സിദ്ധാർഥ് വരദരാജൻ
ഇന്ത്യയിലെ പ്രമുഖ പത്രപ്രവർത്തകനും മുൻ ദ ഹിന്ദു പത്രാധിപരുമാണ് സിദ്ധാർഥ വരദരാജൻ(ജനനം:1965).യുഗോസ്ലാവ്യക്കെതിരെയുള്ള നാറ്റോയുടെ യുദ്ധം,അഫ്ഗാനിസ്ഥനിലെ താലി‍ബാൻ ഭരണകൂടത്തിന്റെ ബുദ്ധപ്രതിമ തകർക്കൽ,ഇറാഖിലെ അമേരിക്കൻ അധിനിവേശം,കാശ്മീർ പ്രതിസന്ധി എന്നീ സംഭവങ്ങൾ ഇദ്ദേഹം റിപ്പോർട്ട് ചെയ്യുകയുണ്ടായി.ക്രമസമധാനം,ആഭ്യന്തരം,പ്രധിരോധം,വിദേശകാര്യം[1][2][3] എന്നി രംഗങ്ങളിൽ ഭരൺകൂടത്തിന്റെ ഇടപെടലുകളെ സംബന്ധിച്ചുള്ള വരദരാജന്റെ സൂക്ഷ്മ വിലയിരത്തലുകളും വിശകലനങ്ങളും ഏറെ ശ്രദ്ധിക്കപെട്ടിട്ടുള്ളതാണ്‌. ദി വയർ എന്ന ഇംഗ്ലീഷ് വാർത്താപോർട്ടലിന്റെ സ്ഥാപക പത്രാധിപരിൽ ഒരാളാണ് സിദ്ധാർഥ വരദരാജൻ.
സിദ്ധാർഥ് വരദരാജൻ | |
|---|---|
.jpg) | |
| ജനനം | 10 ഏപ്രിൽ 1965 |
| കലാലയം | |
| തൊഴിൽ | Founding Editor of The Wire |
| ജീവിതപങ്കാളി(കൾ) | Nandini Sundar |
| ബന്ധുക്കൾ | Tunku Varadarajan |
| പുരസ്കാരങ്ങൾ |
|
| വെബ്സൈറ്റ് | thewire |
വിദേശപഠനവും ജോലിയും തിരുത്തുക
ലണ്ടൻ സ്കൂൾ ഓഫ് എകണോമിക്സിൽ നിന്നും കൊളംബിയ സർ‌വ്വകലാശാലയിൽനിന്നുമുള്ള സാമ്പത്തിക ശാസ്ത്ര പഠനത്തിന്‌ശേഷം ന്യൂയോർക്ക് സർ‌വ്വകലാശാലയിൽ ഏതാനും വർഷം വരദരാജൻ അദ്ധ്യാപകനായി ജോലിചെയ്യുകയുണ്ടായി. അതിൽ പിന്നെ 1995-ൽ ടൈംസ് ഓഫ് ഇന്ത്യയുടെ പത്രാധിപസമിതി അംഗമായി ചേർന്നു.2004-ലാണ്‌ ദ ഹിന്ദു വിൽ സഹപത്രാധിപരായി വരുന്നത്. 2007 ൽ ഇദ്ദേഹം ബെർക്കിലിയിലെ കാലിഫോർണിയ സർ‌വ്വകലാശാലയിൽ വിസിറ്റിംഗ് പ്രൊഫസറായിരുന്നു.
ആദരങ്ങൾ പുരസ്കാരങ്ങൾ തിരുത്തുക
ഇറാനെയും അന്തർദേശീയ ആണവോർജ്ജ കമ്മീഷനെയും കുറിച്ചുള്ള അദ്ദേഹത്തിന്റെ പേർഷ്യൻ പസ്സ്ൽ എന്ന ലേഖന പരമ്പരക്ക് 2005 ലെ ഐക്യ രാഷ്ട്രസംഘടനയുടെ കറസ്പോൺ‌ഡന്റ് അസോസിയേഷന്റെ വെള്ളിമെഡൽ ലഭിക്കുകയുണ്ടായി[4].തെക്കനമേരിക്കൻ രാജ്യങ്ങളുമായും പ്രത്യാകിച്ച് ചിലിയുമായി ഇന്ത്യയുടെ ബന്ധം മെച്ചപ്പെടുത്തുന്നതിൽ വഹിച്ച പങ്കിനും പത്രപ്രവർത്തനത്തിലെ സംഭാവനകൾ പരിഗണിച്ചും വിദേശപൗരന്മാർക്കുള്ള ചിലിയുടെ പരമോന്നത ബഹുമഹതിയായ ബെർണാഡോ ഹിഗ്ഗിൻസ് ഓർഡറും അദ്ദേഹത്തെ തേടിയെത്തി.
