നങ്ങേലി
നങ്ങേലി എന്ന ഒരു ഈഴവ സ്ത്രീയെക്കുറിച്ചുള്ള കഥയാണ്, തിരുവിതാംകൂർ രാജഭരണകാലത്തെ അന്യായനികുതികളിൽ പ്രതിഷേധിച്ച് രക്തസാക്ഷിയായ ഈഴവ സ്ത്രീയാണു നങ്ങേലി യെന്നു വിശ്വസിക്കപ്പെടുന്നു. ആലപ്പുഴജില്ലയിലെ ചേർത്തലത്താലൂക്കിലെ നിവാസിയായിരുന്നു നങ്ങേലി. നങ്ങേലിയുടെ ഭർത്താവിൻ്റെ പേര്, ചിരുകണ്ടൻ എന്നായിരുന്നു.
രാജഭരണകാലഘട്ടത്തിൽ പണിയെടുക്കാൻ ശരീരശേഷിയുള്ള പുരുഷൻ കൊടുക്കേണ്ട നികുതിയായിരുന്നു തലക്കരം. സ്ത്രീകളിൽ ആ നികുതിയെ വിളിച്ചിരുന്ന പേര് മുലക്കരമെന്നാണ്. പലരും ധരിച്ചിരിക്കുന്നതുപോലെ മുലകളുടെ വലിപ്പമനുസരിച്ചോ, മാറു മറയ്ക്കാനുള്ള അവകാശത്തിനുവേണ്ടിയോ നൽകേണ്ടിയിരുന്ന നികുതിയല്ല മുലക്കരം[അവലംബം ആവശ്യമാണ്]. ഇപ്പോഴത്തെ വരുമാനനികുതിപോലെയായിരുന്നു തലക്കരവും മുലക്കരവും[അവലംബം ആവശ്യമാണ്]. രണ്ടുചക്രമായിരുന്നു, നികുതിയെന്നും 1937-ൽ പ്രസിദ്ധീകരിച്ച ട്രാവൻകൂർ ട്രൈബ്സ് ആൻഡ് കാസ്റ്റ്സ് എന്ന ഗ്രന്ഥത്തിൽ എൽ.ആർ. കൃഷ്ണ അയ്യർ വ്യക്തമാക്കിയിരിക്കുന്നു. [1]എന്നാൽ നങ്ങേലി മുലക്കരമൊടുക്കിയില്ല. ഇതു പിരിക്കാനെത്തിയ രാജകിങ്കരനുമുമ്പിൽ അവരുടെ രണ്ടു മുലകളും ഛേദിച്ചു ചേമ്പിലയിൽവച്ച്, ഇനി മുലക്കരം തരേണ്ടതില്ലല്ലോയെന്ന് ചോദിച്ചതായി പറയപ്പെടുന്നു.[2] തുടർന്ന് നങ്ങേലി രക്തംവാർന്നു മരിച്ചു. നങ്ങേലിയുടെ ശവദാഹംനടന്നുകൊണ്ടിരിക്കേ കത്തിയമർന്ന ചിതയിലേയ്ക്കെടുത്തുചാടി, ഭർത്താവായ ചിരുകണ്ടനും രക്തസാക്ഷിയായി. ഈ സംഭവത്തിനുശേഷവും മുലക്കരം പിരിക്കുന്നതു തുടർന്നു. ഒടുവിൽ മലയാളവർഷം 986-ൽ (എ.ഡി 1810) ശ്രീമൂലം തിരുനാളാണു മുലക്കരം നിർത്തലാക്കിയത്.[3] നങ്ങേലി മരിച്ചസ്ഥലം മുലച്ചിപ്പറമ്പ് എന്നപേരിലറിയപ്പെട്ടു. എന്നാൽ ഇതൊരു കെട്ടുകഥമാത്രമാണെന്നും നങ്ങേലി ജീവിച്ചിരുന്നില്ലെന്നും പലരും വാദിക്കുന്നു. ഇളങ്കോ അടികൾ രചിച്ച തമിഴ് ഇതിഹാസമായ ചിലപ്പതികാരത്തിലെ വീരനായിക കണ്ണകിയും പാണ്ഡ്യരാജാവ്, അന്യായമായി തന്റെ ഭർത്താവിനെ വധിച്ചതിൽ പ്രതിഷേധിക്കാനായി മുലപറിച്ചെറിഞ്ഞതായി കഥയുണ്ട്.
പക്ഷെ ഈ കഥയ്ക്ക് ആധികാരികമായ തെളിവുകളൊന്നുമില്ല. ഈ കഥ ആദ്യം പ്രത്യക്ഷപ്പെടുന്നത് 2000-ത്തിൽ പ്രസിദ്ധീകരിച്ച എസ്.എൻ. സദാശിവന്റെ "എ സോഷ്യൽ ഹിസ്റ്ററി ഓഫ് ഇന്ത്യ" എന്ന പുസ്തകത്തിലാണ്. അതിൽ നങ്ങേലി എന്ന പേരുപോലുമില്ല.
