പ്രധാന മെനു തുറക്കുക

നാലപ്പാട്ട് നാരായണമേനോൻ

മലയാളസാഹിത്യകാരനാണ് നാലപ്പാട്ട് നാരായണമേനോൻ.
(നാലപ്പാട്ട് നാരായണ മേനോൻ എന്ന താളിൽ നിന്നും തിരിച്ചുവിട്ടതു പ്രകാരം)

പ്രശസ്തനായ ഒരു മലയാളസാഹിത്യകാരനായിരുന്നു നാലപ്പാട്ട് നാരായണമേനോൻ (ജീവിതകാലം: 1887 ഒക്ടോബർ 7 - 1954 ജൂൺ 3). വിവർത്തനം, കവിതാരചന തുടങ്ങിയ മേഖലകളിൽ വ്യക്തിമുദ്ര പതിപ്പിച്ചു.

നാലപ്പാട്ട് നാരായണമേനോൻ
നാലപ്പാട്ട് നാരായണമേനോൻ.jpg
നാലപ്പാട്ട് നാരായണമേനോൻ
ജനനം(1887-10-07)ഒക്ടോബർ 7, 1887
വന്നേരി, പൊന്നാനി
മരണംജൂലൈ 3, 1954(1954-07-03) (പ്രായം 66)
ദേശീയത ഇന്ത്യ
പ്രശസ്തിമലയാളസാഹിത്യകാരൻ

വള്ളത്തോൾ പാരമ്പര്യത്തിൽ പെട്ട കവിയിൽ നിന്ന്‌ നാരായണ മേനോൻ ദാർശനിക കവിയായി, തത്ത്വചിന്തകനായി വിലാപകാവ്യകാരനായി, വിവർത്തകനായി, ആർഷജ്ഞാനിയായി പിന്നെ ലൈംഗിക ശാസ്ത്രാവബോധകനായി. ആർഷജ്ഞാനത്തിന്റെയും രതിലോകത്തിന്റെയും വഴികൾ ആവിഷ്കരിക്കുക തുടങ്ങി വ്യത്യസ്തങ്ങളായ വഴികളിലൂടെ യാത്ര ചെയ്ത്‌ സമഗ്രമായൊരു ജീവിതസങ്കൽപം സാക്ഷാത്കരിച്ച വ്യക്തിയായിരുന്നു നാലപ്പാട്ട്‌ നാരായണമേനോൻ. മലയാള കവിതയിലെ ഭാവഗീതപ്രസ്ഥാനത്തെ വികസിപ്പിച്ചതിൽ നാലപ്പാടൻ വലിയ പങ്കുവഹിച്ചിട്ടുണ്ട്‌. മനുഷ്യാവസ്ഥകളുടെ മിക്കവാറൂം മേഖലകളിലും അദ്ദേഹം രചനകൾ നടത്തി. ഓരോ വിഷയത്തിലും ഓരോ പുസ്തകമേ എഴുതിയിട്ടുള്ളൂ എങ്കിലും എഴുതിയവയൊക്കെ ബൃഹദ്‌ഗ്രന്ഥങ്ങളായിരുന്നു.

മലയാളിയുടെ ഭാവുകത്വത്തിന്‌ വികാസം പകർന്ന എഴുത്തുകാരനായിരുന്നു നാലപ്പാട്ട്‌ നാരായണമേനോൻ. വളരെ കുറച്ചേ എഴുതിയിട്ടുള്ളൂവെങ്കിലും മലയാള സാഹിത്യത്തിൽ അദ്ദേഹത്തിന്‌ വളരെ വലിയൊരു സ്ഥാനമാണുള്ളത്‌.

ജീവചരിത്രംതിരുത്തുക

പൊന്നാനിക്കടുത്ത്‌ വന്നേരിയിലാണ്‌ 1887 ഒക്‌ടോബർ ഏഴിനാണ് നാലപ്പാട് നാരായണമേനോൻ ജനിച്ചത്. നാലപ്പാടിന്റെ പ്രാഥമിക വിദ്യാഭ്യാസം തൃശൂരും കോഴിക്കോടുമായിരുന്നു. ഇംഗ്ലീഷും വേദാന്തവും പഠിച്ച അദ്ദേഹം കുറച്ചുകാലം ഒരു പ്രസ്സിന്റെ മാനേജരായി ജോലി നോക്കി. 1954 ജൂൺ മൂന്നിന്‌ അന്തരിച്ചു. പ്രശസ്തസാഹിത്യകാരി ബാലാമണിയമ്മ, ഇദ്ദേഹത്തിന്റെ അനന്തരവളാണ്.