ലേഖന സമാഹാരം തിരുത്തുക
വരദരാജൻ സമാഹരിച്ച് പെൻ‌ഗ്വിൻ ബുക്സ് പ്രസിദ്ധീകരിച്ച ഗുജറാത്ത്: ദ മെയ്കിങ്ങ് ഓഫ് ട്രാജഡി എന്ന ഗ്രന്ഥം, 2002 ൽ ഗുജറാത്തിൽ മുസ്ലിംകൾക്കെതിരായി നടന്ന ആക്രമണത്തിന്റെ നേർക്കാഴ്ച്ചയാണ്‌.
ചില വെളിപ്പെടുത്തലുകളും അനന്തര ഫലങ്ങളും തിരുത്തുക
അന്തർദേശീയ ആണവോർജ്ജ ഏജൻസിയിൽ ഇറാനെതിരെ വോട്ടുചെയ്യാൻ ഇന്ത്യയ്ക്ക്മേൽ കടുത്ത അമേരിക്കൻ സമ്മർദ്ദമുണ്ടായി എന്ന ഒരു വാർത്ത അമേരിക്കൻ വക്താവ് സ്റ്റീഫൻ ജി റേഡ്മേക്കറെ ഉദ്ധരിച്ചുകൊണ്ട് ദ ഹിന്ദു പത്രത്തിൽ വരദരാജന്റെതായി വരികയുണ്ടായി.ഇത് വലിയ ഒച്ചപ്പാടുണ്ടാക്കി.[5] അന്തർദേശീയ ആണവോർജ്ജ ഏജൻസിയിലെ അംഗരാജ്യങ്ങളെ അമേരിക്ക സ്വാധീനിക്കുന്ന സംഭവങ്ങളെ കുറിച്ച് അന്വേഷിക്കണമെന്ന് ആവശ്യപ്പെട്ടുകൊണ്ട് കാംബ്രിഡ്ജ് ആസ്ഥാനമായുള്ള സി.എ.എസ്.എം.ഐ(Campaign against Sanctions and Military Intervention in Iran) എന്ന സംഘടന മുന്നോട്ടു വന്നത് ഈ റിപ്പോർട്ടിനെ ആധാരമാക്കിയായിരുന്നു.[6]
ഇന്ത്യയിലെ അമേരിക്കൻ അംബാസഡർ ഡേവിഡ് മൽഫോഡ് ഈ വാർത്ത നിഷേധിക്കുകയും റെഡ്മേക്കർ അമേരിക്കൻ വക്താവല്ല എന്ന് പ്രസ്താവന ഇറക്കുകയും ചെയ്തു. പക്ഷേ ദ ഹിന്ദു ,മൽഫോഡിന്റെ പ്രസ്താവന ശരിയല്ലന്നും റെഡ്മേക്കറുമായി ബന്ധപെട്ട് തങ്ങൾ പുറത്ത് വിട്ട വാർത്ത പൂർണ്ണമായും ശരിയായിരുന്നു എന്നും അസഗ്‌നിധമായി വ്യക്തമാക്കുകയാണുണ്ടായത്.[7]
അംഗത്വം തിരുത്തുക
ദ റിയൽ ന്യൂസിന്റെ അന്തർദേശീയ സ്ഥാപക സമിതിയിൽ അംഗമാണ്‌ സിദ്ധാർഥ വരദരാജൻ.[8].
അവലംബം തിരുത്തുക
വരദരാജന്റെ ബ്ലോഗ് Reality, one bite at a time
- ↑ "Indian capital, foreign policy". Archived from the original on 2010-01-05. Retrieved 2009-05-19.
- ↑ "Set Binayak Sen free now". Archived from the original on 2009-05-31. Retrieved 2010-08-08.
- ↑ "Where silence prevails, justice will not". Archived from the original on 2009-05-05. Retrieved 2009-05-19.
- ↑ "UNCA award for Siddharth Varadarajan". Archived from the original on 2007-08-22. Retrieved 2010-08-08.
- ↑ "The Hindu : National : India's anti-Iran votes were coerced, says former U.S. official". Archived from the original on 2008-12-10. Retrieved 2009-05-21.
- ↑ "Investigation into US coercion of IAEA members during votes on Iran puts State Department under pressure". Archived from the original on 2007-12-20. Retrieved 2009-05-21.
- ↑ "The Hindu : National : `Rademaker is not a U.S. official'". Archived from the original on 2009-02-20. Retrieved 2009-05-21.
- ↑ [1]