ആതവനാട് ഗ്രാമപഞ്ചായത്ത്

മലപ്പുറം ജില്ലയിലെ ഒരു ഗ്രാമ പ്രദേശമാണ് ആതവനാട്.കാടാമ്പുഴ തിരുന്നാവായ, വളാഞ്ചേരി, പുത്തനത്താണി, കുറ്റിപ്പുറം എന്നിവയാണ് സ്മീപ പ്രദേശങൾ‌.വെട്ടിച്ചിറ, കാട്ടിലങ്ങാടി,എ.കെ.കെ നഗർ,ചന്ദനക്കാവ് കഞ്ഞിപ്പുര,കരിപ്പോൾ, കുറുംബത്തൂർ, കൂടശ്ശേരിപ്പാറ, മണ്ണേക്കര, പൂളമംഗലം തുടങ്ങിയവ പ്രധാന സ്ഥലങ്ങൾ. പരമ്പരാഗതമായി കാർഷിക മേഖലയിൽ തൊഴിലെടുക്കുന്നവരാണ് ,ഇപ്പോൾ കൂടുതലും ഗൾഫിനെ ആശ്രയിച്ചു കഴിയുന്നവരാണ് ഇവിടത്തെ സമൂഹം. അടുത്ത റയിൽവേ സ്റ്റേഷനുകൾ കുറ്റിപ്പുറം, തിരുന്നാവായ, തിരൂർ എന്നിവ. അടുത്ത വിമാനത്താവളം കരിപ്പൂർ(കോഴിക്കോട്)).

ആതവനാട് ഗ്രാമപഞ്ചായത്ത്
ഗ്രാമപഞ്ചായത്ത്
10°54′21″N 76°1′31″E, 10°54′44″N 76°1′15″E, 10°54′21″N 76°1′31″E
രാജ്യം	ഇന്ത്യ
സംസ്ഥാനം	കേരളം
ജില്ല	മലപ്പുറം ജില്ല
വാർഡുകൾ	പുത്തനത്താണി, പുന്നത്തല, കമ്പിവളപ്പ്, കരിപ്പോൾ, ചെറക്കൽ, വെട്ടിച്ചിറ, പാറപ്പുറം, പരിതി, പട്ടർകല്ല്, ചോറ്റൂർ, മണ്ണേക്കര, എ.കെ.കെ.നഗർ, കാവുങ്ങൽ, കാട്ടിലങ്ങാടി, കാട്ടാംകുന്ന്, കൂടശ്ശേരി, യത്തീംഖാന നഗർ, കുറുമ്പത്തൂർ, കുട്ടികളത്താണി, പള്ളിപ്പാറ, കരുവാംപടി, ചെലൂർ
വിസ്തീർണ്ണം	26.34 ചതുരശ്ര കിലോമീറ്റർ (2019)
ജനസംഖ്യ	30,707 (2001)
• പുരുഷന്മാർ	• 14,771 (2001)
• സ്ത്രീകൾ	• 15,936 (2001)
സാക്ഷരത നിരക്ക്	85.14 ശതമാനം (2001)
കോഡുകൾ   • തപാൽ	•
LSG കോഡ്	G100901

ആതവനാട് പഞ്ചായത്തിലെ പ്രധാനസ്ഥലങ്ങൾ

വെട്ടിച്ചിറ

തൃശൂർ - കോഴിക്കോട് ദേശീയപാതയിൽ മലപ്പുറം ജില്ലയിലെ വളാഞ്ചേരിക്കും പുത്തനത്താണിക്കുമിടയിൽ ആതവനാട് പഞ്ചായത്തിൽ സ്ഥിതിചെയ്യുന്ന ഒരു പ്രദേശമാണ്‌ വെട്ടിച്ചിറ. കാടാമ്പുഴ ഭഗവതിക്ഷേത്രത്തിലേക്ക് ഇവിടെ നിന്ന് ഏകദേശം 2.5 കിലോമീറ്റർ ദൂരമാണുള്ളത്. കാട്ടിലങ്ങാടി പി.എം.എസ്.എ. യത്തീംഖാന, വളാഞ്ചേരി മർക്കസ്‌ എന്നിവ ഇവിടുത്തെ പ്രധാന വിദ്യാഭ്യാസ സ്ഥാപനങ്ങളാണ്. മേല്പത്തൂർ സ്മാരകവും ഇവിടെ നിർമ്മിക്കപ്പെട്ടിട്ടുണ്ട്.

