തമിഴ്‌നാട്ടിലെ വൃക്ഷസസ്യാദികളെക്കുറിച്ചുള്ള പഠനത്തിനും അവയുടെ സംരക്ഷണത്തിനുമായി പ്രവർത്തിച്ച സസ്യ ശാസ്ത്രജ്ഞനായിരുന്നു കോയപിള്ളിൽ മത്തായി മാത്യു (1930-2004) എന്ന ഫാദർ കെ.എം. മാത്യു. ജെസ്യൂട്ട് പുരോഹിതനായിരുന്ന ഇദ്ദേഹത്തിന് രണ്ടായിരത്തിരണ്ടിലെ ഇന്ദിരാഗാന്ധി പര്യാവരൺ പുരസ്‌കാരം ലഭിച്ചിട്ടുണ്ട്. [1] [2] തമിഴ്‌നാട്ടിലെ പുഷ്പ വൈവിധ്യത്തെക്കുറിച്ച് വിശദമായി പഠിച്ച അദ്ദേഹം നിരവധി ഗവേഷണ പ്രബന്ധങ്ങളും പുസ്തകങ്ങളും പ്രസിദ്ധീകരിച്ചു. [3] 1967 ൽ തിരുച്ചിറപ്പള്ളി സെന്റ് ജോസഫ്സ് കോളേജിൽ റാപിനാറ്റ് ഹെർബേറിയം സ്ഥാപിച്ചു.

Father Dr. K. M. Matthew
ജനനം16 March 1930 (1930-03-16)
Koyapillil, Ramapuram, Kottayam, Kerala, India
മരണം16 April 2004 (2004-04-17) (aged 74)
തൊഴിൽBotanist
അറിയപ്പെടുന്നത്Taxonomical research
മാതാപിതാക്ക(ൾ)Koyapillil Ouseph Mathai and Koyapillil John Teresa
പുരസ്കാരങ്ങൾIndira Gandhi Paryavaran Puraskar

ജീവിതരേഖ തിരുത്തുക

1930 മാർച്ച് 16 ന് കേരളത്തിലെ കോട്ടയം രാമപുരത്ത് കൊയപില്ലിൽ ഔസേഫ് മത്തായിക്കും കോയപില്ലിൽ ജോൺ തെരേസയുടെയും മകനായി ജനിച്ചു. [4] കർഷകരുടെ കുടുംബത്തിൽ ജനിച്ച അദ്ദേഹം രാമപുരത്തെ സെന്റ് അഗസ്റ്റിൻസ് ഹൈസ്കൂളിൽ സ്കൂൾ വിദ്യാഭ്യാസം പൂർത്തിയാക്കി, ചങ്ങനാശ്ശേരിയിലെ എസ്.ബി. കോളേജിൽ പ്രാരംഭ കോളേജ് പഠനം പൂർത്തിയാക്കി, ഉന്നത പഠനത്തിനായി തിരുച്ചിറപ്പള്ളിയിലെ സെന്റ്‌ ജോസഫ്സ്‌ കോളജിൽ ചേർന്നു. [5] [6] മദ്രാസ് യൂണിവേഴ്സിറ്റിയിൽ നിന്ന് ബിരുദം നേടി. 1958-60 കാലഘട്ടത്തിൽ എംഎസ്‌സി പൂർത്തിയാക്കി. ഹെർമെനെഗിൽഡ് സാന്തപൗവിന്റെ മാർഗ്ഗനിർദ്ദേശത്തിൽ പളനി കുന്നുകളിലെ അന്യ സസ്യങ്ങളെക്കുറിച്ചുള്ള പഠനത്തിൽ സെന്റ്‌ സേവ്യേഴ്‌സ് കോളേജിൽനിന്നു ഡോക്ടറേറ്റ് (1960-62) നേടി.  1960 ൽ ട്രിച്ചി സെന്റ്‌ ജോസഫ്‌സ്‌ കോളജിൽ അധ്യാപകനായി. നാലു വർഷം കഴിഞ്ഞ്‌ ഇംഗ്ലണ്ടിലെത്തി ലണ്ടനിൽ കീവിലെ റോയൽ ബൊട്ടാണിക്‌ ഗാർഡൻസിൽ നിന്നു ഫെലോഷിപ്പ്‌ നേടി. കീവിൽനിന്ന്‌ 1974 ൽ തിരിച്ചെത്തി കൊടൈക്കനാലിലെ ആൻഗ്ലേഡ്‌ ഇൻസ്റ്റിറ്റ്യൂട്ട്‌ ഡയറക്ടറായി. വൃക്ഷ സസ്യാദികളെക്കുറിച്ചുള്ള പഠനത്തിനും അവയുടെ ശാസ്ത്രീയ വർഗീകരണത്തിനുമായുള്ള പദ്ധതികൾ പ്രാവർത്തികമാക്കി. 1,25,000 വൃക്ഷസസ്യാദികളുടെ തൈകൾ അവിടെ പറിച്ചുനട്ടു. ബൊട്ടാണിക്കൽ ലൈബ്രറി സ്ഥാപിച്ചു. ഇവിടെനിന്നു എ ഹാൻഡ്ബുക്ക്‌ ഓഫ്‌ ആൻഗ്ലേഡ്‌ ഇൻസ്റ്റിറ്റ്യൂട്ട്‌, ഷോല എന്നിങ്ങനെ പരിസ്ഥിതി സംബന്ധമായ രണ്ടു പുസ്തകങ്ങൾ ഇറങ്ങിയിരുന്നു.

