തിഗ്ലത്ത്-പിലീസർ I ബി.സി. 12-ആം നൂറ്റാണ്ടിന്റെ അവസാനകാലത്തും 11-ആം നൂറ്റാണ്ടിന്റെ ആദ്യകാലത്തും അസീറിയയുടെ രാജാവായിരുന്നു. അക്കാലത്ത് അവിടെ പ്രബലരായിരുന്ന മുഷ്കി (Mushki) വംശജരെ യുദ്ധത്തിൽ തോല്പിച്ച് യൂഫ്രെട്ടസ് നദീതീരത്തുള്ള ചില പ്രദേശങ്ങളും ഉത്തര സിറിയയിലേയും ഏഷ്യാമൈനറിലേയും ഏതാനും സ്ഥലങ്ങളും കീഴടക്കി ഇദ്ദേഹം ഭരണം നടത്തി. മെഡിറ്ററേനിയൻ പ്രദേശത്തെ പല നാടോടി വർഗങ്ങളേയും പരാജയപ്പെടുത്തുവാനും ബാബിലോണിയ കീഴടക്കുവാനും ഇദ്ദേഹത്തിനു സാധിച്ചു. ഭരണകാലം ബി.സി.1116 മുതൽ 1076 വരെയായിരുന്നുവെന്ന് രേഖപ്പെടുത്തിക്കാണുന്നു. എങ്കിലും, ഇക്കാര്യത്തിൽ വ്യത്യസ്താഭിപ്രായം നിലവിലുണ്ട്.
പുറത്തേക്കുള്ള കണ്ണികൾ
തിരുത്തുക