മേൽപ്പത്തൂർ സ്മാരകം

ആതവനാട് ഗ്രാമ പഞ്ചായത്തിൽ കുറുമ്പത്തൂരിനടുത്ത് ജീവിച്ചിരുന്ന പ്രാചീന കാലത്തെ മഹാകവിയാണു മേൽപ്പത്തൂർ നാരായണ ഭട്ടത്തിരി.ഗുരുവായൂരപ്പന്റെ വലിയ ആരാധകനായിരുന്നു ഇദ്ദേഹം.ഇദ്ദേഹം തന്റെ നാരായണീയം എന്ന കാവ്യം ഗുരുവായൂരപ്പനു സമർപ്പിക്കുകയും അതുവഴി തന്നെ അലട്ടിയിരുന്ന വാത രോഗത്തിനു ശമനം ലഭിച്ചു എന്നും പറയപ്പെടുന്നു.ഇദ്ദേഹത്തിനു ആതവനാട് പഞ്ചായത്തിലെ ചന്ദനക്കാവ് പ്രദേശത്ത് സ്മാരകമുണ്ട്.കേരളത്തിന്റെ പലഭാഗത്തുനിന്നും ഭാഷാസ്നേഹികൾ ഈ സ്മാരകം സന്ദർശിക്കാറുണ്ട്.

കരിപ്പോൾ

ആതവനാട് ഗ്രാമപഞ്ചായത്തിലെ പ്രധാനപ്പെട്ട ഓഫീസുകൾ എല്ലാം സ്ഥിതി ചെയ്യുന്നത് കരിപ്പോളിലാണ്. ഗ്രാമപഞ്ചായത്ത് രൂപീകരണം മുതൽ ഓഫീസായി പ്രവർത്തിച്ചിരുന്നത് കരിപ്പോൾ അങ്ങാടിയിലുള്ള ഓടിട്ട ഇരുനില കെട്ടിടത്തിന്റെ മുകളിൽ ആയിരുന്നു. പറമ്പൻ ആലി എന്നിവരുടെ ഉടമസ്ഥതയിലുള്ള കെട്ടിടം പിന്നീട് നെയ്യത്തൂർ മുസ്തഫയുടെ കൈവശത്തിലായി. ഇപ്പോഴത്തെ ഉടമസ്ഥൻ കുറ്റിപ്പുറത്തൊടി സൈതലവി ഹാജി ആണ്. ദേശീയ പാത 66 നവീകരണത്തിനായി ഈ ചരിത്ര സ്മാരകം പൊളിച്ച് മാറ്റാനിരിക്കുന്നു. ഓഫീസ് പിന്നീട് അങ്ങാടിയിൽ നിന്ന് 300മീറ്റർ പടിഞ്ഞാറ് മാറി സ്വന്തം കെട്ടിടത്തിലേക്ക് മാറി.

