ഡോക്ടർ ലൗ

കെ. ബിജു രചനയും സംവിധാനവും നിർവ്വഹിച്ച് കുഞ്ചാക്കോ ബോബൻ നായകനായി 2011-ൽ പുറത്തിറങ്ങിയ ഒരു മലയാളചലച്ചിത്രമാണ് ഡോക്ടർ ലൗ. പുതുമുഖങ്ങളെ പ്രധാന കഥാപാത്രങ്ങളാക്കി നിർമ്മിച്ച ഈ ചിത്രത്തിൽ ഭാവന, അനന്യ എന്നിവരാണ് നായികമാർ. ചങ്ങനാശ്ശേരി സെന്റ് ബർക്കുമാൻസ് കോളേജിലാണ് ചിത്രത്തിന്റെ പ്രധാനഭാഗങ്ങൾ ചിത്രീകരിച്ചത്. ജിതിൻ ആർട്ട്സിന്റെ ബാനറിൽ ജോയ് തോമസ് ശക്തികുളങ്ങരയാണ് ചിത്രം നിർമ്മിച്ചത്.

ഡോക്ടർ ലൗ
പോസ്റ്റർ
സംവിധാനം	കെ. ബിജു
നിർമ്മാണം	ജോയ് തോമസ് ശക്തികുളങ്ങര
രചന	കെ. ബിജു
അഭിനേതാക്കൾ	കുഞ്ചാക്കോ ബോബൻ ഭാവന അനന്യ
സംഗീതം	വിനു തോമസ്
ഗാനരചന	ശരത് വയലാർ
ഛായാഗ്രഹണം	ഷാജി
ചിത്രസംയോജനം	വി. സാജൻ
സ്റ്റുഡിയോ	ജിതിൻ ആർട്ട്സ്
വിതരണം	ജിതിൻ ആർട്ട്സ് റിലീസ് ത്രൂ മാക്സ്‌ലാബ്
റിലീസിങ് തീയതി	2011 സെപ്റ്റംബർ 9
രാജ്യം	ഇന്ത്യ
ഭാഷ	മലയാളം
സമയദൈർഘ്യം	157 മിനിറ്റ്

ഇതിവൃത്തം

പ്രണയിക്കുന്നവരെ ഒന്നിപ്പിക്കുന്ന വിനയചന്ദ്രന്റെ കഥയാണ് ചിത്രം. തന്റെ പ്രശ്നം പരിഹരിക്കുന്നതിനായി കായികാധ്യാപകനായ സത്യശീലൻ വിനയചന്ദ്രനെ സമീപിക്കുന്നു. അങ്ങനെ വിനയചന്ദ്രൻ കോളേജിലെത്തുന്നു. അതിനുശേഷം വിനയചന്ദ്രന്റെ ജീവിതത്തിലുണ്ടാകുന്ന സംഭവവികാസങ്ങളാണ് ചിത്രത്തിന്റെ ഇതിവൃത്തം.

അഭിനേതാക്കൾ

• കുഞ്ചാക്കോ ബോബൻ – വിനയചന്ദ്രൻ
• ഭാവന – എബിൻ / ശ്രീക്കുട്ടി
• അനന്യ – ഗൗരി
• ഭഗത് മാനുവേൽ – സുധി
• ഹേമന്ത് മേനോൻ – റോയ്
• മണിക്കുട്ടൻ – വെങ്കിടി
• പ്രകാശൻ
• ശ്രാവൺ
• അജു വർഗ്ഗീസ് – ഓമനക്കുട്ടൻ
• രജത് മേനോൻ – മാർട്ടിൻ
• ശാരി
• നിമിഷ സുരേഷ്
• വിദ്യ ഉണ്ണി – മഞ്ജു
• ഇന്നസെന്റ് – സത്യശീലൻ
• ബിന്ദു പണിക്കർ – അജിതാകുമാരി
• സലീം കുമാർ – ശ്രേയാംസ് കുമാർ
• വിജയരാഘവൻ – കറിയാച്ചൻ

സംഗീതം

ഗാനരചന നിർവ്വഹിച്ചിരിക്കുന്നത് ശരത് വയലാർ, സംഗീതസംവിധാനം നിർവ്വഹിച്ചിരിക്കുന്നത് വിനു തോമസ്. ഗാനങ്ങൾ സത്യം ഓഡിയോസ് വിപണനം ചെയ്തിരിക്കുന്നു.

ഗാനങ്ങൾ
#	ഗാനം	ഗായകർ	ദൈർഘ്യം
1.	"ഓർമ്മകൾ"	കാർത്തിക്	3:58
2.	"നന്നാവൂല"	രഞ്ജിത്ത് ഉണ്ണി, ബെന്നി ദയാൽ, വിനു തോമസ്, അഞ്ജു ജോസഫ്, കോറസ്	3:27
3.	"നിന്നോടെനിക്കുള്ള"	റിയ രാജു	4:04
4.	"ആകാശം ദൂരെ"	നജിം അർഷാദ്, വിവേകാനന്ദൻ	4:23
5.	"പാലപ്പൂ"	നജിം അർഷാദ്	1:56
6.	"അവനല്ലേ"	രഞ്ജിത്ത് ഗോവിന്ദ്, ഫ്രാങ്കോ, ബാലു തങ്കച്ചൻ, വിപിൻ സേവ്യർ, വിനീത് ശ്രീനിവാസൻ, സി.ജെ. കുട്ടപ്പൻ, നമിത	3:21
7.	"കൈ ഒന്നടിച്ചേൻ"	വിനീത് ശ്രീനിവാസൻ, റിമി ടോമി, സി.ജെ. കുട്ടപ്പൻ	4:15

പുറത്തേക്കുള്ള കണ്ണികൾ

• ഡോക്ടർ ലൗ ഇന്റർനെറ്റ് മൂവി ഡാറ്റാബേസിൽ
• ഡോക്ടർ ലൗ – മലയാളസംഗീതം.ഇൻഫോ