കറുവപ്പട്ട
സിന്നമോമം ജനുസ്സിൽ നിന്നുള്ള കറുവയുടെ പുറംതൊലിയിൽ (പട്ടയിൽ) നിന്നുത്പാദിപ്പിക്കുന്ന സുഗന്ധവ്യഞ്ജനമാണ് കറുവപ്പട്ട. പ്രധാനമായും ഒരു സുഗന്ധവസ്തുവായി ലഘുഭക്ഷണങ്ങൾ, ചായ, പരമ്പരാഗത ഭക്ഷണങ്ങൾ എന്നിവയിൽ ഉപയോഗിക്കുന്നു. കറുവപ്പട്ടയുടെ സുഗന്ധവും സ്വാദും അതിന്റെ തൈലത്തിന്റെ പ്രധാന ഘടകമായ സിന്നമാൽഡിഹൈഡിൽ നിന്നും യൂജെനോൾ ഉൾപ്പെടെയുള്ള മറ്റ് നിരവധി ഘടകങ്ങളിൽ നിന്നാണ് ലഭിക്കുന്നത്.
കറുവപ്പട്ടയിൽ സിലോൺ കറുവപ്പട്ട ("യഥാർത്ഥ" കറുവപ്പട്ട എന്നും അറിയപ്പെടുന്നു), കാസിയ കറുവപ്പട്ട എന്നീ രണ്ട് പ്രധാന തരങ്ങളുണ്ട്. സിലോൺ കറുവപ്പട്ട ഉയർന്ന ഗുണനിലവാരമുള്ളതായി കണക്കാക്കപ്പെടുന്നു, ഇതിനെ "യഥാർത്ഥ" കറുവപ്പട്ട എന്ന് വിളിക്കുന്നു.
കറുവാപ്പട്ടയിൽ കൂമറിൻ എന്ന സംയുക്തം അടങ്ങിയിട്ടുണ്ട്. ഇത് ഉയർന്ന അളവിൽ കഴിക്കുമ്പോൾ വിഷാംശം ഉണ്ടാക്കും. കൊമറിൻ കരളിന് കേടുപാടുകൾ വരുത്തുകയും ആൻറിഓകോഗുലന്റ് ഗുണങ്ങൾ ഉള്ളതിനാൽ രക്തം കട്ടപിടികാത്തിരിക്കുന്നതിന് കാരണമാകാം. വലിയ അളവിൽ കൊമറിൻ അടങ്ങിയ കറുവപ്പട്ട, പ്രത്യേകിച്ച് ഏറ്റവും സാധാരണയായി ലഭ്യമായ ഇനമായ കാസിയ കറുവപ്പട്ട കഴിക്കുന്നത് വിഷബാധയ്ക്കുള്ള സാധ്യത വർദ്ധിപ്പിക്കും.
പാചകത്തിന് പുറമേ കറുവപ്പട്ട അതിന്റെ ഔഷധ ഗുണങ്ങൾക്കും ഉപയോഗിക്കുന്നു. ഇതിൽ വിവിധ ആൻറി ഓക്സിഡൻറുകൾ അടങ്ങിയിട്ടുണ്ട്. കൂടാതെ നിരവധി ആരോഗ്യ ഗുണങ്ങളുമായി ഇവ ബന്ധപ്പെട്ടിരിക്കുന്നു. രക്തത്തിലെ പഞ്ചസാരയുടെ അളവ് നിയന്ത്രിക്കാനും ഇൻസുലിൻ സംവേദനക്ഷമത മെച്ചപ്പെടുത്താനും വീക്കം കുറയ്ക്കാനും കറുവപ്പട്ട സഹായിക്കുമെന്ന് ചില പഠനങ്ങൾ സൂചിപ്പിക്കുന്നു. എന്നിരുന്നാലും ഈ സാധ്യതയുള്ള നേട്ടങ്ങളുടെ വ്യാപ്തി പൂർണ്ണമായി മനസ്സിലാക്കാൻ കൂടുതൽ ഗവേഷണം ആവശ്യമാണ്.