ഏടി ജന്മമിദി

ത്യാഗരാജസ്വാമികൾ വരാളിരാഗത്തിൽ ചിട്ടപ്പെടുത്തിയ ഒരു കീർത്തനമാണ് ഏടി ജന്മമിദി ഹാ ഓ രാമ

വരികളും അർത്ഥവും

	വരികൾ	അർത്ഥം
പല്ലവി	ഏടി ജന്മമിദി ഹാ ഓ രാമ	ഓ! രാമാ എന്തുതരം ജന്മമാണിത്?
അനുപല്ലവി	ഏടി ജന്മമിദി എന്ദുകു കലിഗെനു എന്തനി സൈരിന്തു ഹാ ഓ രാമ	എന്തുതരം ജന്മമാണിത്? എന്തിനാണ് ഈ ജന്മം എടുത്തത്? ഞാൻ എന്തിൽനിന്നെല്ലാം വിട്ടുനിൽക്കണം?
ചരണം 1	സാടി ലേനി മാര കോടി ലാവണ്യുനി മാടി മാടികി ജൂചി മാടലാഡനി തന	താരതമ്യമില്ലാത്ത കോടികാമദേവന്മാർക്കുതുല്യനായ ഭഗവാനെ എപ്പോഴും നോക്കിക്കൊണ്ടിരുന്നിട്ടും അദ്ദേഹത്തോടു സംസാരിക്കാനാവാത്ത
ചരണം 2	സാരെകു മുത്യാല ഹാരയുരമു പാലു കാരു മോമുനു കന്നുലാര ജൂഡനി തന	പാൽ ഒഴുകുന്ന ശിശുവിന്റേതുപോലുള്ള ആ സുന്ദരമുഖവും മുത്തുകൾ ചാർത്തിയ മാറിടവും എനിക്കെപ്പോഴും കാണാനാവാത്ത
ചരണം 3	ഇംഗിതമെരിഗിന സംഗീത ലോലുനി പൊംഗുചു തനിവാര കൌഗിലിഞ്ചനി തന	എന്താണു വേണ്ടതെന്നു നന്നായറിയുന്ന സംഗീതപ്രിയനായ ആ ഭഗവാനെ സന്തോഷത്തോടെ പുണരാനാവാത്ത
ചരണം 4	സാഗര ശയനുനി ത്യാഗരാജ നുതുനി വേഗമേ ജൂഡക വേഗെനു ഹൃദയമു	ക്ഷീരസാഗരത്തിൽ ശേഷന്റെ മുകളിൽ ശയിക്കുന്നവനും ത്യാഗരാജനാൽ പ്രകീർത്തിക്കപ്പെടുന്നവനുമായ ആ ഭഗവാനെ വേഗത്തിൽ കാണാനാവാത്ത

പുറത്തേക്കുള്ള കണ്ണികൾ

• ടി എം കൃഷ്ണയുടെ ആലാപനം