ഇന്ത്യയിലെ ഒരു ഇസ്‌ലാമിക പണ്ഡിതനും സ്വാതന്ത്ര്യസമര പ്രവർത്തകനുമായിരുന്നു അഹ്‌മദ് സഈദ് ദഹ്‌ലവി (1888-4 ഡിസംബർ 1959). സഹ്ബാൻ അൽ ഹിന്ദ് എന്ന വിശേഷണത്താൽ അദ്ദേഹം അറിയപ്പെട്ടു. ജംഇയ്യത്തുൽ ഉലമയെ ഹിന്ദിന്റെ ആദ്യ ജനറൽ സെക്രട്ടറിയായിരുന്ന അദ്ദേഹം അഞ്ചാമത്തെ അധ്യക്ഷനുമായിരുന്നു. മദ്രസ അമീനിയ്യയുടെ മൂന്നാമത്തെ റെക്റ്റർ ആയിരുന്നു അഹ്‌മദ് സഈദ്.

ജീവിതരേഖതിരുത്തുക

ദൽഹിയിലെ ദരിയാഗഞ്ചിൽ 1888-ലാണ് അഹ്‌മദ് സഈദ് ജനിക്കുന്നത്[1]. പ്രാഥമിക വിദ്യാഭ്യാസത്തിന് ശേഷം ദൽഹിയിലെ മദ്രസ ഹുസൈനിയ്യയിൽ ചേർന്ന് ഖുർആൻ മന:പാഠമാക്കി[1]. മദ്രസ അമീനിയ്യയിൽ നിന്ന് ബിരുദം കരസ്ഥമാക്കി[2]. മൗലാന കിഫായതുല്ലാഹ് ദഹ്ലവി അവിടെ അദ്ദേഹത്തിന്റെ അധ്യാപകനായിരുന്നു[1].

ഇന്ത്യൻ സ്വാതന്ത്ര്യ സമരത്തിൽ പങ്കെടുത്തതിന് അഹ്‌മദ് സഈദ് എട്ട് തവണ ജയിൽവാസം അനുഭവിച്ചു. [3] 1921-ൽ അറസ്റ്റ് ചെയ്യപ്പെട്ട അദ്ദേഹം മിയാൻവാലി സെൻട്രൽ ജയിലിൽ ഒരു വർഷം തടവിലായിരുന്നു[4]. എട്ടാമത്തെ തവണ അറസ്റ്റ് ചെയ്യപ്പെടുന്നത് 1942 ലാണ്[4]. ജംഇയ്യത്തുൽ ഉലമായെ ഹിന്ദിന്റെ (JUH) സ്ഥാപകരിലൊരാളായ അദ്ദേഹം 1919-ൽ [5] നടന്ന പ്രഥമ യോഗത്തിൽ ഇടക്കാല സെക്രട്ടറിയായി നിയമിക്കപ്പെട്ടു.

1920 നവംബറിൽ JUH-ന്റെ പ്രഥമ ജനറൽ സെക്രട്ടറിയായി നിയമിതനായ അദ്ദേഹം ഇരുപത് വർഷക്കാലം ആ പദവിയിൽ തുടർന്നു[1][5]</ref>. 1940 മുതൽ 1957 വരെ പതിനേഴു വർഷത്തോളം[4] സംഘടനയുടെ വൈസ് പ്രസിഡന്റായി പ്രവർത്തിച്ചു. മദ്‌റസ അമീനിയയിൽ അധ്യാപകനായിരുന്ന അഹ്‌മദ് സഈദ്, കിഫയത്തുള്ള ദെഹ്‌ലാവിയുടെ മരണത്തെ തുടർന്ന് സ്ഥാപനത്തിന്റെ റെക്ടറായി 1953-ൽ നിയമിതനായി. [1] [6] 1957 മുതൽ 1959 ഡിസംബർ 4 ന് മരണപ്പെടുന്നത് വരെയുള്ള രണ്ട് വർഷം ജംഇയ്യത്തുൽ ഉലമയുടെ പ്രസിഡന്റായി പ്രവർത്തിച്ചു[3][4].

രചനകൾതിരുത്തുക

അഹ്‌മദ് സഈദിന്റെ ഖുർആൻ വ്യാഖ്യാനമായ കശ്‌ഫുറഹ്‌മാൻ രണ്ട് വാള്യങ്ങളിലായി ഉർദു ഭാഷയിൽ പ്രസിദ്ധീകരിച്ചു[3]. മറ്റ് ചില കൃതികൾ താഴെ ചേർക്കുന്നു: [7]

  • ദോസാഖ് കാ ഖത്ക
  • ജന്നത്ത് കി കുൻജി
  • ജന്നത്ത് കി സമാനത്ത്
  • ഖുദാ കി ബാത്തേൻ
  • റസൂലുല്ലാഹ് കെ തീൻ സൗ മുഅ്ജിസാത്
  • ശൗക്കത്ത് ആരാ ബീഗം

അവലംബംതിരുത്തുക

  1. 1.0 1.1 1.2 1.3 1.4 Salman Mansoorpuri, Tehreek Azadi-e-Hind Mai Muslim Ulama aur Awaam ka Kirdar, പുറം. 193
  2. Asir Adrawi. Tazkirah Mashāhīr-e-Hind: Karwān-e-Rafta. പുറം. 20.
  3. 3.0 3.1 3.2 Asir Adrawi. Tazkirah Mashāhīr-e-Hind: Karwān-e-Rafta. പുറം. 21.
  4. 4.0 4.1 4.2 4.3 Salman Mansoorpuri, Tehreek Azadi-e-Hind Mai Muslim Ulama aur Awaam ka Kirdar, പുറം. 194
  5. 5.0 5.1 Wasif Dehlavi, Hafizur Rahman. Jamī'at-i Ulamā par ek tārīk̲h̲ī tabṣirah (ഭാഷ: ഉറുദു). പുറം. 74. OCLC 16907808.
  6. Muḥammad Qāsim Dehlavi (2011). Mawlānā Ḥafīẓurraḥmān Wāsif Dehlavī. New Delhi: Urdu Academy. പുറം. 24. ISBN 978-81-7121-176-0.
  7. "Books by Ahmad Saeed Dehlavi". WorldCat. ശേഖരിച്ചത് 11 July 2021.

ഗ്രന്ഥസൂചികതിരുത്തുക

  • Salman Mansoorpuri (2014). Tehreek Azadi-e-Hind Mai Muslim Ulama aur Awaam ka Kirdar (ഭാഷ: ഉറുദു). Deoband: Deeni Kitab Ghar. പുറങ്ങൾ. 194–195.
  • Asir Adrawi (April 2016). Tazkirah Mashāhīr-e-Hind: Karwān-e-Rafta (ഭാഷ: ഉറുദു) (2 പതിപ്പ്.). Deoband: Darul Muallifeen. പുറങ്ങൾ. 20–21.
  • Shahjahanpuri, Abu Salman (2011). Sahban-ul-Hind Mawlānā Ahmad Saeed Dehlavi: Ek Siyāsi Mutāla (ഭാഷ: ഉറുദു). Delhi: Farid Book Depot.
"https://ml.wikipedia.org/w/index.php?title=അഹ്‌മദ്_സഈദ്_ദഹ്‌ലവി&oldid=3781224" എന്ന താളിൽനിന്ന് ശേഖരിച്ചത്