അലക്സാണ്ടർ ജേക്കബ് (പോലീസ് ഓഫീസർ)

ഒരു റിട്ട. പോലീസ് ഓഫീസറാണ് അലക്സാണ്ടർ ജേക്കബ് ഐ പി എസ് (ജനനം 25 മേയ് 1950) . കേരള പോലീസിലെ ഡയറക്ടർ ജനറലായി ജയിൽ ഡിസ്ട്രിക്ട് സെക്ഷന്റെ ചുമതലയിൽ എത്തി. പിന്നീട് കേരള പോലീസ് ഹൗസിങ് കൺസ്ട്രക്ഷൻ കോർപ്പറേഷന്റെ മാനേജിങ് ഡയറക്ടറായി ചുമതലയേറ്റു. ഇപ്പോൾ നാഷണൽ യൂണിവേഴ്സിറ്റി ഫോർ പോലീസ് സയൻസ് ആന്റ് സെക്യൂരിറ്റി സ്റ്റഡീസിന്റെ നോഡൽ ഓഫീസറാണ് (NUPSAS).

വിദ്യാഭ്യാസം തിരുത്തുക

കേരളത്തിലെ പത്തനംതിട്ട ജില്ലയിൽ തുമ്പമണിലെ സ്കൂൾ അധ്യാപകരായിരുന്നു മാതാപിതാക്കൾ. തുമ്പമൺ മാർ- ഗ്രീഗോറിയോസ് സ്കൂളിലും തിരുവനന്തപുരം നാലാഞ്ചിറ സെന്റ് ഗൊരട്ടി സ്കൂളിലുമായിരുന്നു  

സ്കൂൾ വിദ്യാഭ്യാസം.[1]

തിരുവനന്തപുരം സെന്റ് സേവ്യേഴ്സ് കോളേജിൽ നിന്ന് പ്രീഡിഗ്രിയും മാർ ഇവാനിയോസ് കോളേജിൽ നിന്ന് രസതന്ത്രത്തിൽ ബിരുദവും പൂർത്തിയാക്കി.[2] ഇംഗ്ലീഷ്, ഹിസ്റ്ററി, രാഷ്ട്രീയം, സോഷ്യോളജി മാസ്റ്റേഴ്സ് ഡിഗ്രി തലത്തിൽ പഠനം നടത്തി.[1] 'കുറഞ്ഞ ചെലവിൽ പോലീസ് സംവിധാനത്തെ പരിപാലിക്കുന്നതിനുള്ള മാർഗ്ഗങ്ങൾ' (low cost policing) എന്ന വിഷയത്തിൽ എം.ഫിലും നേടി. ഇൻഡോ-ആംഗ്ലിയൻ സാഹിത്യത്തിന്റെ ഹിസ്റ്റോറിക്കൽ നോവലുകൾ എന്ന വിഷയത്തിൽ ഇംഗ്ലീഷ് സാഹിത്യത്തിൽ പിഎച്ച്ഡിക്ക് അദ്ദേഹം ഗവേഷണം ചെയ്തു. [1]

ആദ്യകാല ജീവിതം തിരുത്തുക

കേരളത്തിലെ പ്രമുഖപത്രമായ മലയാള മനോരമയിൽ ഇദ്ദേഹം ജോലി ചെയ്തു. തുടർന്ന് മാർ ഇവാനിയോസ് കോളജിൽ അദ്ധ്യാപകനായി. ബാങ്ക് ഓഫീസർ പരീക്ഷയിൽ ആദ്യ സ്ഥാനത്തെത്തി. ഇന്ത്യൻ ഓവർസീസ് ബാങ്കിൽ നിയമിക്കപ്പെട്ടുവെങ്കിലും ബാങ്കിങ് മേഖലയിൽ ചേരാൻ അദ്ദേഹം വിസമ്മതിച്ചു. 1982 -ൽ അദ്ദേഹം ഇന്ത്യൻ പോലീസ് സർവീസ് (ഐപിഎസ്) ലേക്ക് റിക്രൂട്ട് ചെയ്യപ്പെട്ടു.[3]'

