പരിയാലീസ് മലബാർ ഗ്രാൻഡ് സർക്കസ്
കേരളത്തിലെ ആദ്യ സർക്കസ് കമ്പനിയാണ് പരിയാലീസ് മലബാർ ഗ്രാൻഡ് സർക്കസ്.[1] കീലേരി കുഞ്ഞിക്കണ്ണന്റെ ശിഷ്യനായ പരിയാലി കണ്ണനാണ് ഇതിന്റെ തുടക്കക്കാരൻ.[1]
ഈ സർക്കസ് കമ്പനിക്ക് പരിയാലീസ് മലബാർ ഗ്രാൻഡ് സർക്കസ് എന്ന് പേര് നൽകുന്നതും, 1904 ഫെബ്രുവരി 20ന് ആദ്യ പ്രദർശനം ഉദ്ഘാടനം ചെയ്യുന്നതും ഗുരുവായ കീലേരി കുഞ്ഞിക്കണ്ണനാണ്.[2] കണ്ണൂർ ജില്ലയിലെ തലശ്ശേരിയിൽ ചിറക്കര വയലിൽ ആയിരുന്നു ആദ്യ പ്രദർശനം.[3] ഇതിലെ ഏക വനിത കുന്നത്ത് യശോദ ആയിരുന്നു.
മൃഗങ്ങളെ ഉപയോഗിച്ചുള്ള പ്രദർശനങ്ങൾക്കും അഭ്യാസങ്ങൾക്കും പകരം കായികാഭ്യാസത്തിന് മുൻതൂക്കം നൽകിയ സർക്കസ് കമ്പനി ആയിരുന്നു പരിയാലിയുടേത്.[3]
രണ്ട് വർഷം മാത്രമേ ഈ കമ്പനി പവർത്തിച്ചുള്ളൂ. വിദേശികൾ ഉൾപ്പടെയുള്ള മികച്ച കലാകാരന്മാരും മൃഗപരിശീലകരും ഒക്കെയായി മറ്റ് സർക്കസ് കമ്പനികൾ വളർന്നപ്പോൾ, അവരോട് പിടിച്ച് നിൽക്കാനാവാതെ പരിയാലീസ് മലബാർ ഗ്രാൻഡ് സർക്കസ് 1906 ൽ പ്രവർത്തനം അവസാനിപ്പിച്ചു.[4][2] തമിഴ്നാട് കുംഭകോണത്ത് ആയിരുന്നു അവസാന പ്രദർശനം.[2]
അവലംബം തിരുത്തുക
- ↑ 1.0 1.1 "കീലേരി കുഞ്ഞിക്കണ്ണൻ ടീച്ചർ: ലോകമറിഞ്ഞ തലശ്ശേരിയുടെ കരുത്ത്" (in അമേരിക്കൻ ഇംഗ്ലീഷ്). 2015-08-11. Retrieved 2020-10-28.
- ↑ 2.0 2.1 2.2 Champad, Sreedharan (September 2013). An Album of Indian Big Tops: (History of Indian Circus) (in ഇംഗ്ലീഷ്). Strategic Book Publishing. ISBN 978-1-62212-766-5.
- ↑ 3.0 3.1 മുതുകാട്, ഗോപിനാഥ്. "സർക്കസ് മാജിക് !" (in ഇംഗ്ലീഷ്). Archived from the original on 2020-10-27. Retrieved 2020-10-28.
- ↑ ":: Welcome to aum9.com ::". Retrieved 2020-10-28.