ലക്ഷ്മിക്കുട്ടി അമ്മ

(പത്മശ്രീ ലക്ഷ്മിക്കുട്ടി അമ്മ എന്ന താളിൽ നിന്നും തിരിച്ചുവിട്ടതു പ്രകാരം)

ഇന്ത്യയിലെ കേരളത്തിലെ തിരുവനന്തപുരത്തുള്ള കല്ലാർ വനമേഖലയിൽ നിന്നുള്ള ഒരു ആദിവാസി സ്ത്രീയാണ് ലക്ഷ്മിക്കുട്ടി അമ്മ.[1] ലക്ഷ്മിക്കുട്ടി അമ്മയെ രാജ്യം 2018-ൽ പത്മശ്രീ പുരസ്കാരം നൽകി ആദരിച്ചു.[2] നാട്ടുവൈദ്യ ചികിത്സയിൽ വിദേശ രാജ്യങ്ങളിൽ ഇവർ പ്രസിദ്ധയാണ്. ഉഗ്രവിഷം തീണ്ടിയ 200 ഓളം പേരെ ഈ കാലത്തിനിടയ്ക്ക് ലക്ഷ്മിക്കുട്ടി അമ്മ ജീവിതത്തിലേക്ക് മടക്കിക്കൊണ്ടുവന്നിട്ടുണ്ട്. വിഷചികിത്സയിലെ ഈ പ്രാഗല്ഭ്യത്തിന് 1995-ൽ സംസ്ഥാന സർക്കാർ വൈദ്യരത്നം പുരസ്കാരം നൽകി ആദരിച്ചിരുന്നു. സ്വദേശികൾ മാത്രമല്ല, വിദേശത്തുനിന്നും നിരവധി പേർ ലക്ഷ്മിക്കുട്ടിയുടെ നാട്ടറിവ് പഠിക്കാൻ മൊട്ടന്മൂട് കോളനിയിലേക്ക് എത്താറുണ്ട്. ഫോൿലോർ അക്കാദമിയിലെ വിസിറ്റിംഗ് പ്രൊഫസർ കൂടിയാണ് സംസ്കൃതവും ഹിന്ദിയും ഇംഗ്ലീഷുമെല്ലാം അറിയുന്ന ഈ എട്ടാം ക്ലാസുകാരി ലക്ഷ്മിക്കുട്ടി അമ്മ. [3]

Lakshmikutty
The President, Shri Ram Nath Kovind presenting the Padma Shri Award to Smt. Lekshmikutty, at the Civil Investiture Ceremony, at Rashtrapati Bhavan, in New Delhi on March 20, 2018.
The President, Shri Ram Nath Kovind presenting the Padma Shri Award to Smt. Lekshmikutty, at the Civil Investiture Ceremony, at Rashtrapati Bhavan, in New Delhi on March 20, 2018.
ജനനം1943
ദേശീയതIndian
പൗരത്വംIndian
പുരസ്കാരങ്ങൾPadma Shri 2018
ലക്ഷ്മിക്കുട്ടി അമ്മ

പ്രധാനമന്ത്രി നരേന്ദ്ര മോദി തന്റെ പ്രതിമാസ മൻ കി ബാത്ത് റേഡിയോ പരിപാടിയിൽ ലക്ഷ്മിക്കുട്ടി നൽകിയ സംഭാവനകളെക്കുറിച്ച് സംസാരിച്ചു. ആളുകൾ അവരെ ‘വനമുത്തശ്ശി’ എന്നാണ് വിളിക്കുന്നത്. കൂടാതെ അവർ തെക്കൻ സംസ്ഥാനങ്ങളിലെ വിവിധ സ്ഥാപനങ്ങളിൽ നാട്ടു വൈദ്യത്തെക്കുറിച്ച് പ്രഭാഷണങ്ങൾ നടത്തുന്നു.[4]

ജീവിതരേഖ തിരുത്തുക

ആദിവാസി മൂപ്പനായിരുന്ന ശീതങ്കൻ ചാത്താടി കാണിയുടേയും വയറ്റാട്ടിയായിരുന്ന കുഞ്ചുത്തേവിയുടേയും മകളായി 1944-ൽ തിരുവനന്തപുരം കല്ലാറിലുള്ള മൊട്ടമൂട് ആദിവാസി ഗ്രാമത്തിൽ ജനിച്ചു. 6 വയസ്സുള്ളപ്പോൾ അച്ഛൻ മരിച്ചു. 4 മക്കളേയും പഠിപ്പിച്ചത് അമ്മയാണ്. ആദ്യമായി സ്കൂൾ വിദ്യാഭ്യാസം ലഭിച്ച ഊരിലെ പെൺകുട്ടി ലക്ഷ്മിക്കുട്ടിയായിരുന്നു. 5 ക്ലാസ് വരെ വിതുരയിലും 8 വരെ കല്ലാറിലും പഠിച്ചു. സംസ്കൃതവും ഹിന്ദിയും അഭ്യസിച്ചു. 1959 ൽ അമ്മാവന്റെ മകനായ മാത്തൻ കാണിയെ വിവാഹം ചെയ്തു. ധരണീന്ദ്രൻ ( 2005 -ൽ കാട്ടാനയുടേ കുത്തേറ്റ് മരിച്ചു, ശിവപ്രസാദ്, ലക്ഷമണൻ (ചിത്രകാരനായിരുന്നു) എന്നിങ്ങനെ മൂന്നു മക്കൾ.

അവലംബം തിരുത്തുക

  1. "ആർക്കൈവ് പകർപ്പ്". Archived from the original on 2018-02-18. Retrieved 2018-02-19.
  2. "ആർക്കൈവ് പകർപ്പ്". Archived from the original on 2018-01-29. Retrieved 2018-02-19.
  3. "ആർക്കൈവ് പകർപ്പ്". Archived from the original on 2018-02-27. Retrieved 2018-02-18.
  4. "Grandmother of the jungle and Medical Messiah: Meet the Padma Shri awardees from Kerala". The News Minute. 2018-01-25. Retrieved 2018-01-29.
"https://ml.wikipedia.org/w/index.php?title=ലക്ഷ്മിക്കുട്ടി_അമ്മ&oldid=3949463" എന്ന താളിൽനിന്ന് ശേഖരിച്ചത്