IPS ഓഫീസർ തിരുത്തുക

പരിശീലന കാലത്തിനു ശേഷം ഇദ്ദേഹം കോട്ടയത്ത് സൂപ്രണ്ടായി നിയമിതനായി. പിന്നീട് കണ്ണൂരിലേക്ക് സ്ഥലം മാറി. 1990 -ൽ കൊച്ചി സിറ്റി പോലീസ് കമ്മീഷണറായി പ്രവർത്തിച്ചു. 1992 മുതൽ 1995 വരെ തിരുവനന്തപുരം ട്രെയിനിങ് കോളേജിലെ പ്രിൻസിപ്പലായിരുന്നു അദ്ദേഹം. പ്രമോഷനിൽ അദ്ദേഹം നോർതേൺ റേഞ്ച് ഡെപ്യൂട്ടി ഇൻസ്പെക്ടർ ജനറൽ (ഡി.ഐ.ജി) ആയും പിന്നീട് ഡി.ഐ.ജി. സായുധ പൊലീസ് ബറ്റാലിയൻ എന്നീ മേഖലകളിലും പ്രവർത്തിച്ചു.

കേരള വനിതാ കമ്മീഷൻ ഡയറക്ടറായിരിക്കെ 1999 ജനുവരിയിൽ ഗവൺമെന്റ് ഇൻസ്റ്റിറ്റ്യൂട്ട് ഓഫ് മാനേജ്മെന്റ് സെക്രട്ടറിയായി ഇദ്ദേഹം ചുമതല ഏറ്റെടുത്തു. 2000 മെയ് മാസത്തിൽ കേരള പോലീസ് അക്കാദമിയുടെ ജോയിന്റ് ഡയറക്ടർ ആയി സ്ഥാനമേറ്റു. 2001-ൽ കേരള പോലീസ് അക്കാദമി ഇൻസ്പെക്ടർ ജനറൽ ഓഫ് പോലീസിൽ (ട്രെയിനിങ്) കേരളാ പോലീസ് അക്കാദമി ഡയറക്ടറായി നിയമിക്കപ്പെട്ടു. സിവിൽ സർവീസ് പരീക്ഷയ്ക്ക് തയ്യാറെടുക്കുന്ന പൊതുവിദ്യാഭ്യാസത്തിലെ വിവിധ വിഭാഗങ്ങളിൽപ്പെട്ട വിദ്യാർത്ഥികളെ പഠിപ്പിക്കുന്നതിൽ ഡോ. ജേക്കബ് വലിയ പങ്ക് വഹിച്ചു.[അവലംബം ആവശ്യമാണ്]

പുരസ്കാരങ്ങൾ തിരുത്തുക

1972 -ൽ പ്രസിഡന്റ്സ് സ്കൗട്ട് പുരസ്കാരം അദ്ദേഹത്തിനു ലഭിച്ചു. ഇദ്ദേഹത്തിന് മികച്ച പ്രൊബേഷേണർ അവാർഡ് (കോ-കരിക്കുലർ പ്രവർത്തനങ്ങൾ), എൽ.ബി. 1983 -ൽ ഹൈദരാബാദിലെ ഐ.പി.എസ് അക്കാദമിയിൽ നിന്നും സേവാ കപ്പ് നേടി. 1989 -ൽ ജൂനിയർ ചേമ്പർ, ജെയ്സീസിന്റെ കേരളത്തിലെ ഏറ്റവും മികച്ച യുവതാരമായി അദ്ദേഹം തിരഞ്ഞെടുക്കപ്പെട്ടു. 1990-ൽ ഇന്ത്യൻ ജൂനിയർ ചേമ്പർ ജയീസെസ് ഏറ്റവും മികച്ച യുവതാരമായി തിരഞ്ഞെടുത്തു.

2004 റിപ്പബ്ലിക് ദിനത്തിൽ സ്തുത്യർഹമായ സേവനത്തിനുള്ള രാഷ്ട്രപതിയുടെ മെഡൽ ലഭിച്ചു.

കുടുംബം തിരുത്തുക

കോളേജ് വിദ്യാഭ്യാസ വകുപ്പിലെ റീഡർ ആയ ഡോ. എലിസബത്ത് ജോൺ ഭാര്യയാണ്. മറിയം എലിസബത്ത് അലക്സാണ്ടർ, ജെസ്സി എലിസബത്ത് അലക്സാണ്ടർ, അമ്മു എലിസബത്ത് അലക്സാണ്ടർ എന്നിവരാണ് മക്കൾ.

അവലംബം  തിരുത്തുക

  1. 1.0 1.1 1.2 M. A. Najeeb, "Dr. Alexander Jacob IPS - Biodata", KPA, Trichur
  2. "Former Student of Mar Ivanios College". Archived from the original on 2008-12-06. Retrieved 2018-10-05.
  3. "Civil Service". Archived from the original on 2008-10-08. Retrieved 2018-10-05.