അദ്ദേഹം തമിഴ്‌നാട്ടിൽ നടത്തിയ ഫീൽഡ് വർക്കുകളുടെ ഫലമായി നാല് വാല്യങ്ങളിൽ തമിഴ്‌നാട് കർണാടകത്തിലെ സസ്യജാലങ്ങൾ (The Flora of Tamil Nadu Carnatic) എന്ന കൃതി പ്രസിദ്ധീകരിച്ചു. [1] [7] മൊത്തം 2020 ഇനം സസ്യങ്ങളെക്കുറിച്ചുള്ള പഠനം ഈ കൃതിയിൽ ഉൾപ്പെടുത്തിയിട്ടുണ്ട്. പളനി കുന്നുകളിലെ സസ്യജാലങ്ങളെ മൂന്ന് വാല്യങ്ങളായി ചിത്രീകരിച്ച് പ്രസിദ്ധീകരിച്ച ഫ്ലോറ ഓഫ് പളനി ഹിൽസ് ആണ് മറ്റൊരു സംഭാവന. നാല് പുതിയ ജീവിവർഗ്ഗങ്ങളെ അദ്ദേഹം വിവരിച്ചു, ഒരു ഉപജാതി, കുറച്ച് പുതിയ കോമ്പിനേഷനുകൾ നിർദ്ദേശിച്ചു. അദ്ദേഹത്തിന്റെ ബഹുമാനാർത്ഥം സ്ട്രോബിലാന്തസ് മാത്യേവിയാന ആർ‌.ഡബ്ല്യു. സ്കോട്ട് ലാൻഡ് എന്ന് ഒരിനത്തിന് പേര് നൽകപ്പെട്ടിട്ടുണ്ട്.. [8] [9] [10] [11]

സസ്യസംരക്ഷണ പ്രവർത്തനങ്ങൾ തിരുത്തുക

പ്രകൃതി സന്ദേശം ജനങ്ങളിലെത്തിക്കാനായി നിരവധി പ്രവർത്തനങ്ങൾ നടത്തി. സാധാരണ ഗ്രാമീണർക്ക് അപൂർവസസ്യങ്ങളെ തിരിച്ചറിയാനും സംരക്ഷിക്കാനുമുള്ള അറിവു പകരാനായി മൂന്നു ദിവസം ആൻഗ്ലേഡിൽ സൗജന്യമായി താമസിപ്പിച്ച് പരിശീലിപ്പിച്ചു. ഇങ്ങനെ 60,000 ത്തോളം പ്രകൃതി സംരക്ഷകർക്കു പരിശീലനം നൽകി.[12]

