വൃഷണം

പുരുഷന്മാരിൽ ശിശ്നത്തിനു താഴെയായി ത്വക്കുകൊണ്ടുള്ള ഒരു സഞ്ചിയിൽ (വൃഷണ സഞ്ചി) കിടക്കുന്ന പുരുഷ ബീജങ്ങളെയും, പുരുഷ ഹോർമോണായ (ആൻഡ്രൊജൻ) ടെസ്റ്റോസ്റ്റിറോൺ (Testosterone) എന്നിവ ഉത്പാദിപ്പിക്കുന്ന അവയവമാണ് വൃഷണം (Testes). ഇതാണ് ഇവയുടെ ധർമ്മം. ഇവ രണ്ടെണ്ണം ഉണ്ട്. ശരീരത്തിനേക്കാൾ (37 ഡിഗ്രി സെൻറ്റിഗ്രേഡ്) കുറഞ്ഞ ഊഷ്മാവിൽ മാത്രമേ ബീജോല്പ്പാദനം നടക്കൂ എന്നതുകൊണ്ടാണ്‌ ശരീരത്തിനു പുറത്തുള്ള ഒരു സഞ്ചിയിൽ തൂക്കിയിട്ടിരിക്കുന്നത്. ശരീരതാപനില കൂടുമ്പോൾ വൃഷണസഞ്ചി വികസിക്കുകയും താപനില കുറയുമ്പോൾ ചുരുങ്ങുകയും ചെയ്യും. കൗമാര പ്രായത്തോടെ വൃഷണ സഞ്ചിയിൽ ഹോർമോൺ, ബീജ ഉത്പാദനം ആരംഭിക്കുകയും ഗുഹ്യരോമം ഉണ്ടാകുകയും ചെയ്യും. വാർദ്ധക്യത്തോടെ വൃഷണങ്ങളുടെ പ്രവർത്തനം കുറയുകയും, ഹോർമോൺ ഉത്പാദനം ചുരുങ്ങുകയും ചെയ്യാറുണ്ട്. ആൻഡ്രോപോസ് ഇതിനൊരു കാരണമാണ്.

Wiktionary

testes എന്ന വാക്കിനർത്ഥം മലയാളം വിക്കി നിഘണ്ടുവിൽ കാണുക

ഓറോന്നിനും 5സെ.മീ നീളവും അര ഔൺസ് തൂക്കവും ഉണ്ടാവും. അമിതമായി ചൂട് ഏൽക്കുന്ന സാഹചര്യം ഉണ്ടായാൽ വൃഷണത്തിലെ ബീജങ്ങൾ നശിച്ചുപോകുവാൻ സാധ്യതയുണ്ട്. ഇത് പുരുഷ വന്ധ്യതയ്ക്ക് കാരണമാകാം.

ഇവയും കാണൂ

• വൃഷണ സഞ്ചി
• ശിശ്നം