പോൾ ഡൗഗെർറ്റി

അമേരിക്കൻ ചിത്രകാരനാണ് പോൾ ഡൗഗെർറ്റി. 1877 സെപ്റ്റംബർ 6-ന് ന്യൂയോർക്കിൽ ജനിച്ചു. 1898-ൽ ന്യൂയോർക്ക് ലാ സ്കൂളിൽ നിന്ന് നിയമ ബിരുദം നേടി. എങ്കിലും കൗമാരകാലത്തുതന്നെ ചിത്രരചനയിൽ വൈദഗ്ദ്ധ്യം പ്രകടിപ്പിച്ചിരുന്ന ഡൌഗെർറ്റി 1900-05 കാലയളവിൽ ലണ്ടനിലും പാരിസിലും മ്യൂണിക്കിലും മറ്റും താമസിച്ച് ചിത്രരചനയിൽ പരിശീലനം നേടുകയും അനേകം ചിത്രങ്ങൾ വരയ്ക്കുകയും ചെയ്തു. പിന്നീട് അമേരിക്കയിലെത്തിയ ഡൗഗെർറ്റിയുടെ പ്രകൃതിദൃശ്യ രചനകൾ വളരെയധികം പ്രചാരംനേടി.

പോൾ ഡൗഗെർറ്റി വരച്ച ചിത്രം

പോൾ ഡൗഗെർറ്റി
പ്രമാണം:Dougherty1931.jpg Paul Dougherty, 1931
ജനനം	(1877-09-06)സെപ്റ്റംബർ 6, 1877 Brooklyn, New York
മരണം	ജനുവരി 9, 1947(1947-01-09) (പ്രായം 69) Palm Springs, CA, United States
വിദ്യാഭ്യാസം	Henry Ward Ranger, William S. Barnett, Independent study in Europe
അറിയപ്പെടുന്നത്	Marine Paintings, Landscapes
പ്രസ്ഥാനം	California Plein-Air Painting, American Impressionism

ന്യൂ ഇംഗ്ലണ്ട് തീരത്തിലൂടെ പല യാത്രകളും നടത്തിയ ഡൗഗെർറ്റിയുടെ സമുദ്രസംബന്ധമായ ചിത്രരചനകളാണ് ഇദ്ദേഹ ത്തെ കൂടുതൽ പ്രശസ്തനാക്കിയത്. പ്രസിദ്ധ രചനയായ ഒക്ടോബർ ഡീസ് (1910) ന്യൂയോർക്ക് പട്ടണത്തിലെ മെട്രൊപൊളിറ്റൻ മ്യൂസിയം ഒഫ് ആർട്ടിൽ സൂക്ഷിച്ചിരിക്കുന്നു. ഇതിനു പുറമേ അ നേകം മലയോര ദൃശ്യങ്ങളും വ്യക്തിചിത്രങ്ങളും ഡൗഗെർറ്റി ക്യാൻവാസിലേക്കു പകർത്തിയിട്ടുണ്ട്. 1947 ജനുവരി 9-ന് കാലിഫോർണിയയിലെ പാം സ്പ്രിങ്സിൽ ഡൗഗെർറ്റി അന്തരിച്ചു.

അവലംബം

• http://www.askart.com/askart/d/paul_dougherty/paul_dougherty.aspx
• http://www.kargesfineart.com/paul-dougherty-biography.html Archived 2010-11-24 at the Wayback Machine.

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ ഡൌഗെർറ്റി, പോൾ (1877 - 1947) എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.