ബ്രിട്ടനിൽനിന്ന് അമേരിക്കയിലേക്കു വന്ന സഹോദരൻമാരായ ജയിംസ് ഹോർലിക്കും വില്യം ഹോർലിക്കും ചേർന്ന് നവ ജാത ശിശുക്കൾക്കുള്ള ആഹാരമായി 1860-കളിൽ പുറത്തിറക്കിയ ഉല്പ്പന്നമാണ്‌ ഹോർലിക്സ്. ജെ ആന്റ് ഡബ്യു ഹോർലിക്സ് എന്ന പേരിൽ ചിക്കാഗോയിലാണ് ഇതാരംഭിച്ചത്. ഇന്ന് ലോകത്ത് ഏറ്റവും കൂടുതൽ ഹോർലിക്സ് വിറ്റഴിക്കപ്പെടുന്ന രാജ്യം ഇന്ത്യയാണ്[അവലംബം ആവശ്യമാണ്].

പ്രമാണം:Horlicks-UK.jpg
ഹോർലിക്സ്

😍 ഹോർലിക്സ്

ബ്രിട്ടനിൽനിന്ന് അമേരിക്കയിലേക്കു വന്ന സഹോദരൻമാരായ ജയിംസ് ഹോർലിക്കും വില്യം ഹോർലിക്കും ചേർന്ന് വെറും നവജാത ശിശുക്കൾക്കുള്ള ആഹാരമായി 1860-കളിൽ പുറത്തിറക്കിയ ഉല്പ്പന്നമായിരുന്നു ഹോർലിക്സ്.

ജെ ആന്റ് ഡബ്യു ഹോർലിക്സ് എന്ന പേരിൽ ചിക്കാഗോയിലാണ് ഇതാരംഭിച്ചത്.

ഒരു ഫാർമസിസ്റ്റായിരുന്ന ജെയിംസ് ഹോർലിക്കിൻ്റേതാണ് പോഷകാഹാരം എന്ന ആശയം.

അതിൻ്റെ വിപണി മൂല്യവും വ്യാവസായിക സാദ്ധ്യതയും തിരിച്ചറിഞ്ഞ് ലോകം കീഴടക്കിയത് വില്യം ഹോർലിക് ക്കിൻ്റെ ബുദ്ധിയാണ്.

1873 ൽ ആണ് മുതിർന്നവർക്കുള്ള ഹോർലിക്സ് ആദ്യമായി ഉണ്ടാക്കിയത്.

ഇന്ത്യയിൽ ഒന്നാം ലോകമഹായുദ്ധകാലത്ത് 1918- ൽ ബ്രിട്ടീഷ് പട്ടാളക്കാരാണ് ആദ്യമായി ഹോർലിക്സ് കൊണ്ടുവന്നത്.

ഇന്ന് ലോകത്ത് ഏറ്റവും കൂടുതൽ ഹോർലിക്സ് വിറ്റഴിക്കപ്പെടുന്ന രാജ്യം ഇന്ത്യയാണ്.

നൈറ്റ് സ്റ്റാർവേഷൻ അഥവാ 'രാത്രി പട്ടിണി' എന്നത് ഒരു പരസ്യ ഗിമ്മിക്കായി ഹോർലിക്സ് കണ്ടുപിടിച്ച ഒരു സാങ്കൽപ്പിക അവസ്ഥയാണ്.

ഉറക്കസമയത്തിനു മുമ്പ് ഒരു മഗ് ഹോർലിക്സ് പാനീയം കഴിച്ചാൽ ക്ഷീണത്തിന് ആശ്വാസവും കനത്ത ആരോഗ്യവും ലഭിക്കും എന്ന പ്രചാരണത്തിലാണ് ജനം വീണത്.

ബ്രിട്ടനിൽ, ഹോർലിക്സ് സാധാരണയായി ഉറങ്ങാൻ പോകുന്ന സമയത്തിനടുത്തുള്ള ഒരു പാനീയമായി ഉപയോഗിക്കുന്നു.

