സ്വം

സ്വം
സ്വം
	പോസ്റ്റർ
സംവിധാനം	ഷാജി എൻ. കരുൺ
നിർമ്മാണം	എസ്. ജയചന്ദ്രൻ നായർ
കഥ	എസ്. ജയചന്ദ്രൻ നായർ
തിരക്കഥ	ഷാജി എൻ. കരുൺ ; രഘുനാഥ് പലേരി ; എസ്. ജയചന്ദ്രൻ നായർ
അഭിനേതാക്കൾ	അശ്വനി; വെണ്മണി ഹരിദാസ്; ഗോപി; മുല്ലനേഴി
സംഗീതം	ഐസക്ക് തോമസ് കൊട്ടുകാപ്പള്ളി; കെ. രാഘവൻ
ഛായാഗ്രഹണം	ഹരി നയർ
ചിത്രസംയോജനം	പി. രാമൻ നയർ
സ്റ്റുഡിയോ	ഫിലിം ഫോക്കസ്
വിതരണം	മനോരാജ്യം ഫിലിംസ്
റിലീസിങ് തീയതി	1994 ഡിസംബർ 2
രാജ്യം	ഇന്ത്യ
ഭാഷ	മലയാളം
സമയദൈർഘ്യം	141 മിനിറ്റ്

ഷാജി എൻ. കരുൺ സംവിധാനം ചെയ്ത് 1994-ൽ പുറത്തിറങ്ങിയ മലയാളചലച്ചിത്രമാണ്‌ സ്വം (My Own).^[1] അശ്വനി, വെണ്മണി ഹരിദാസ്, മുല്ലനേഴി, വെൺമണി വിഷ്ണു എന്നിവർ പ്രധാന കഥാപാത്രങ്ങളെ അവതരിപ്പിച്ചിരിക്കുന്നു. ചിത്രത്തിന്റെ സംഗീതം നിർവഹിച്ചിരിക്കുന്നത് ഐസക്ക് തോമസ് കൊട്ടുകാപ്പള്ളിയും, കെ. രാഘവനും ചേർന്നാണ്. 1994-ലെ കാൻസ് അന്താരാഷ്ട്ര ചലച്ചിത്രമേളയിൽ പ്രദർശിപ്പിക്കപ്പെട്ട ചിത്രം ഏറ്റവും മികച്ച ചിത്രത്തിനുള്ള Palme d'Or (ഗോൾഡൻ പാം) പുരസ്ക്കാരത്തിന് നാമനിർദ്ദേശം ചെയ്യപ്പെട്ടു.^[2] കാൻസ് ചലച്ചിത്രമേളയുടെ മൽസര വിഭാഗത്തിലേക്ക് പരിഗണിക്കപ്പെട്ടിട്ടുള്ള ഏക മലയാളചലച്ചിത്രമാണ് സ്വം. മികച്ച ഛായാഗ്രഹണത്തിന് ഉൾപ്പെടെ ആ വർഷത്തെ മൂന്ന് സംസ്ഥാന ചലച്ചിത്ര പുരസ്ക്കാരങ്ങളും ചിത്രം നേടുകയുണ്ടായി.