ആർ. സുന്ദർരാജ്

രണ്ടാമത്തെ മലയാളം സിനിമയുടെ നിര്‍മ്മാതാവ്

മലയാളത്തിലെ രണ്ടാമത്തെ ചിത്രമായ മാർത്താണ്ഡവർമ്മയുടെ നിർമാതാവാണ് ആർ. സുന്ദർരാജ്. ഇദ്ദേഹം തിരുവിതാംകൂർ രാജ്യത്തെ നാഗർകോവിൽ സ്വദേശിയാണ് .[1]

ജീവിതരേഖതിരുത്തുക

നാഗർകോവിലിലെ സമ്പന്ന നാടാർ ക്രിസ്ത്യൻ കുടുംബത്തിലാണ് ഇദ്ദേഹം ജനിച്ചത്. തിരുവനന്തപുരത്താണ് വിദ്യാഭ്യാസം നേടിയത്. ആദ്യ മലയാളം ചലച്ചിത്രമായ വിഗതകുമാരൻ സംവിധാനം ചെയ്ത ജെ.സി. ഡാനിയേലിന്റെ അകന്ന ബന്ധുവായിരുന്നു ഇദ്ദേഹം. ഡാനിയലിന്റെ “ദി ട്രാവൻകൂർ നാഷണൽ പിക്‌ച്ചേഴ്‌സ്’ എന്ന ഫിലിം സ്റ്റുഡിയോ സ്ഥാപിക്കുന്നതിലും വിഗതകുമാരൻ എന്ന ചിത്രത്തിന്റെ നിർമ്മാണത്തിലും സുന്ദർരാജും പങ്കാളിയായിരുന്നു. ഈ അനുഭവത്തിൽ നിന്നുമാണ് മാർത്താണ്ഡവർമ്മ എന്ന നോവൽ ചലച്ചിത്രമാക്കാനുള്ള പ്രേരണ ഇദ്ദേഹത്തിനു ലഭിച്ചത്.[2]

ചിത്രത്തിൽ സുഭദ്ര ആയി അഭിനയിച്ചത് ദേവകീഭായി എന്ന നടിയായിരുന്നു. തമിഴ് ബ്രാഹ്മണസ്ത്രീയായ ഇവരെയാണ് സുന്ദർരാജ് വിവാഹം ചെയ്തത്. ഈ വിവാഹം വലിയ വിവാദമുണ്ടാക്കിയിരുന്നു. രണ്ടു കുടുംബങ്ങളും ഇവരെ ഉപേക്ഷിക്കുകയും ചെയ്തു[2].

മാർത്താണ്ഡവർമതിരുത്തുക

സി.വി. രാമൻപിള്ളയുടെ മാർത്താണ്ഡവർമ്മ എന്ന നോവലിനെ ആസ്പദമാക്കിയാണ് ഈ ചലച്ചിത്രം നിർമ്മിക്കപ്പെട്ടത്. തിരുവനന്തപുരത്തെ കാപ്പിറ്റോൾ തിയേറ്ററിലായിരുന്നു ചലച്ചിത്രത്തിന്റെ ആദ്യ പ്രദർശനം. നിർമാതാവും നോവലിന്റെ പ്രസാധകരായ കമല ബുക്ക് ഡിപ്പോയും തമ്മിലുണ്ടായ അവകാശതർക്കം കോടതിയിലെത്തുകയും ഒറ്റ പ്രദർശനത്തോടെ ചിത്രം നിരോധിച്ചുകൊണ്ട് കോടതിവിധി വരുകയും ചെയ്തു. അമ്പതുകൊല്ലത്തോളം ഈ ചിത്രം പെട്ടിയിലായി.[1]

നാടകത്തിന്റെ സങ്കേതങ്ങൾ ഉപയോഗിച്ചാണ് ചിത്രീകരണം സാധിച്ചത്. ചിത്രത്തിന്റെ പ്രിന്റ് പൂനെയിലെ 'നാഷണൽ ഫിലിം ആർക്കൈവ്സിൽ' സൂക്ഷിച്ചിട്ടുണ്ട്.[1]

അവലംബംതിരുത്തുക

  1. 1.0 1.1 1.2 "മലയാളം സിനിമാ ചരിത്രം: 1928-1950 നിശ്ശബ്ദതയിൽ നിന്ന് ശബ്ദങ്ങളിലേയ്ക്ക്". സിനി ഡയറി. മൂലതാളിൽ നിന്നും 2013-12-19-ന് ആർക്കൈവ് ചെയ്തത്. ശേഖരിച്ചത് 2013 മാർച്ച് 5. Check date values in: |accessdate= (help)
  2. 2.0 2.1 "ദേവകി ഭായ് : മലയാളി ഗോസിപ്പു പറഞ്ഞ ആദ്യ നായിക". ഡിസി ബുക്ക്സ്. മൂലതാളിൽ നിന്നും 2016-03-05-ന് ആർക്കൈവ് ചെയ്തത്. ശേഖരിച്ചത് 2013 മാർച്ച് 5. Check date values in: |accessdate= (help)
"https://ml.wikipedia.org/w/index.php?title=ആർ._സുന്ദർരാജ്&oldid=3624601" എന്ന താളിൽനിന്ന് ശേഖരിച്ചത്