ശ്രദ്ധേയമായ രചനകൾതിരുത്തുക

കണ്ണുനീർത്തുള്ളിതിരുത്തുക

പ്രധാന ലേഖനം: കണ്ണുനീർത്തുള്ളി

സഹധർമ്മിണിയുടെ മരണത്തിൽ ദുഃഖം പ്രകടിപ്പിച്ച്‌ നാലപ്പാട്ട്‌ നാരായണമേനോൻ രചിച്ച കണ്ണുനീർത്തുള്ളി മലയാളത്തിലെ എക്കാലത്തെയും മികച്ച വിലാപകാവ്യങ്ങളിൽ ഒന്നാണു്.[അവലംബം ആവശ്യമാണ്]

പാവങ്ങൾതിരുത്തുക

പ്രധാന ലേഖനം: പാവങ്ങൾ

വിക്ടർ യൂഗോയുടെ പാവങ്ങൾ എന്ന വിശ്വവിഖ്യാതമായ നോവൽ, 1925-ലാണ് നാലപ്പാട്ട് നാരായണമേനോൻ മലയാളത്തിലേക്ക് വിവർത്തനം ചെയ്തത്. മലയാളവിവർത്തനരംഗത്തെ മഹാസംഭവമായിരുന്ന ഈ വിവർത്തനം, മലയാളഗദ്യശൈലിയെ കാര്യമായി സ്വാധീനിച്ച ഒന്നായി വിലയിരുത്തപ്പെടുന്നു.[1]

മലയാളിക്ക് തീർത്തും അപരിചിതമായ വായനയുടെ പുതുലോകം തുറന്നുകൊടുത്തു. ആ പരിഭാഷ വിൽക്കാൻ മഹാകവി വള്ളത്തോൾ നടത്തിയ ക്ലേശകരമായ ശ്രമങ്ങൾ നമ്മുടെ സാംസ്കാരിക ചരിത്രത്തിലെ അവിസ്മരണീയമായ അദ്ധ്യായമാണ്‌. കേരളത്തിന്റെ സാംസ്കാരികരംഗത്ത്‌ നിർണ്ണായകമായ സ്വാധീനം ചെലുത്തിയ കൃതിയെന്ന പാവങ്ങളുടെ പരിഭാഷയെക്കുറിച്ച്‌ ഇ.എം.എസ്‌. പിൽക്കാലത്ത്‌ രേഖപ്പെടുത്തിയിട്ടുണ്ട്‌.

ആർഷജ്ഞാനംതിരുത്തുക

നിന്ദിതരും പീഡിതരുമായ എല്ലാ മനുഷ്യരിലും ഈശ്വരാംശം കുടികൊള്ളുന്നു എന്ന യൂഗോവിന്റെ വിശ്വാസപ്രമാണം ഉൾക്കൊള്ളാൻ കഴിഞ്ഞ നാലപ്പാടൻ തന്നെയാണ്‌ ആർഷജ്ഞാനം രചിച്ചത്‌. ഭാരതീയ സംസ്കാരത്തിന്റെ അഗാധതകളിൽ ആഴ്ന്നിറങ്ങി അദ്ദേഹം കണ്ടെത്തിയ മുത്തുകൾ എല്ലാ തലമുറകളിലെയും സുമനസ്സുകൾക്കുള്ള സമർപ്പണമാണ്‌.

രതിസാമ്രാജ്യംതിരുത്തുക

പ്രധാന ലേഖനം: രതിസാമ്രാജ്യം

ലൈംഗികതയെ അശ്ലീലതയായി മാത്രം കാണുന്ന സമീപനത്തിൽ നിന്നു വ്യത്യസ്തമായി ആരോഗ്യകരമായ ലൈംഗികവീക്ഷണം സമൂഹത്തിൽ പ്രചരിപ്പിക്കാൻ രതിസാമ്രാജ്യത്തിന്റെ രചനയ്ക്ക്‌ അദ്ദേഹത്തെ പ്രേരിപ്പിച്ചു. മലയാളിയുടെ കപട സദാചാരബോധത്തേയും വികലമായ ലൈംഗിക ധാരണകളെയും തിരുത്തിയ ആദ്യത്തെ ലൈംഗികവിജ്ഞാനകൃതി. ഭാരതീയവും വൈദേശികവുമായ ലൈംഗികവിജ്ഞാനത്തിന്റെ മഹാശേഖരത്തിൽ നിന്നും സ്വാംശീകരിച്ച നിരീക്ഷണങ്ങൾ. ലൈംഗിക വിഷയങ്ങളെക്കുറിച്ച്‌ ഇന്നുവരെ മലയാളത്തിൽ എഴുതപ്പെട്ടിട്ടുള്ള എല്ലാ കൃതികളിലും വച്ച്‌ മേന്മയാർന്നത്‌ നാലപ്പാടന്റെ ഗ്രന്ഥം തന്നെയാണെന്ന് പറയാം. [അവലംബം ആവശ്യമാണ്]

നാലപ്പാടിന്റെ കൃതികൾതിരുത്തുക

  • ചക്രവാളം (കവിത)
  • പുളകാങ്കുരം (കവിത)
  • കണ്ണുനീർത്തുള്ളി (വിലാപകാവ്യം)
  • ആർഷജ്ഞാനം (തത്വചിന്ത)
  • പൗരസ്ത്യദീപം(വിവർത്തനം)
  • പാവങ്ങൾ (വിവർത്തനം)
  • രതിസാമ്രാജ്യം (ലൈംഗികശാസ്ത്രം)

അവലംബംതിരുത്തുക

  1. "ഷാൻ വാൽ ഷാങ്ങിന്റേയും കാൾ മാർക്സിന്റേയ്യും രണ്ടാം വരവ്". മലയാളം വാരിക. 2011 ഫെബ്രുവരി 4. ശേഖരിച്ചത് 2011 സെപ്റ്റംബർ 3. |first= missing |last= (help)