വർക്കി വിതയത്തിൽ
ഈ ലേഖനത്തിന്റെ ആധികാരികത പരിശോധിക്കുന്നതിന് കൂടുതൽ സ്രോതസ്സുകളിൽ നിന്നുള്ള അവലംബങ്ങൾ ആവശ്യമാണ്. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
സുറിയാനി മലബാർ സഭയുടെ രണ്ടാമത്തെ ശ്രേഷ്ഠ മെത്രാപ്പോലീത്ത (മേജർ ആർച്ച് ബിഷപ്പ്) ആയിരുന്നു മാറൻ മാർ വിതയത്തിൽ ഗീവർഗ്ഗീസ് ഒന്നാമൻ ബാവ അഥവാ മാർ വർക്കി വിതയത്തിൽ (1927 മേയ് 29 - 2011 ഏപ്രിൽ 1). കേരളത്തിൽ നിന്നുള്ള മൂന്നാമത്തെ കർദിനാളായിരുന്ന ഇദ്ദേഹം സുറിയാനി മലബാർ സഭയുടെ ആസ്ഥാന രൂപതയായ എറണാകുളം-അങ്കമാലി അതിരൂപതയുടെ മെത്രാപ്പോലീത്തയും ആയിരുന്നു.
| ശ്രേഷ്ഠ മെത്രാപ്പോലീത്ത കർദ്ദിനാൾ മാറൻ മാർ വർക്കി വിതയത്തിൽ | |
|---|---|
| സുറിയാനി മലബാർ കത്തോലിക്കാ സഭയുടെ ശ്രേഷ്ഠ മെത്രാപ്പോലീത്ത | |
 | |
| രൂപത | എറണാകുളം-അങ്കമാലി രൂപത |
| ഭരണം അവസാനിച്ചത് | 2011 |
| മുൻഗാമി | ആന്റണി പടിയറ |
| പിൻഗാമി | ജോർജ് ആലഞ്ചേരി |
| വൈദിക പട്ടത്വം | 1954 ജൂൺ 12 |
| മെത്രാഭിഷേകം | 1997 ജനുവരി 17 |
| പദവി | Major Arch Bishop of Syro Malabar Church |
| മറ്റുള്ളവ | Cardinal-Priest of S. Bernardo alle Terme Apostolic Administrator of the Benedictine Monastery in Bangalore (1990-1996) |
| വ്യക്തി വിവരങ്ങൾ | |
| ജനനം | മേയ് 29, 1927 North Parur, Ernakulam District, Kerala, India |
| മരണം | 2011 ഏപ്രിൽ 1 |
| കബറിടം | 10/4/2011 |
| ദേശീയത | India |
| വിഭാഗം | സുറിയാനി മലബാർ സഭ |
| മാതാപിതാക്കൾ | ജസ്റ്റിസ് ജോസഫ് വിതയത്തിൽ, ത്രേസ്യാമ്മ |
| ജീവിതവൃത്തി | ശ്രേഷ്ഠ മെത്രാപ്പോലീത്ത, കർദ്ദിനാൾ |
| ഒപ്പ് | വർക്കി വിതയത്തിൽ's signature |
ജീവിതരേഖ തിരുത്തുക
എറണാകുളം ജില്ലയിലെ വടക്കൻ പറവൂരിൽ ജസ്റ്റിസ് ജോസഫ് വിതയത്തിൽ - ത്രേസ്യാമ്മ ദമ്പതികളുടെ എട്ടു മക്കളിൽ രണ്ടാമനായി 1927-മേയ് 29 നാണ് വർക്കി വിതയത്തിൽ ജനിച്ചത് [1]. വി.ജെ.വർക്കി എന്നായിരുന്നു ആദ്യനാമം. വടക്കൻ പറവൂർ, തിരുവനന്തപുരം എന്നിവിടങ്ങളിൽ നിന്ന് സ്കൂൾ വിദ്യാഭ്യാസവും തൃശിനാപ്പള്ളി സെന്റ് ജോസഫ് കോളേജ്, തിരുവനന്തപുരം യൂണിവേഴ്സിറ്റി കോളേജ് എന്നിവിടങ്ങളിലായി കലാലയപഠനവും അദ്ദേഹം നടത്തി. രസതന്ത്രത്തിലായിരുന്നു ബിരുദം നേടിയത്. 1947 ഓഗസ്റ്റ് 2-ന് ദിവ്യരക്ഷക(റിഡംപ്റ്ററിസ്റ്റ്) സന്ന്യാസസഭയിൽ അംഗമായി ചേർന്നു. ഫിലോസഫി, തിയോളജി പഠനത്തിനു ശേഷം 1954 ജൂൺ 12-ന് പൗരോഹിത്യം സ്വീകരിച്ചു.