പോസ്റ്റ് ഓഫീസ്,കരിപ്പോൾ

കരിപ്പോൾ,കഞ്ഞിപ്പുര, വട്ടപ്പാറ,ചോറ്റൂർ,മണ്ണേക്കര എന്നീ പിൻകോഡ്പ്രദേശങ്ങൾ ഉൾപ്പെടുന്ന പ്രവർത്തനമാണ് കരിപ്പോൾ പോസ്റ്റ് ഓഫീസിന്. വളാഞ്ചേരി പോസ്റ്റ് ഓഫീസിന് കീഴിലാണ് ഇത് . പിൻകോഡ് 67655

പി.എച്ച്.സി സബ്സെന്റർ കരിപ്പോൾ

വസൂരി പടർന്നു പിടിച്ച സമയത്ത് പൊതു ജനങ്ങൾക്ക് ആശ്വാസമായി ആരംഭിച്ചതാണ് ഈ സബ്സെന്റർ, ഒരു കമ്പോണ്ടർ അവിടെ ഉണ്ടായിരുന്നു. ദേശീയ പാത ഓരത്ത് ഇപ്പോഴത്തെ ഇൻഡ്യൻ ഓയിൽ പമ്പിന് സമീപത്തുള്ള പറക്കുണ്ടിൽ സൂപ്പി ഹാജിയുടെ സ്ഥലത്ത് ആയിരുന്നു 40വർഷത്തോളം പ്രവർത്തിച്ചത്.ഇപ്പോൾ ചേലപ്പാറ തോടിന്റെ ഓരത്ത് സ്വന്തം കെട്ടിടത്തിലേക്ക് മാറി എങ്കിലും റോഡ് കൃത്യമായി ഇല്ലാത്തതും തോടിലൂടെ വർഷക്കാലം പോകാൻ കഴിയാത്തതും ജനങ്ങൾ ഇതിനെ ആശ്രയിക്കുന്നത് കുറഞ്ഞു.

ജി.എം.എച്ച്.എസ് കരിപ്പോൾ

പഴയകാലത്ത് ചെയ്ത്താൻ പാറയെന്നറിയപ്പെട്ടിരുന്ന കരിപ്പോളിൽ, തറമ്മൽ പുത്തൻ പീടിയേക്കൽ മരക്കാർ മാഷിന്റെ നേതൃത്വത്തിൽ ആണ് പ്രധാനമായും വിദ്യാഭ്യാസ മുന്നേറ്റം സാധ്യമാക്കിയത്. ആദ്യഘട്ടത്തിൽ ആതവനാട് ഉണ്ടായിരുന്ന എൽ.പി സ്കൂൾ കരിപ്പോളിൽ എത്തിച്ചു. സ്ഥലം ഇല്ലാതെ നഷ്ടമാകാനിരുന്ന ഈ വിദ്യാലയം കരിപ്പോൾ പടിയിലെ മൂർക്കത്ത് അഹമ്മദ് കുട്ടി മാഷിന്റെ നേതൃത്വത്തിൽ പ്രവർത്തനം ആരംഭിച്ചു. വലിയ പുളിമരത്തിന് താഴെയാണ് ഇത് തുടങ്ങിയത്. അഹമ്മദ്കുട്ടി മാഷ് ആദ്യ കാലത്ത് അവിടെ അധ്യാപകനായി സേവനം ചെയ്യുകയും ചെയ്തു.

പിന്നീട് ഇപ്പോഴത്തെ കരിപ്പോൾ ജുമാമസ്ജിദിന് സമീപം വലിയപറമ്പിൽ തറവാട്ടുകാർ ഒരു കെട്ടിടം നിർമ്മിച്ചത് വാടകയ്ക്ക് എടുത്ത് അതിൽ ക്ളാസ് ആരംഭിച്ചു.

അക്കാലത്ത് അപ്പർ പ്രൈമറി പഠനത്തിന് കാട്ടാംകുന്ന് സ്കൂളിലായിരുന്നു (ജി.യു.പി.സ്കൂൾ കൂടശ്ശേരി) പോയിരുന്നത്. 4 കിലോമീറ്ററിലധികം ദൂരം ഉണ്ടായിരുന്നു കരിപ്പോളിൽ നിന്നും കാട്ടാംകുന്നിലേക്ക്. ഇത് കാരണം ഉപരിപഠനത്തിന് പലരും പോകാതെയായി.

