ആതിര കൃഷ്ണ

രാജ്യന്തര ശ്രദ്ധ നേടിയ ഒരു വയലിൻ കലാകാരിയാണ് ആതിര കൃഷ്ണ. 32 മണിക്കൂർ നീണ്ട വയലിൻ യജ്ഞത്തിലൂടെ ഗിന്നസ് ബുക്കിൽ ഇടം നേടിയിട്ടുണ്ട്. പ്രശസ്ത സംഗീതജ്ഞൻ ശ്രീ. കോടമ്പള്ളി ഗോപാലപിള്ളയുടെ ചെറുമകളാണ്. കോടമ്പള്ളി കൃഷ്ണപിള്ളയുടെയും എസ്. ലീലയുടെയും മകളായി തിരുവനന്തപുരത്ത് ജനിച്ചു. ഒൻപതാം വയസ്സു മുതൽ കച്ചേരികൾ നടത്തിപ്പോരുന്ന ആതിര രണ്ടു തവണ രാഷ്ട്രപതിഭവനിലും വയലിൻ കച്ചേരി അവതരിപ്പിച്ചിട്ടുണ്ട്. യഹൂദി മെനൂഹിൻ, ഉസ്താദ് ബിസ്മില്ലാ ഖാൻ, ബാലമുരളീകൃഷ്ണ, പണ്ഡിറ്റ് ജസ്‌രാജ് തുടങ്ങിയവരോടൊപ്പം സംഗീത പരിപാടികളിൽ പങ്കെടുത്തിട്ടുണ്ട്.

ആതിര കൃഷ്ണ
പുറമേ അറിയപ്പെടുന്ന	ആതിര/ എൽ. ആതിര/ആതിര കോടമ്പള്ളി
ഉത്ഭവം	കേരളം, തിരുവനന്തപുരം, ഇന്ത്യ
വിഭാഗങ്ങൾ	കർണാടക സംഗീതം, ഭാരതീയ ശാസ്ത്രീയ സംഗീതം, വയലിൻ, ജാസ്, ഫ്യൂഷൻ
തൊഴിൽ(കൾ)	വയലിനിസ്റ്റ്, ഗായിക, കമ്പോസർ
ഉപകരണ(ങ്ങൾ)	വയലിൻ, വയോള
വെബ്സൈറ്റ്	athira.in

അവാർഡുകൾ

• നാഷണൽ ബാലശ്രീ, ഇന്ത്യാ ഗവൺമെന്റ്, 2001
• ഗിന്നസ് വേൾഡ് റെക്കോഡ് 2004
• ലിംകാ ബുക്ക് 2004
• ഐ.ബി.എൻ. യംഗ് ഇന്ത്യൻ ലീഡർ അവാർഡ് 2012,

ജീവിതം

ബാല്യം

കെ സി കൃഷ്ണപിള്ളയുടെയും ലീല കുറുപ്പിന്റെയും മകളായി ജനിച്ചു. മുത്തച്ഛൻ ഗോപാല പിള്ളയായിരുന്നു ആദ്യ ഗുരു. വീണ വിദ്വാനും വായ്പ്പാട്ടുകാരനുമായ അച്ഛൻ കൃഷ്ണനും ആതിരയുടെ സംഗീതവാസന പ്രോത്സാഹിപ്പിച്ചു.

സംഗീതത്തിലേക്ക്

8ആം വയസ്സിൽ വായ്പ്പാട്ടിൽ നിന്ന് വയലിൻ വാദനത്തിലേക്ക് ദിശമാറ്റം നടത്തിയ ആതിര പെട്ടെന്നു തന്നെ പ്രശസ്തയായി. 9 വയസ്സു മുതൽ തന്നെ വേദികളിൽ കർണ്ണാട്ടിക് വയലിൻ കച്ചേരികൾ അവതരിപ്പിക്കുന്നു. ഇന്ത്യൻ വയലിന്റെ രാജകുമാരി എന്ന വിശേഷണവും ആതിരക്കുണ്ട്.