കാര്യസ്ഥൻ (ചലച്ചിത്രം)

തോംസൺ കെ. തോമസ് സംവിധാനം ചെയ്ത് 2010-ൽ പുറത്തിറങ്ങിയ ഒരു മലയാളചലച്ചിത്രമാണ് കാര്യസ്ഥൻ. ദിലീപ്, അഖില ശശിധരൻ, സിദ്ദിഖ്, മധു, സുരാജ് വെഞ്ഞാറമൂട് എന്നിവരാണ് പ്രധാനവേഷത്തിൽ എത്തുന്നത് . രണ്ട് കുടുംബങ്ങളുടെ കഥയാണ് ചിത്രത്തിൽ അവതരിപ്പിച്ചിരിക്കുന്നത്.ഈ ചിത്രം തെലുങ്ക് ചിത്രമായ കാളിസുന്ദം രായുടെ അനൗദ്യോഗിക റീമേക്കാണ്.തെലുങ്ക് ചിത്രത്തിൻ്റെ കഥയിൽ ചില മാറ്റങ്ങൾ വരുത്തിയാണ് ഈ ചിത്രം അവതരിപ്പിച്ചിരിക്കുന്നത്.

കാര്യസ്ഥൻ
സംവിധാനം	തോംസൺ കെ. തോമസ്
നിർമ്മാണം	നീറ്റ ആന്റോ
രചന	സിബി കെ. തോമസ് ഉദയകൃഷ്ണ
അഭിനേതാക്കൾ	ദിലീപ് അഖില ശശിധരൻ സിദ്ദിഖ് മധു സുരാജ് വെഞ്ഞാറമൂട്
സംഗീതം	ബേണി ഇഗ്നേഷ്യസ് രാജാമണി(BGM)
ഛായാഗ്രഹണം	പി.സുകുമാർ ISC
ചിത്രസംയോജനം	മഹേഷ് നാരായണൻ
വിതരണം	ആൻ മെഗാ മീഡിയാ റിലീസ്
റിലീസിങ് തീയതി	2010 നവംബർ 05
രാജ്യം	ഇന്ത്യ
ഭാഷ	മലയാളം
ബജറ്റ്	6cr
ആകെ	15.6cr

കഥ

കൃഷ്ണപുരം ഗ്രാമത്തിലെ പ്രമുഖമായ രണ്ട് കുടുംബങ്ങളാണ് കിഴക്കേടത്തും പുത്തേഴത്തും. രണ്ട് കുടുംബങ്ങളാണെങ്കിലും ഐക്യത്തോടെയാണ് അവർ കഴിഞ്ഞിരുന്നത്. കിഴക്കേടത്തെ മൂത്തമകനായ രാജനെ പുത്തേഴത്തെ സരസ്വതിയെ കൊണ്ട് വിവാഹം കഴിപ്പിക്കാൻ ഇരു കൂടുംബങ്ങളും തീരുമാനിച്ചു. പക്ഷേ രാജനിഷ്ടം പുത്തേഴത്തെ കാര്യസ്ഥന്റെ മകളെ ആയിരുന്നു. കല്യാണ ദിവസം ഇരുവരം നാടുവിട്ടു. സരസ്വതിയെ മരിച്ചനിലയിൽ കണ്ടെത്തി. ഇതോടെ രണ്ടു കുടുംബങ്ങളും രണ്ടായി. രാജൻ തെങ്കാശിയിൽ കൃഷിയായി കഴിയുന്നു. സഹായത്തിന് മകൻ കൃഷ്ണനുണ്ണിയും. കൃഷ്ണനുണ്ണിയുടെ കൂട്ടുകാരനാണ് വടിവേലു. കിഴക്കേടത്തെ കാര്യസ്ഥൻ അയ്യപ്പൻ തെങ്കാശിയിലെത്തുന്നത്. കാര്യങ്ങൾ അറിഞ്ഞതോടെ ഇരു കുടുംബങ്ങളെയും ഒന്നിപ്പിക്കാനായി കൃഷ്ണനുണ്ണി പുതിയ കാര്യസ്ഥനായി നാട്ടിലേക്ക് തിരിച്ചു. എന്നാൽ എത്തിപ്പെട്ടത് പുത്തേഴത്താണ്.

കഥാപാത്രങ്ങളും അഭിനേതാക്കളും

• ദിലീപ് കൃഷ്ണനുണ്ണി
• അഖില ശ്രീബാല
• സിദ്ദിഖ് രാജൻ വാര്യർ
• മധു കൃഷ്ണ വാര്യർ
• സലീം കുമാർ കാളിദാസൻ
• ജി.കെ. പിള്ള ശങ്കരൻ നായർ
• സുരാജ് വെഞ്ഞാറമൂട് വടിവേലു
• വന്ദന മേനോൻ
• ബീന ആന്റണി
• ജഗതി ശ്രീകുമാർ
• ബിജു മേനോൻ ജയശങ്കർ
• ജനാർദ്ദനൻ മേജർ നായർ
• സുരേഷ് കൃഷ്ണ സുശീലൻ
• ഗണേഷ്
• ബാബുരാജ്
• സാദിഖ്
• ഹരിശ്രീ അശോകൻ കുമാരൻ
• കൃഷ്ണപ്രസാദ്

ഗാനങ്ങൾ

കൈതപ്രം ദാമോദരൻ നമ്പൂതിരി എഴുതിയ ഗാനങ്ങൾക്ക് സംഗീതം നൽകിയിരിക്കുന്നത് ബേണി ഇഗ്നേഷ്യസ് ആണ്. രാജാമണിയാണ് പിന്നണി സംഗീതം നിർവ്വഹിച്ചിരിക്കുന്നത്.

നമ്പ്ര്	ഗാനം	ഗായകൻ(ർ)	മറ്റു വിവരങ്ങൾ
1	മലയാളിപ്പെണ്ണേ	സുബിൻ, ഡെൽസി
2	മംഗളങ്ങൾ	ബെന്നി ദയാൽ
3	നീയെന്നെ മറന്നോ	ജ്യോത്സ്ന
4	നീയെന്നെ റീമിക്സ്	ജോർജ്ജ് പീറ്റർ, ജ്യോത്സ്ന
5	ഓണവില്ലിൻ	മധു ബാലകൃഷ്ണൻ, പ്രീത കണ്ണൻ, തുളസി
6	തേനിക്കപ്പുറം	അഫ്‌സൽ

പുറത്തേക്കുള്ള കണ്ണികൾ

• Official Trailer
• Malayalipenne Song
• Nowrunning.com article Archived 2012-04-19 at the Wayback Machine.
• Oneindia article Archived 2010-12-03 at the Wayback Machine.