തിരുനൈനാർകുറിച്ചി മാധവൻ നായർ

മലയാളത്തിലെ പ്രമുഖ കവിയും ചലച്ചിത്രഗാനരചയിതാവുമായിരുന്നു തിരുനൈനാർകുറിച്ചി മാധവൻ നായർ (ജനനം: ഏപ്രിൽ 16, 1916 - മരണം: ഏപ്രിൽ 1, 1965). നോവലിസ്റ്റ്, ചെറുകഥാകൃത്ത്, നാടകകൃത്ത് എന്നീ നിലകളിലും ശ്രദ്ധേയനായിരുന്നു ഇദ്ദേഹം. 1951 മുതൽ 1965 വരെ ഏകദേശം 300 ഓളം ഗാനങ്ങൾ ഇദ്ദേഹം രചിച്ചു.[1][2] ഹരിശ്ചന്ദ്ര എന്ന ചിത്രത്തിലെ ആത്മവിദ്യാലയമേ.., ഭക്തകുചേലയിലെ ഈശ്വരചിന്തയിതൊന്നേ... എന്നിവ വളരെ ശ്രദ്ധേയമായ ഗാനങ്ങളായിരുന്നു.

Madhavan Nair
ജനനം
Thirunainar Kurichi Madhavan Nair

(1916-04-16)16 ഏപ്രിൽ 1916
Thirunainar Kurichi, Colachel, Travancore
(now in Kanyakumari district, Tamil Nadu, India)
മരണം1 ഏപ്രിൽ 1965(1965-04-01) (പ്രായം 48)
തൊഴിൽLyricist, poet
പങ്കാളി(കൾ)Ponnamma
Parent(s)Raman Nair, Narayani Pillai

പഴയ തിരുവിതാംകൂറിലെ തിരുനൈനാർകുറിച്ചി ഗ്രാമത്തിലായിരുന്നു ഇദ്ദേഹത്തിന്റെ ജനനം. (സംസ്ഥാനരൂപീകരണശേഷം ഈ സ്ഥലം തമിഴ്നാട്ടിലായി) രാമൻ പിള്ളയും കാർത്ത്യായനിയമ്മയുമായിരുന്നു മാതാപിതാക്കൾ. തിരുവിതാംകൂറിൽ റേഡിയോ നിലയം ആരംഭിച്ചപ്പോൾ ജീവനക്കാരനായി പ്രവേശിച്ച മാധവൻ നായർ ഇന്ത്യയുടെ സ്വാതന്ത്യാനന്തരം ആകാശവാണിയിലൂടെ കേന്ദ്രസർക്കാർ ജീവനക്കാരായി.[3] ചലച്ചിത്രനിർമ്മാതാവ് പി.സുബ്രഹ്മണ്യം ഗാനമെഴുതാൻ ക്ഷണിച്ചപ്രകാരം ആത്മസഖി എന്ന ചിത്രത്തിനായി ആദ്യമായി ഗാനങ്ങൾ എഴുതി. തുടർന്ന് ഏകദേശം മുപ്പതിനടുത്ത് ചിത്രങ്ങൾക്ക് ഇദ്ദേഹം ഗാനരചന നിർവ്വഹിച്ചു. ബ്രദർ ലക്ഷ്മണനാണ് ഇദ്ദേഹത്തിനെ ഭൂരിപക്ഷം ഗാനങ്ങൾക്കും ഈണം പകർന്നത്. അർബുദബാധയെത്തുടർന്ന് 1965 ഏപ്രിൽ 1-ന് 49-ആം വയസിൽ ഇദ്ദേഹം അന്തരിച്ചു.

അവലംബംതിരുത്തുക

  1. B. Vijayakumar (January 3, 2009). "Harishchandra 1955". The Hindu. Retrieved May 3, 2014.
  2. B. Vijayakumar (September 13, 2008). "Bhaktakuchela 1961". Retrieved May 3, 2014.
  3. "മലയാളം മറക്കാത്ത തിരുനൈനാർകുറിച്ചി". മാധ്യമം. ശേഖരിച്ചത് 2 ഏപ്രിൽ 2015.