വിശുദ്ധ തോമസ് അക്വിനാസിന്റെ നാമധേയത്തിലുള്ള റോമിലെ ആഞ്ചലിക്കം സർവ്വകലാശാലയിൽ നിന്നും സീറോ-മലബാർ സഭാ ഭരണക്രമത്തിന്റെ ഉത്ഭവവും വളർച്ചയും എന്ന വിഷയത്തിൽ ഡോക്ടറേറ്റ് നേടി .ബാംഗളൂർ റിഡംപ്റ്ററിസ്റ്റ് സെമിനാരിയിൽ 25 വർഷക്കാലം കാനോൻ നിയമത്തിൽ പ്രഫസറായിരുന്നു. 1978 മുതൽ 1984 വരെ റിഡംപ്റ്ററിസ്റ്റ് സഭയുടെ ഇന്ത്യ- ശ്രീലങ്കൻ പ്രൊവിൻഷ്യാൾ, 1984 മുതൽ 85 വരെ ഇന്ത്യൻ കോൺഫറൻസ് റിലീജിയസുകളുടെ(സി.ആർ.ഐ) പ്രസിഡൻറ്, 1990 മുതൽ 96 വരെ ബാംഗ്ളൂർ ബനഡിക്റ്റൻ മൊണാസ്ട്രിയുടെ അപ്പോസ്തോലിക അഡ്മിനിസ്ട്രേറ്റർ എന്നീ നിലകളിൽ സേവനം ചെയ്തു.
1996 നവംബർ 11-ന് കർദ്ദിനാൾ മാർ ആന്റണി പടിയറയുടെ സ്ഥാനത്യാഗത്തെത്തുടർന്ന് സീറോ മലബാർ ആർക്കി എപ്പിസ്കോപ്പൽ സഭയുടെയും എറണാകുളം-അങ്കമാലി അതിരൂപതയുടെയും അപ്പോസ്തലിക് അഡ്മിനിസ്ട്രേറ്ററായി. ഒപ്പം റോമിലെ ആന്തിനോയിലെ സ്ഥാനിക മെത്രാപ്പോലീത്ത എന്നീ നിലയിലും റോമിൽ നിന്നും നിയമിക്കപ്പെട്ടു.
1997 ജനുവരി ആറിന് റോമിലെ ഓഹ്റിദിൽ സ്ഥാനിക മെത്രാപ്പോലീത്ത, ഒരു വർഷത്തിനു ശേഷം കീഷ്- ആ ബ്ദേ സ്ഥാനിക മെത്രാപ്പോലീത്ത എന്നീ നിലകളിൽ സേവനം അനുഷ്ഠിച്ചു. 1999 ഡിസംബർ 18-ന് സീറോ മലബാർ സഭാ മേജർ ആർച്ച് ബിഷപ്പായി നിയമിതനായി.
എറണാകുളം സെൻറ് മേരീസ് ബസിലിക്കയിൽ 2000 ജനുവരി 26-നു നടന്ന ചടങ്ങിൽ അദ്ദേഹം മേജർ ആർച്ച് ബിഷപ്പായി സ്ഥാനാരോഹണം ചെയ്തു. 2001 ജനവരി 21-നാണ് ജോൺ പോൾ രണ്ടാമൻ മാർപ്പാപ്പ അദ്ദേഹത്തെ കർദ്ദിനാളായി നിയമിച്ചത്. 2005-ൽ ബെനഡിക്റ്റ് പതിനാറാമൻ മാർപാപ്പയെ തെരഞ്ഞെടുത്ത കോൺക്ളേവിൽ പങ്കെടുത്ത ഏക മലയാളിയുമാണ്.[2]
ഹൃദ്രോഗത്തെത്തുടർന്ന് തന്റെ 84-ആം വയസ്സിൽ 2011 ഏപ്രിൽ 1-ന് കൊച്ചിയിൽ വച്ച് കാലം ചെയ്ത [2] മാർ വർക്കി വിതയത്തിലിന്റെ ഭൗതികശരീരം ഏപ്രിൽ 11-ന് എറണാകുളം സെന്റ് മേരീസ് ബസലിക്കയിൽ കബറടക്കി.[3]
അവലംബം തിരുത്തുക
- ↑ "ആർക്കൈവ് പകർപ്പ്". Archived from the original on 2011-04-12. Retrieved 2011-04-02.
- ↑ 2.0 2.1 "കർദ്ദിനാൾ വർക്കി വിതയത്തിൽ കാലംചെയ്തു". മാതൃഭൂമി. 1 ഏപ്രിൽ 2011. Archived from the original on 2011-04-04. Retrieved 1 ഏപ്രിൽ 2011.
- ↑ "ആർക്കൈവ് പകർപ്പ്". Archived from the original on 2011-04-13. Retrieved 2011-04-11.
പുറത്തേക്കുള്ള കണ്ണികൾ തിരുത്തുക
|
ക്രിസ്തുമതവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |