സിയോലൈറ്റ് വിഭാഗത്തിൽപ്പെട്ട ഒരു ധാതുവാണ് അനാൽ‌സൈറ്റ്. ജലയോജിത സോഡിയം അലൂമിനോ സിലിക്കേറ്റ്. രാസസംഘടനം: Na Al Si2O6,H2O ഇതിന് അനാൽകൈം എന്നും പറയുന്നു. ഗ്രീക്കുഭാഷയിൽ അനാൽകിമോസ് എന്നാൽ ദൃഢമല്ലാത്തത് എന്നർഥം. ചൂടാക്കുകയോ ശക്തിയായി ഉരസുകയോ ചെയ്യുമ്പോൾ ഈ ധാതുവിൽനിന്നും സ്ഥിതവൈദ്യുതിയുടെ ദുർബലപ്രവാഹമുണ്ടാകുന്നു.

അനാൽ‌സൈറ്റ്
General
CategoryZeolite mineral
Formula
(repeating unit)
NaAlSi2O6·H2O
Identification
നിറംWhite, colorless, gray, pink, greenish, yellowish
Crystal habitTypically in crystals, usually trapezohedrons, also massive to granular.
Crystal systemCubic; tetragonal, orthorhombic, or monoclinic, pseudocubic, with degree of ordering.
TwinningPolysynthetic on [001], [110]
CleavageVery poor [100]
FractureUneven to subconchoidal
മോസ് സ്കെയിൽ കാഠിന്യം5 - 5.5
LusterVitreous
StreakWhite
Specific gravity2.24 - 2.29
Optical propertiesIsotropic; anomalously biaxial (-)
അപവർത്തനാങ്കംn = 1.479 - 1.493
Fusibility3.5
Other characteristicsWeakly piezoelectric; weakly electrostatic when rubbed or heated.
അവലംബം[1]

ഘടന തിരുത്തുക

ഘടന, രാസസംയോഗം, ക്രമിക-സഹജനം എന്നിവയിലെല്ലാം ഫെൽസ്പതോയ്ഡ് (Felspathoid)[2] ധാതു സമൂഹത്തോട് അടുപ്പം കാട്ടുന്നു. മറ്റു സിയോലൈറ്റുകളെപ്പോലെ അനാൽസൈറ്റ് അപശല്കന (exfoliation)ത്തിനു[3] വിധേയമാവുന്നില്ല.

നിറം, ആകൃതി തിരുത്തുക

സുതാര്യമോ അർധതാര്യമോ ആയ ഈ ധാതു സാധാരണയായി നിറമില്ലാത്തതാണ്. ചിലപ്പോൾ വെള്ള നിറത്തിലോ ഇളം പാടലവർണത്തിലോ കാണുന്നു. ഹീമെറ്റൈറ്റ് (Haematite) കലർന്ന അവസ്ഥയിൽ തിളങ്ങുന്ന ചുവപ്പുനിറമായിരിക്കും. പരലാകൃതിയാണുള്ളത്. പരലുകൾ ചതുഷ്കോണീയമോ സമലംബകീയമോ ഘനീയമോ ആകാം. ആഗ്നേയശിലകളുമായി കലർന്ന്, തരികളോ കണികാമയമോ ആയും കണ്ടുവരുന്നു; അപൂർവം ചിലപ്പോൾ ചെറുപരലുകളെ കേന്ദ്രീകരിച്ചുള്ള തരികളുടെ സംപിണ്ഡമായും കാണുന്നു. എളുപ്പം പൊടിയുന്ന സ്വഭാവമുണ്ട്. കാഠിന്യം: 5, ആ.ഘ: 2.26; കാചഭദ്യുതി. ജലാംശത്തിന്റെ കൂടുതൽ കുറവനുസരിച്ച് ഇരട്ട അപവർത്തനസ്വഭാവം കാണിക്കുന്നു; അപവർത്തനാങ്കം 1.48-1.49.

നിക്ഷേപം തിരുത്തുക

യു.എസ്സിലെ നോവസ്കോഷ്യ, ന്യൂജെഴ്സി, കാലിഫോർണിയ, സിസിലിയിലെ സൈക്ലോപിയൻ ദ്വീപുകൾ എന്നിവിടങ്ങളിലും ചെക്കോസ്ലൊവാക്കിയ (ഇന്നത്തെ ചെക്ക്, സ്ലോവാക്യ എന്നീ രാജ്യങ്ങൾ), ജർമനി, സ്കോട്ട്ലൻഡ്, ഐസ്‌ലാൻഡ്, ആസ്ട്രേലിയ എന്നീ രാജ്യങ്ങളിലുമാണ് അനാൽസൈറ്റിന്റെ സമ്പന്നനിക്ഷേപങ്ങൾ കണ്ടെത്തിയിട്ടുള്ളത്.

അവലംബം തിരുത്തുക

  1. http://rruff.geo.arizona.edu/doclib/hom/analcime.pdf Mineral Data Publishing
  2. THE FELDSPATHOID GROUP
  3. "What Is Exfoliation?". Archived from the original on 2017-02-19. Retrieved 2011-07-06.
 കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ അനാൽസൈറ്റ് എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.
"https://ml.wikipedia.org/w/index.php?title=അനാൽ‌സൈറ്റ്&oldid=3838206" എന്ന താളിൽനിന്ന് ശേഖരിച്ചത്