്ചത് ഇദ്ദേഹമാണ്‌.

വർത്തേമയുടെ പുസ്തകത്തിന്റെ ഡച്ചു പരിഭാഷയുടെ പുറം ചട്ട

ജീവ ചരിത്രം

ഇറ്റലിയിലെ ബൊളോഗ്നയിൽ 1470 ലാണ് വർത്തേമ ജനിച്ചത്. അദ്ദേഹത്തിൻറെ ബാല്യകാലത്തെക്കുറിച്ച് അധികം അറിയാൻ കഴിഞ്ഞിട്ടില്ല. പ്രായപൂർത്തിയായതോടെ അദ്ദേഹം സൈനികവൃത്തിയിൽ പ്രവേശിച്ചു. എന്നാൽ ചെറുപ്പം മുതൽക്കേ അദ്ദേഹത്തിന് പേരിലും പ്രശസ്തിയിലും സാഹസികയാത്രകളിലും താല്പര്യമുണ്ടായിരുന്നു.

1502 ൽ അദ്ദേഹം യൂറോപ്പ് വിട്ടു. കെയ്റോ, ബെയ്റൂട്ട്, ഡമാസ്കസ്, മക്ക എന്നീ സ്ഥലങ്ങൾ സഞ്ചരിച്ചു. മക്കയിൽ പോവുകയായിരുന്ന മാമുൽക് സംഘത്തിൻറെ കൂടെ വേഷപ്രച്ഛന്നനായാണ് അവിടം സന്ദർശിച്ചത്. അദ്ദേഹം ഇതിനെ പറ്റി പിന്നീട് രചിച്ച തൻറെ ഗ്രന്ഥത്തിൽ വിശദമായി പ്രതിപാദിച്ചിരുന്നു.