അവാർഡുകൾ തിരുത്തുക

തമിഴ്‌നാട് സംസ്ഥാന സർക്കാരിന്റെ മികച്ച അധ്യാപക അവാർഡ് 1989-ൽ അദ്ദേഹത്തിന് ലഭിച്ചു, [6] ഡച്ച് ഗവൺമെന്റിന്റെ ZWO ഫെലോഷിപ്പ്, ലൈഡൻ, 1978.  പരിസ്ഥിതി സംരക്ഷണത്തിന് നൽകിയ സമഗ്ര സംഭാവനയ്ക്ക് മരണാനന്തരം അദ്ദേഹത്തെ വ്യക്തിഗത വിഭാഗത്തിൽ ഇന്ദിരാഗാന്ധി പര്യവരൻ പുരാസ്‌കറുമായി 2002 ൽ ആദരിച്ചു. [2] [5]

പ്രസിദ്ധീകരണങ്ങൾ തിരുത്തുക

  • Mathew, K. M; Rapinat Herbarium (1981). The flora of the Tamilnadu Carnatic. Rapinat Herbarium. Retrieved 8 May 2017.
  • Matthew, K. M (1991). An excursion flora of Central Tamilnadu, India. Oxford & IBH Pub. Co. ISBN 978-81-204-0628-5.
  • Matthew, K. M; Matthew, K. M. Illustrations on the flora of the Palni Hills, South India; Matthew, K. M. Supplement to illustrations on the flora of the Palni Hills, South India; Rapinat Herbarium (1999). The flora of the Palni Hills, South India. Rapinat Herbarium. ISBN 978-81-900539-4-5.{{cite book}}: CS1 maint: multiple names: authors list (link)

അവലംബം തിരുത്തുക

  1. 1.0 1.1 "Jesuit Contribution to Environmental Protection" (PDF). Retrieved 2017-05-11.
  2. 2.0 2.1 Savarimuthu Ignacimuthu, S.J. (2016). The Contributions of South Asian Jesuits to Environmental Work. journal of jesuit studies 3. 619-644. doi 10.1163/22141332-00304005
  3. https://catalog.hathitrust.org/Search/Home?lookfor=%22Matthew,%20K.%20M.%22&type=author&inst=
  4. "Inspiration for the day !". Talent-Kerala. 2004-08-22. Archived from the original on 2023-07-16. Retrieved 2017-05-11.
  5. 5.0 5.1 "Tamil Nadu / Tiruchi News : Award for Tiruchi botanist". The Hindu. Retrieved 2017-05-11.
  6. 6.0 6.1 https://archive.org/details/Shola2004
  7. "Catalog Record: The flora of the Tamilnadu Carnatic | Hathi Trust Digital Library". Catalog.hathitrust.org. Retrieved 2017-05-11.
  8. SCOTLAND, R. W. (1998), One new and one rediscovered species of Strobilanthes Blume (Acanthaceae). Botanical Journal of the Linnean Society, 128: 203–210. doi:10.1111/j.1095-8339.1998.tb02116.x,
  9. "World Plants: Synonymic Checklists of the Vascular Plants of the World". Archived from the original on 2019-03-18. Retrieved 2014-08-20.
  10. "Botanical Servey of India | Flora of India". Efloraindia.nic.in. Retrieved 2017-05-11.[പ്രവർത്തിക്കാത്ത കണ്ണി]
  11. "IPNI Plant Name Details". Ipni.org. 1987-08-16. Retrieved 2017-05-11.
  12. സസ്യങ്ങൾ എന്റെ കുഞ്ഞാടുകൾ, സിബി സെബാസ്റ്റ്യൻ, മലയാള മനോരമ, 22 ഓഗസ്റ്റ് 2004

പുറം കണ്ണികൾ തിരുത്തുക

"https://ml.wikipedia.org/w/index.php?title=കെ.എം._മാത്യു_എസ്‌.ജെ.&oldid=4026427" എന്ന താളിൽനിന്ന് ശേഖരിച്ചത്