നങ്ങേലിയുടെ അവഗണിക്കപ്പെട്ട ചരിത്രം പൊതുസമൂഹത്തിലെത്തിക്കേണ്ടതിന്, നങ്ങേലിയെ സ്ത്രീകളുടെ ആത്മാഭിമാനത്തിന്റെയും തുല്യതയുടെയും പ്രതീകമാക്കുകയെന്ന ലക്ഷ്യം മുൻനിർത്തി ചേർത്തലയിൽ 2017 ജനുവരി 27ന് നങ്ങേലി സാംസ്കാരികക്കൂട്ടായ്മ രൂപീകരിച്ചിരുന്നു.
സി.ബി.എസ്.ഇ വിവാദം തിരുത്തുക
സി.ബി.എസ്.ഇ. ഒമ്പതാംക്ലാസ് സാമൂഹ്യശാസ്ത്രപാഠപുസ്തകത്തിലെ, ‘Caste, Conflict and Dress Change’ (ജാതി, സമരം, വസ്ത്രമാറ്റം) എന്ന പാഠഭാഗം നീക്കംചെയ്തിരുന്നു. ആക്ഷേപാർഹമായ പാഠഭാഗങ്ങൾ നീക്കം ചെയ്യണമെന്നു നിർദ്ദേശിക്കുന്ന മദ്രാസ് ഹൈക്കോടതിയുടെ ഉത്തരവിനെത്തുടർന്നാണ്, സി.ബി.എസ്.ഇ. ഇതു ചെയ്തത്. നായർമേധാവിത്തത്താൽ നിർബന്ധിതമായി, മേൽവസ്ത്രം ധരിക്കാൻ അവകാശമില്ലാതിരുന്ന നാടാർ (ചാന്നാർ)വിഭാഗത്തിന്റെ പോരാട്ടചരിത്രമായിരുന്നു ഈ പാഠഭാഗത്തുള്ളത്. ചേർത്തലയിലെ നങ്ങേലിയെക്കുറിച്ചും ഈ പാഠഭാഗത്തിൽ പരാമർശമുണ്ടായിരുന്നു.[4]
കലാവിഷ്കാരം തിരുത്തുക
- ചിത്രകാരൻ ടി. മുരളി നങ്ങേലിയുടെ പോരാട്ടത്തെയാസ്പദമാക്കി തയ്യാറാക്കിയ ചിത്രത്തെക്കുറിച്ച് ബി.ബി.സി. വാർത്ത പ്രസിദ്ധീകരിച്ചിരുന്നു. [5]
- പ്രശസ്തചിത്രകാരനായ ഒറിജിത് സെൻ തയ്യാറാക്കിയ ചിത്രകഥാരൂപത്തിലുള്ള നങ്ങേലിയുടെ പ്രതിഷേധം ആർട്ട് റിവ്യൂ ഏഷ്യയിൽ പ്രസിദ്ധീകരിച്ചതു ശ്രദ്ധയാകർഷിച്ചിരുന്നു. ഹൈദരാബാദ് സർവ്വകലാശാലയിൽ ആത്മഹത്യചെയ്ത ഗവേഷണവിദ്യാർത്ഥി രോഹിത് വെമുലയ്ക്കു സമർപ്പിച്ചുകൊണ്ടാണ് കാർട്ടൂൺ പുറത്തിറക്കിയത്. ആർട്ട് റിവ്യൂ ഏഷ്യയിലാണ് ഈ ചിത്രകഥ ആദ്യം പുറത്തുവന്നത്. [6]
- വയലാർ മാധവൻ കു‌ട്ടി രചിച്ച വയലാറിലെ കനൽപ്പൂക്കൾ എന്ന കഥാസമാഹാരത്തിൽ നങ്ങേലിയെക്കുറിച്ചുള്ള കഥയുണ്ട്.
അവലംബം തിരുത്തുക
- ↑ L.A., Krishna Iyer (1937). Travancore Tribes And Castes Vol. 1. Thiruvananthapuram: Superintendent, Government Press. p. 165.
The Puniat Raja, who ruled over those at Mundapalli, made them pay head money - two chuckrams a head monthly as soon as they were able to work and a similar sum as 'presence money' besides certain quotas of fruits and vegetables and feudal service.They were also forced to lend money if they possessed any, and to bring leaves and other articles without any pretext of paying them, and that for days. The men these villages were placed in a worse position than the slaves. The petty Raja used to give a silver-headed cane to the principal headman, who was then called 'Perumban or 'caneman'. The head money was popularly known as 'thalakaram' in the case of males and 'mulakaram' in the case of females.
- ↑ "സ്തനം മുറിച്ചു പ്രതിഷേധിച്ച പെൺപോരാളി നങ്ങേലിയുടെ ഓർമ്മകൾക്ക് 200 വയസ്സ്". Archived from the original on 2016-11-06. Retrieved 6 നവംബർ 2016.
- ↑ മാറ് മറയ്ക്കാത്ത കേരളീയ സദാചാരം! Archived 2016-03-04 at the Wayback Machine., നാസർ റാവുത്തർ, പുഴ.കോം
- ↑ https://thewire.in/education/cbse-removed-history-womens-caste-struggle}[പ്രവർത്തിക്കാത്ത കണ്ണി]
- ↑ "ആർക്കൈവ് പകർപ്പ്". Archived from the original on 2017-06-25. Retrieved 2017-03-15.
- ↑ http://www.doolnews.com/nangeli-story-in-cartoon-dedicatedto-rohith-vemula-563.html