ആര്യനാട് കരകൗശല ഗ്രാമം

പാരമ്പര്യത്തിന്റെ കരസ്പർശം കൊണ്ട് ഈട്ടിത്തടിയിൽ ആനകളെ നിർമ്മിക്കുന്ന തച്ചന്മാരുടെ ഗ്രാമമായ ആര്യനാട് പഞ്ചായത്തിലെ ചേരപ്പള്ളിയാണ് 'ആര്യനാട് കരകൗശല ഗ്രാമം' എന്നറിയപ്പെടുന്നത്. ഈട്ടിത്തടിയിൽ ആനകളുടെ ചെറു രൂപങ്ങളാണ് ഇവർ നിർമ്മിക്കുന്നത്. ഈ ആനകൾ നമ്മുടെ കൈവെള്ളയിൽ വയ്ക്കാവുന്ന ചെറുത് മുതൽ ഒരു യഥാർത്ഥ ആനയുടെ പ്രൗഢി വിളിച്ചോതുന്ന ഭീമാകാരമാർ വരെയുണ്ട്. പരമ്പരാഗത കൈത്തൊഴിലിന്റെ പേരിൽ ഈ ചെറുഗ്രാമം ടൂറിസ്റ്റ് ഭൂപടത്തിൽ സ്ഥാനംപിടിച്ചിട്ടുണ്ട്. മാത്രമല്ല വിദേശികൾ ഉൾപ്പെടെയുള്ള സഞ്ചാരികൾ ഇവരുടെ കരവിരുത് നേരിൽ കാണാൻ എത്തുന്നുണ്ട്.

ശില്പനിർമ്മാണത്തിൽ ഏർപ്പെട്ടിരിക്കുന്നവർ

നിർമ്മാണം

പ്രാഥമിക നിർമ്മാണം പൂർത്തിയായ ആന ശില്പങ്ങൾ

ഈട്ടി തടിയിൽ ആണ് നിർമ്മാണം. അവിശ്വസനീയമായ മറ്റൊരു വസ്തുത, ഇവയുടെ നിർമ്മാണ വേളയിലെങ്ങും തന്നെ യന്ത്രങ്ങൾ ഒന്നും തന്നെ ഉപയോഗിക്കുന്നില്ല എന്നതാണ്.

പാരമ്പര്യം

ഇവിടത്തെ തൊഴിൽപാരമ്പര്യത്തിന് അഞ്ച് ദശകത്തിലേറെ ചരിത്രം പറയാനുണ്ട്. കേരളത്തിന്റെ കലാ സാംസ്‌കാരിക ഭൂപടത്തിൽ ആര്യനാടിന് പ്രത്യേക സ്ഥാനം ഈ ശില്പ ഗ്രാമത്തിലൂടെ കൈവന്നിട്ടുണ്ട്.