ഏഴാമത് കേരള നിയമസഭയിൽ ശ്രീകൃഷ്ണപുരം മണ്ഡലത്തെ പ്രതിനിധീകരിച്ച രാഷ്ട്രീയ പ്രവർത്തകനായിരുന്നു ഇ. പത്മനാഭൻ (31 മാർച്ച് 1934 - 18 സെപ്റ്റംബർ 1990).[1]കേരളത്തിലെ സർക്കാർ ജീവനക്കാരുടെ മേഖലയിലെ ഏറ്റവും വലിയ സംഘടനയായ കേരള എൻ.ജി.ഒ. യൂണിയൻന്റെ സ്ഥാപക നേതാക്കളിൽ പ്രമുഖനും ജനറൽ സെക്രട്ടറിയുമായിരുന്ന അദ്ദേഹം എൻ.ജി.ഒ.പത്മനാഭൻ എന്നുകൂടി അറിയപ്പെട്ടിരുന്നു.

ഇ. പത്മനാഭൻ
E padmanabhan.png
ഇ. പത്മനാഭൻ
ഏഴാമത് കേരള നിയമസഭയിൽ ശ്രീകൃഷ്ണപുരം മണ്ഡലത്തെ പ്രതിനിധീകരിച്ചു. കേരള എൻ.ജി.ഒ യൂണിയൻ ജനറൽ സെക്രട്ടറി.
വ്യക്തിഗത വിവരണം
ജനനം(1934-03-31)മാർച്ച് 31, 1934
മലപ്പുറം, കേരളം,
മരണം1990 സെപ്റ്റംബർ 18
ദേശീയതഇന്ത്യൻ
രാഷ്ട്രീയ പാർട്ടിസി.പി.ഐ.(എം)

ജീവിതരേഖതിരുത്തുക

മലപ്പുറം ജില്ലയിലെ എടപ്പാളിൽ രാമനുണ്ണി നായരുടെ രണ്ടമത്തെ മകനായി ജനിച്ചു. പത്താം ക്ളാസ് വരെ പഠിച്ചു. കേരള എൻ.ജി.ഒ. യൂണിയൻ ജനറൽ സെക്രട്ടറിയായി 1965 മുതൽ 1982 വരെ പ്രവർത്തിച്ചു. FSETO (ഫെഡറേഷൻ ഒഫ് സ്റ്റേറ്റ് എംപ്ലോയീസ് & റ്റീച്ചേഴ്സ് ഓർഗനൈസേഷൻസ് ) ജനറൽ സെക്രട്ടറി ആയി 1973 മുതൽ 1982 വരെയും, AISGEF (ഓൾ ഇൻഡ്യ സ്റ്റേറ്റ് ഗവണ്മെന്റ് എംപ്ലോയീസ് ഫെഡറേഷൻ)സോണൽ സെക്രട്ടറിയായും പ്രവർത്തിച്ചു. സർക്കാർ ജീവനക്കാരുടെ നിരവധി സമരങ്ങൾക്ക് നേതൃത്വം നൽകി. 1990-‍‍ൽ ഡൽഹിയിൽ വെച്ച് നടന്ന വർഗീയ വിരുദ്ധ കൺവെൻഷനിൽ പങ്കെടുത്തു കൊണ്ടിരിക്കവെയാണ് അദ്ദേഹം മരണപ്പെട്ടത്.

അവലംബംതിരുത്തുക

  1. "E. Padmanabhan". www.niyamasabha.org. ശേഖരിച്ചത് 14 ഏപ്രിൽ 2014.
"https://ml.wikipedia.org/w/index.php?title=ഇ._പത്മനാഭൻ&oldid=3424783" എന്ന താളിൽനിന്ന് ശേഖരിച്ചത്