അവിടെ വൈകുന്നേരത്തെ പാനീയമായാണ് ഇത് വിപണിയിലെത്തുന്നത്;

നേരെമറിച്ച്, ഇത് കൂടുതൽ പ്രചാരമുള്ള ഇന്ത്യയിൽ പ്രഭാതഭക്ഷണ പാനീയമായിട്ടാണ് വിപണനം ചെയ്യപ്പെട്ടു വരുന്നത്.

അമേരിക്കൽ ഹോർലിക്സി പ്രധാന ചേരുവകൾ ഗോതമ്പ് മാവ് ആണ്.

മാൾട്ട് ഗോതമ്പ് (46%) മാൾട്ടഡ് ബാർലി (26%) എന്നിവയുടെ മിശ്രിതമാണ് ഹോർലിക്സ്..

2019-ലെ കണക്കനുസരിച്ച്, മറ്റ് ചേരുവകളിൽ ഉണങ്ങിയ whey, കാൽസ്യം കാർബണേറ്റ്, ഉണക്കിയ പാൽ, പഞ്ചസാര, പാമോയിൽ, ഉപ്പ്, ആൻ്റി-കേക്കിംഗ് ഏജൻ്റ് (E551), വിറ്റാമിനുകളുടെയും ധാതുക്കളുടെയും മിശ്രിതം എന്നിവ ഉൾപ്പെടുന്നു.

ഹോർലിക്സിൽ ഉപയോഗിക്കുന്ന പാം ഓയിൽ ഹൈഡ്രജനേറ്റഡ് അല്ല. ലോക സുസ്ഥിര പാം ഓയിലിനെക്കുറിച്ചുള്ള റൗണ്ട് ടേബിൾ കോൺഫറൻസിലെ ശുപാർശകൾ പ്രകാരം സാക്ഷ്യപ്പെടുത്തിയ പാം ഓയിൽ ആണ് ഉപയോഗിക്കുന്നത്.

ഓരോ രാജ്യത്തെ പ്രത്യേകതകൾ പരിഗണിച്ച് അല്പം വ്യത്യാസപ്പെട്ട ചേരുവകളാണ് വിവിധ രാജ്യങ്ങളിൽ വിൽക്കപ്പെടുന്നത്..

ഉദാഹരണത്തിന്, ഇന്ത്യൻ ഹോർലിക്സ് ഫോർമുലേഷനിൽ എണ്ണ അടങ്ങിയിട്ടില്ല, എന്നാൽ സോയ പ്രോട്ടീൻ ഐസൊലേറ്റ് അടങ്ങിയിട്ടുണ്ട് താനും.

ബ്രിട്ടീഷ് ഇന്ത്യയിലെ പഞ്ചാബ്, ബംഗാൾ, മദ്രാസ് എന്ന പ്രസിഡൻസികളിലാണ് ഹോർലിക്‌സിൻ്റെ ആദ്യകാല വ്യാപനം ഉണ്ടായത്.

1940-കളിലും 1950-കളിലും കാശുള്ള ഇന്ത്യൻ കുടുംബങ്ങൾ കുടുംബപാനീയമായി ഹോർലിക്‌സ് കുടിക്കാൻ തുടങ്ങി.

തുടർന്നുള്ള കാലത്ത് ഉയർന്ന മദ്ധ്യവർഗ ഇന്ത്യക്കാരിലും സമ്പന്ന വിഭാഗങ്ങളിലും ഇത് ഒരുതരം സ്റ്റാറ്റസ് സിംബലായി മാറി.

ബ്രിട്ടനിലെ പോലെ ഇന്ത്യയിലും ഹോർലിക്സ് ആദ്യമായി ലഭ്യമായത് മാൾട്ട് ഫ്ലേവറിലായിരുന്നു.

ഇന്ത്യാക്കാർ ആദ്യമായാണ് മാൾട്ടിൻ്റെ രുചി അറിഞ്ഞതും.

മാൾട്ട് പാനീയത്തിൽ തുടങ്ങിയ ഹോർലിക്സ് ഇന്ത്യയിൽ പെട്ടെന്ന് വളർന്നു.

ഹോർലിക്സ് ഇപ്പോൾ നൂഡിൽസ്, മിഠായികൾ, പ്രഭാതഭക്ഷണ ധാന്യങ്ങൾ മുതലായവ ഇറക്കുന്നുണ്ട്.

