തെരേസ ബില്ലിംഗ്ടൺ-ഗ്രെയ്ഗ്

ബ്രിട്ടീഷ് സഫ്രാജിസ്റ്റ്

വനിതാ സ്വാതന്ത്ര്യ ലീഗ് സൃഷ്ടിക്കാൻ സഹായിച്ച ഒരു ബ്രിട്ടീഷ് സഫ്രാജിസ്റ്റായിരുന്നു തെരേസ ബില്ലിംഗ്ടൺ-ഗ്രെയ്ഗ് (1877 ഒക്ടോബർ 15, പ്രസ്റ്റൺ, ലങ്കാഷയർ - 21 ഒക്ടോബർ 1964). നേതൃത്വത്തെ വളരെ സ്വേച്ഛാധിപത്യപരമെന്ന് കരുതി അവർ മറ്റൊരു വോട്ടവകാശ സംഘടനയായ ഡബ്ല്യുഎസ്പിയു (വിമൻസ് സോഷ്യൽ ആന്റ് പൊളിറ്റിക്കൽ യൂണിയൻ) വിട്ടു.

തെരേസ ബില്ലിംഗ്ടൺ-ഗ്രെയ്ഗ്
Teresa Billington Greig.jpg
ജനനം(1877-10-15)15 ഒക്ടോബർ 1877
പ്രെസ്റ്റൺ, യുണൈറ്റഡ് കിംഗ്ഡം
മരണം21 ഒക്ടോബർ 1964(1964-10-21) (പ്രായം 87)
ലണ്ടൻ, യുണൈറ്റഡ് കിംഗ്ഡം
ദേശീയതബ്രിട്ടീഷ്
മറ്റ് പേരുകൾതെരേസ ബില്ലിംഗ്ടൺ ലൂയിസ്
കലാലയംമാഞ്ചസ്റ്റർ സർവ്വകലാശാല
തൊഴിൽWriter, Suffragist
ജീവിതപങ്കാളി(കൾ)
ഫ്രെഡറിക് ലൂയിസ്
(m. 1907)

അവർ 1931-ൽ വിമൻസ് ബില്ല്യാർഡ്സ് അസോസിയേഷൻ സ്ഥാപിച്ചു. അവരുടെ പ്രസിദ്ധീകരണങ്ങളിൽ സഫ്രഗെറ്റുകളുടെ തന്ത്രങ്ങളെക്കുറിച്ചുള്ള വിമർശനം ഉൾക്കൊള്ളുന്ന മിലിറ്റന്റ് സഫ്‌റേജ് മൂവ്‌മെന്റ് (1911), ഉപഭോക്തൃത്വവും ഫെമിനിസവും തമ്മിലുള്ള ബന്ധം പര്യവേക്ഷണം ചെയ്ത ദി കൺസ്യൂമർ ഇൻ റിവോൾട്ട് (1912) എന്നിവ ഉൾപ്പെടുന്നു. അവരുടെ ആർക്കൈവുകൾ ലണ്ടൻ സ്കൂൾ ഓഫ് ഇക്കണോമിക്സിലെ വിമൻസ് ലൈബ്രറിയിൽ സൂക്ഷിച്ചിരിക്കുന്നു.

ജീവിതംതിരുത്തുക

1877 ൽ ലങ്കാഷെയറിലെ പ്രെസ്റ്റണിൽ ജനിച്ച തെരേസ ബില്ലിംഗ്ടൺ-ഗ്രെയ്ഗ് ബ്ലാക്ക്ബേണിൽ ഡ്രാപ്പർമാരുടെ കുടുംബത്തിൽ വളർന്നു. ഒരു റോമൻ കത്തോലിക്കാ കുടുംബത്തിൽ നിന്നുള്ളയാളാണെങ്കിലും ബില്ലിംഗ്ടൺ-ഗ്രെയ്ഗ് കൗമാരപ്രായത്തിൽ തന്നെ ഒരു അജ്ഞേയവാദിയായിത്തീർന്നപ്പോൾ അവരുടെ മാതാപിതാക്കളെ അത് അലോസരപ്പെടുത്തി.[1] യാതൊരു യോഗ്യതയുമില്ലാതെ വിദ്യാലയം ട്ടതിനാൽ മില്ലിനറി കച്ചവടത്തിൽ പരിശീലനം നേടി. എന്നിരുന്നാലും, അവർ വീട്ടിൽ നിന്ന് ഓടിപ്പോയി അദ്ധ്യാപികയാകാൻ രാത്രികാല ക്ലാസുകളിൽ സ്വയം വിദ്യാഭ്യാസം നേടി. മാഞ്ചസ്റ്ററിലെ ഒരു റോമൻ കത്തോലിക്കാ സ്കൂളിൽ അദ്ധ്യാപികയായി ജോലി ചെയ്തു. സ്വന്തം അജ്ഞ്ഞേയവാദം ഇത് അസാധ്യമാക്കുന്നതുവരെ ഒഴിവുസമയങ്ങളിൽ മാഞ്ചസ്റ്റർ സർവകലാശാലയിൽ പഠിച്ചു. അവിടെ നിന്ന് ബില്ലിംഗ്ടൺ-ഗ്രെയ്ഗ് മുനിസിപ്പൽ എഡ്യൂക്കേഷൻ സ്കൂൾ സേവനത്തിൽ ചേർന്നു, അവിടെ അവരുടെ മതവിശ്വാസങ്ങൾ അവരെ തൊഴിലുടമകളുമായി കലഹിച്ചു. എന്നിരുന്നാലും, അവിടെ വിദ്യാഭ്യാസ സമിതിയിലൂടെ 1903 ൽ എമ്മലൈൻ പാങ്ക്ഹർസ്റ്റിനെ കണ്ടുമുട്ടി. അവർ ഒരു ജൂത സ്കൂളിൽ ജോലി കണ്ടെത്തുകയും അതേ വർഷം തന്നെ സ്വതന്ത്ര ലേബർ പാർട്ടി അംഗവും സംഘാടകയുമായി.[1]1904 ഏപ്രിലിൽ അവർ നാഷണൽ യൂണിയൻ ഓഫ് ടീച്ചേഴ്സിന്റെ തുല്യ ശമ്പള ലീഗിന്റെ മാഞ്ചസ്റ്റർ ബ്രാഞ്ചിന്റെ സ്ഥാപകയും ഓണററി സെക്രട്ടറിയുമായിരുന്നു.[2]

അവലംബംതിരുത്തുക

  1. 1.0 1.1 "Teresa Billington-Greig". Spartacus Educational (ഭാഷ: ഇംഗ്ലീഷ്). ശേഖരിച്ചത് 2017-10-26.
  2. McPhee, Carol; FitzGerald, Ann; Billington-Greig, Fiona (1987). The Non-Violent Militant: Selected Writings of Teresa Billington-Greig. London: Routledge & Kegan Paul. പുറം. 4.

Archivesതിരുത്തുക

The archives of Teresa Billington-Greig are held at The Women's Library at the Library of the London School of Economics, ref 7TBG[പ്രവർത്തിക്കാത്ത കണ്ണി]

പുറംകണ്ണികൾതിരുത്തുക