ഒരു പ്രതിബിംബം സൃഷ്ടിക്കുകയെന്ന ലക്ഷ്യത്തിനായി ലെൻസ് ഉപയോഗിക്കുന്ന ഒരു തരം ഒപ്റ്റിക്കൽ ദൂരദർശിനി (ഡയോപ്ട്രിക് ടെലിസ്‌കോപ്പിലും ഇത് പരാമർശിക്കുന്നു) ആണ് അപവർത്തന ദൂരദർശിനി. അപവർത്തന ദൂരദർശിനിയുടെ മാതൃക ആദ്യം സ്പൈ ഗ്ലാസുകളിലും ജ്യോതിശാസ്ത്ര ദൂരദർശിനികളിലും ആണ് ഉപയോഗിച്ചിരുന്നുവെങ്കിലും ദൈർഘ്യമേറിയ ഫോക്കസ് ക്യാമറ ലെൻസുകൾക്കും ഉപയോഗിക്കുന്നു. പത്തൊൻപതാം നൂറ്റാണ്ടിന്റെ രണ്ടാം പകുതിയിൽ വലിയ അപവർത്തന ദൂരദർശിനികൾ വളരെ പ്രചാരത്തിലായിരുന്നുവെങ്കിലും, മിക്ക ഗവേഷണ ആവശ്യങ്ങൾക്കും അപവർത്തന ദൂരദർശിനിയെ നീക്കി പകരം വലിയ അപ്പേർച്ചറുകളുള്ള പ്രതിഫലന ദൂരദർശിനിയെ ഉപയോഗിച്ചു. ഒബ്ജക്ടീവ് ലെൻസിന്റെ ഫോക്കൽ ലെങ്ത് ഐപീസ് കൊണ്ട് ഹരിച്ച് റിഫ്രാക്റ്ററിന്റെ മാഗ്നിഫിക്കേഷൻ കണക്കാക്കുന്നു.[1]

Image of a refracting telescope from the Cincinnati Observatory in 1848

കണ്ടുപിടിത്തം തിരുത്തുക

അപവർത്തന ദൂരദർശിനി ഒപ്റ്റിക്കൽ ടെലിസ്‌കോപ്പിന്റെ ആദ്യകാല തരം ആയിരുന്നു.1608-ൽ നെതർലാൻഡിൽ ആദ്യത്തെ പ്രായോഗിക അപവർത്തന ദൂരദർശിനി നിലവിൽ വരികയും മിഡിൽബെർഗിലെ കണ്ണട നിർമ്മാതാക്കളായ ഹാൻസ് ലിപ്പർഷെ, സക്കറിയാസ് ജാൻസെൻ, അൽക്മാറിലെ ജേക്കബ് മെറ്റിയസ് എന്നീ മൂന്ന് വ്യക്തികൾക്ക് ഇതിന്റെപേരിൽ അംഗീകാരം നൽകുകയുണ്ടായി. 1609 മെയ് മാസത്തിൽ വെനീസിലെത്തിയ ഗലീലിയോ ഗലീലി, കണ്ടുപിടിത്തത്തെക്കുറിച്ച് കേട്ട് സ്വന്തമായി ഒരു പതിപ്പ് നിർമ്മിച്ചു. ഗലീലിയോ തന്റെ കണ്ടുപിടിത്തത്തിന്റെ വിശദാംശങ്ങൾ പൊതുജനങ്ങളെ അറിയിക്കുകയും ഉപകരണം മുഴുവൻ കൗൺസിലിൽ ഇരുന്ന ഡോഗ് ലിയോനാർഡോ ഡൊനാറ്റോയ്ക്ക് സമർപ്പിക്കുകയും ചെയ്തു.[2][3]

അപവർത്തന ദൂരദർശിനിയുടെ മാതൃക തിരുത്തുക

 

എല്ലാ അപവർത്തന ദൂരദർശിനികളിലും ഒരേ തത്ത്വങ്ങളാണ് ഉപയോഗിക്കുന്നത്. ഒബ്ജക്ടീവ് ലെൻസ് 1, ചിലതരം ഐപീസ് 2 എന്നിവയുടെ സംയോജനം മനുഷ്യന്റെ കണ്ണിന് സ്വന്തമായി ശേഖരിക്കാൻ കഴിയുന്നതിനേക്കാൾ കൂടുതൽ പ്രകാശം ശേഖരിക്കാൻ ഉപയോഗിക്കുന്നു. ഇത് 5 -ൽ ഫോക്കസ് ചെയ്യുമ്പോൾ കാഴ്ചക്കാരന് തിളക്കമാർന്നതും വ്യക്തവും വലുതുമായ 6 വിർച്വൽ ഇമേജ് നൽകുകയും ചെയ്യുന്നു. അപവർത്തന ദൂരദർശിനിയിലെ ലക്ഷ്യം പ്രകാശത്തെ പ്രതിഫലിപ്പിക്കുകയോ അല്ലെങ്കിൽ വളയ്ക്കുകയോ ചെയ്യുന്നു ഈ അപവർത്തനം സമാന്തര പ്രകാശകിരണങ്ങൾ ഒരു കേന്ദ്രബിന്ദുവിൽ കൂടിച്ചേരുന്നതിന് കാരണമാകുന്നു. സമാന്തരമല്ലാത്തവ ഒരു ഫോക്കൽ തലത്തിൽ കൂടിച്ചേരുന്നു. ദൂരദർശിനി ഒരു കൂട്ടം സമാന്തര രശ്മികളെ കോൺ α യും ഒപ്റ്റിക്കൽ ആക്സിസ് രണ്ടാമത്തെ സമാന്തര രശ്മികളുടെ കൂട്ടത്തെ കോൺ β ആക്കി മാറ്റുന്നു. β/α എന്ന അനുപാതത്തെ ആൻഗുലാർ മാഗ്‌നിഫിക്കേഷൻ എന്ന് വിളിക്കുന്നു. ദൂരദർശിനി ഉപയോഗിച്ചും അല്ലാതെയും ലഭിച്ച റെറ്റിന ഇമേജ് വലിപ്പങ്ങൾ തമ്മിലുള്ള അനുപാതത്തിന് ഇത് തുല്യമാണ്. [4]

ചിത്രശാല തിരുത്തുക

അവലംബം തിരുത്തുക

  1. "Telescope Calculations". Northern Stars. Archived from the original on 2019-11-19. Retrieved 2013-12-20.
  2. "The First Telescopes". American Institute of Physics. Archived from the original on 2015-11-05. Retrieved 15 July 2015.
  3. CTI Reviews (2016). Physics for Scientists and Engineers, Refractors were the earliest type of optical telescope. Raymond A. Serway. p. 649. ISBN 978-1-61906-918-3.[പ്രവർത്തിക്കാത്ത കണ്ണി]
  4. Stephen G. Lipson, Ariel Lipson, Henry Lipson, Optical Physics 4th Edition, Cambridge University Press, ISBN 978-0-521-49345-1

പുറം കണ്ണികൾ തിരുത്തുക

"https://ml.wikipedia.org/w/index.php?title=അപവർത്തന_ദൂരദർശിനി&oldid=3981102" എന്ന താളിൽനിന്ന് ശേഖരിച്ചത്