കൊച്ചുകുട്ടികൾ (ജൂനിയർ ഹോർലിക്സ്), മുലയൂട്ടുന്ന അമ്മമാർ (അമ്മയുടെ ഹോർലിക്സ്), സ്ത്രീകൾ (സ്ത്രീകളുടെ ഹോർലിക്സ്), മുതിർന്നവർ (ലൈറ്റ് ഹോർലിക്സ്) എന്നിവർക്കായി മാൾട്ടഡ് പാനീയത്തിൻ്റെ പ്രത്യേക ഫോർമുലേഷനുകൾ ഇപ്പോൾ നിലവിൽ വിപണിയിലുണ്ട്.

1993-ലാണ് ഹോർലിക്‌സ് ബിസ്‌ക്കറ്റുകൾ ആദ്യമായി പുറത്തിറക്കിയത്.

2009-ൽ ഹോർലിക്‌സ് ന്യൂട്രിബാർ എന്ന പേരിൽ ഒരു എനർജി ബാർ ആരംഭിച്ചു.

2009-ൻ്റെ അവസാനത്തിൽ, ഹോർലിക്‌സിൻ്റെ കുടക്കീഴിൽ ഇൻസ്റ്റൻ്റ് നൂഡിൽസിൻ്റെ ബ്രാൻഡായ ഫുഡ്ൽസ് പുറത്തിറക്കി.

ഇതിനെത്തുടർന്ന് 2011-ൽ മാൾട്ട് പാനീയത്തിൻ്റെ പ്രീമിയം വേരിയൻ്റായ ഹോർലിക്‌സ് ഗോൾഡും (ദി ബെസ്റ്റ് ഹോർലിക്‌സ് എവർ എന്ന് വിളിക്കപ്പെടുന്നു) ഹോർലിക്‌സ് ബ്രാൻഡിന് കീഴിലുള്ള ആദ്യത്തെ പ്രഭാതഭക്ഷണ ഉൽപ്പന്നമായ ഹോർലിക്‌സ് ഓട്‌സും പുറത്തിറക്കി.

1931-ലാണ് ഹോർലിക്സ് കമ്പനി നൈറ്റ് സ്റ്റാർവേഷൻ കഥ ഇറക്കിയത്. 12 മണിക്കൂറിലേറെ രാത്രി മുഴുവൻ പട്ടിണി കിടക്കുന്ന മനുഷ്യൻ്റെ ആരോഗ്യത്തിനായാണ് കമ്പനി ഹോർലിക്സ് ഇറക്കാൻ തീരുമാനിച്ചതത്രേ.

1975–78 കാലഘട്ടത്തിലാണ് ആന്ധ്രയിലെ രാജമുന്ത്രിയിൽ ഹോർലിക്സ് ഫാക്ടറി സ്ഥാപിച്ചത്. യൂണിലിവർ (ഹിന്ദുസ്ഥാൻ ലിവർ) എന്ന മൾട്ടിനാഷണൽ ഭീമൻ കമ്പനിയാണ് ഇപ്പോൾ ലോകമെമ്പാടും ഹോർലിക്സ് ഉണ്ടാക്കി വിൽക്കുന്നത്.

എന്നാൽ ബ്രിട്ടനിൽ Aimia Foods കമ്പനിയാണ് ഹോർലിക്സ് നിർമ്മിക്കുന്നത്.

ലോകമെമ്പാടും ഒരേ ഹോർലിക്സ് അല്ല വിൽപ്പനക്കുള്ളത് എന്നു മനസ്സിലായല്ലോ. ഇപ്പോൾ പല രാജ്യങ്ങളിലും അവിടത്തെ ഭക്ഷണ / ജീവിതരീതിക്ക് അനുയോജ്യമായ ഹോർലിക്സ് ഉൽപ്പന്നങ്ങൾ ആണ് വിപണിയിലുള്ളത്. ഉദാഹരണത്തിന് സൗത്ത് ആഫ്രിക്കയിൽ തേൻ ചേർന്ന ഹണി ഹോർലിക്സ് വരെ വിപണിയിലുണ്ട്.

"https://ml.wikipedia.org/w/index.php?title=ഹോർലിക്സ്&oldid=4020918" എന്ന താളിൽനിന്ന് ശേഖരിച്ചത്