പിന്നീട് സ്കൂൾ അപ്ഗ്രേഡ് ചെയ്ത് ജി.എം.യു.പി സ്കൂൾ കരിപ്പോൾ ആയി. ഏഴാം ക്ലാസ് വരെ പഠനത്തിന് അവസരം ലഭിച്ചു. സ്ഥല പരിമിതി മറികടക്കാൻ കരിപ്പോൾ മഹല്ല് കമ്മറ്റിയായ ഇമാദുൽ ഇസ്ലാം പള്ളി &മദ്രസ കമ്മിറ്റിയുടെ മദ്രസ കെട്ടിടം വിട്ടുനൽകി.

പള്ളി പണി കഴിഞ്ഞതിന് ശേഷം ഇപ്പോൾ സ്കൗട്ട് ഹാളിന് സമീപമുള്ള ഓടിട്ട കെട്ടിടം ജനങ്ങൾ പണം പിരിച്ച് നിർമിച്ചു നൽകി. നാട്ടുകാൽ പിരിവെടുത്തുണഅടാക്കിയ പണം ഉപയോഗിച്ചാണ് കെട്ടിടം നിർമ്മിച്ചത്.

ഉപരിപഠനത്തിന് വളാഞ്ചേരി ഹൈസ്കൂൾ, കൽപകഞ്ചേരി ഹൈസ്കൂൾ എന്നിവിടങ്ങളെ ആശ്രയിക്കേണ്ട് വന്നത് കൊഴിഞ്ഞു പോക്കിന് ഇടയാക്കി. ഇത് പരിഹരിക്കാനും ഏഴാം തരം പൂർത്തിയാക്കിയ എല്ലാവർക്കും ഹൈസ്കൂൾ വിദ്യാഭ്യാസം ലഭിക്കാൻ അവസരം ഉണ്ടാകാൻ സ്കൂൾ ഹൈസ്കൂൾ ആയി ഉയർത്തണമെന്ന് ആവശ്യപ്പെട്ട് അന്നത്തെ വിദ്യാഭ്യാസ വകുപ്പ് മന്ത്രി ചാക്കീരി അഹമ്മദ്കുട്ടിക്ക് 1971 ൽ ടിപി മരക്കാർ മാസ്റ്റർ, പറക്കുണ്ടിൽ സൂപ്പി ഹാജി, കിഴക്കേപ്പുറത്ത് സൈത് മുഹമ്മദ് കോയ തങ്ങൾ, അരീക്കാടൻ സൈതാലിക്കുട്ടി ഹാജി തുടങ്ങിയവർ നിവേദനം നൽകി.

ഇപ്പോഴത്തെ ഓഫീസ് പ്രവർത്തനം ഉള്ള കെട്ടിടം 1991 ൽ വിദ്യാഭ്യാസ മന്ത്രി ചന്ദ്രശേഖരൻ ഉദ്ഘാടനം ചെയ്തു.

വാർഡുകൾ

1. പുത്തനത്താണി
2. പുന്നത്തല
3. ചെറക്കൽ
4. വെട്ടിച്ചിറ
5. കമ്പിവളപ്പ്
6. കരിപ്പോൾ
7. പട്ടർക്കല്ല്
8. ചോറ്റൂർ
9. പാറപ്പുറം
10. പരിധി
11. കാവുങ്ങൽ
12. കാട്ടിലങ്ങാടി
13. മണ്ണേക്കര
14. എ.കെ.കെ.നഗർ
15. യത്തീംഖാന നഗർ
16. കുറുമ്പത്തൂർ
17. കാട്ടാംകുന്ന്
18. കൂടശ്ശേരി
19. കരുവാംപടി
20. ചെലൂർ
21. കുട്ടികളത്താണി
22. പളളിപ്പാറ

അവലംബം

• http://lsgkerala.in/ Archived 2016-11-10 at the Wayback Machine.
• http://[[[ATHAVANAD.com]]/
• Census data 2001