രാജാ പർവേസ് അഷറഫ്
പാകിസ്താന്റെ 25[1] ആമത് പ്രധാനമന്ത്രിയായി 2012 ജൂൺ 22 ന് തെരഞ്ഞെടുക്കപ്പെട്ട രാജാ പർവേസ് അഷറഫ് (ഇംഗ്ലീഷ്: Raja Pervaiz Ashraf) 1950 ഡിസംബർ 26 ന് സിന്ധിലെ സാംഘാറിൽ ജനിച്ചു. മാർച്ച് 2008 മുതൽ ഫെബ്രുവരി 2011 വരെ പാകിസ്താനിൽ യൂസഫ് റാസാ ഗീലാനിയുടെ മന്ത്രിസഭയിൽ ജല- വൈദ്യുതി മന്ത്രിയായിരുന്നു. പാകിസ്താൻ പീപ്പിൾസ് പാർട്ടിയുടെ പ്രധാനനേതാവാണ് ഇദ്ദേഹം. റാവൽപിണ്ടി ജില്ലയിലെ ഗുജർഘാൻ നിയമഭാമണ്ഡലത്തിൽ നിന്നും നാഷണൽ അസംബ്ലി (MNA)യിലേയ്ക്ക് രണ്ടുതവണ തെരഞ്ഞെടുക്കപ്പെട്ടു.[2] 89നെതിരെ 211 വോട്ടുകൾ നേടിയാണ് ഇദ്ദേഹം തിരഞ്ഞെടുക്കപ്പെട്ടത്.[3] പാകിസ്താൻ മുസ്ലിം ലീഗ്(നവാസ്)(PML-N) പ്രതിനിധി സർദാർ മെഹ്താഫ് അബ്ബാസിയ്ക്കാണ് 89 വോട്ടുകൾ ലഭിച്ചത്.
രാജാ പർവേസ് അഷറഫ് راجہ پرویز اشرف | |
|---|---|
| പാകിസ്താൻ പ്രധാനമന്ത്രി | |
പദവിയിൽ | |
| ഓഫീസിൽ 22 ജൂൺ 2012 | |
| രാഷ്ട്രപതി | ആസിഫ് അലി സർദാരി |
| മുൻഗാമി | യൂസഫ് റാസാ ഗീലാനി |
| ജല- ഊർജ്ജ വകുപ്പ് മന്ത്രി | |
| ഓഫീസിൽ 2008 മാർച്ച് 31 – 2011 ഫെബ്രുവരി 9 | |
| മുൻഗാമി | ലിയാക്കത്ത് അലി ജതോയി |
| വ്യക്തിഗത വിവരങ്ങൾ | |
| ജനനം | 1950 ഡിസംബർ 26, (61 വയസ്സ്) സാംഘാർ, സിന്ധ്, പാകിസ്താൻ |
| രാഷ്ട്രീയ കക്ഷി | പാകിസ്താൻ പീപ്പിൾസ് പാർട്ടി |
| അൽമ മേറ്റർ | യൂണിവേഴ്സിറ്റി ഓഫ് സിന്ധ് |
| ജോലി | രാഷ്ട്രീയനേതാവ് |
ജീവിതരേഖ തിരുത്തുക
1970 ൽ യൂണിവേഴ്സിറ്റി ഓഫ് സിന്ധിൽ നിന്നും ബി.ഏ.ഡിഗ്രി ലഭിച്ചു. ഇൻഡസ്ട്രിയൽ മാനേജ്മെന്റിൽ അമേരിക്കയിൽ നിന്നും ഡിപ്ലോമ നേടി. കാർഷികമേഖലയിൽ വ്യാപൃതനായിരിക്കേ PPP യിൽ ചേർന്നു. പാകിസ്താൻ പീപ്പിൾസ് പാർട്ടി പാർലമെന്റേറിയരുടെ(PPPP) സെക്രട്ടറി ജനറലും 1994 മുതൽ 1996 വരെ സോഷ്യൽ ആക്ഷൻ ചെയർമാനുമായിരുന്നു.[4] 1989 ലെ ഉപതിരഞ്ഞെടുപ്പ്, 1990, 1993, 1997 തിരഞ്ഞെടുപ്പുകൾ എന്നിവയിലെല്ലാം അദ്ദേഹം മത്സരിച്ചു. 2002 ലെ ദേശീയതെരഞ്ഞെടുപ്പിൽ PML (N)ന്റെ ചൗധരി സമാനെ തോൽപ്പിച്ചു. 2008 ൽ PML (Q) നേതാവ് ഖാസിം ജാവേദിനെയാണ് ഇദ്ദേഹം പരാജയപ്പെടുത്തിയത്.
ഇതുംകൂടി കാണുക തിരുത്തുക
അവലംബം തിരുത്തുക
ദേശാഭിമാനി, മാതൃഭൂമി ദിനപത്രങ്ങൾ(23 ജൂൺ ശനി 2012)
- ↑ http://en.wikipedia.org/wiki/List_of_Prime_Ministers_of_Pakistan
- ↑ http://en.wikipedia.org/wiki/Raja_Pervaiz_Ashraf
- ↑ "ആർക്കൈവ് പകർപ്പ്". Archived from the original on 2012-06-22. Retrieved 2012-06-22.
- ↑ http://www.thenews.com.pk/article-55568-Raja-Pervaiz-Ashraf-elected-PM