വി.കെ. മാധവൻകുട്ടി
പ്രസിദ്ധ പത്ര, മാദ്ധ്യമ പ്രവർത്തകനും എഴുത്തുകാരനുമാണ് വി.കെ. മാധവൻകുട്ടി . പാലക്കാട് ജില്ലയിലെ കോട്ടായിക്കടുത്ത് പരുത്തിപ്പുള്ളി ഗ്രാമത്തിൽ 1934 ജനുവരി 17-ന്‌ ജനിച്ചു[1]. ഡൽഹി യൂനിവേഴ്‌സിറ്റിയിൽനിന്ന്‌ ധനതത്ത്വശാസ്‌ത്രത്തിൽ ബിരുദം നേടിയശേഷം 1956 മുതൽ ഡൽഹിയിൽ 'മാതൃഭൂമി'യുടെ പ്രതിനിധിയായി ജോലി ചെയ്തു. 1987-90 കാലഘട്ടത്തിൽ 'മാതൃഭൂമി' പത്രാധിപരായിരുന്നു. ‘94-ൽ മാതൃഭൂമി പത്രാധിപസ്ഥാനത്തുനിന്ന് വിരമിച്ചു. 'സൺഡേ', 'ടൈംസ്‌ ഒഫ്‌ ഇൻഡ്യ' എന്നീ പത്രങ്ങളിൽ ഇദ്ദേഹം ലേഖനങ്ങൾ എഴുതിയിരുന്നു. കേരള, കേന്ദ്ര ഗവൺമെന്റുകളുടെ ഫിലിംജൂറി അംഗമായിരുന്നു. 'ഏഷ്യാനെറ്റിൽ' ഡയറക്‌ടറായും ചീഫ്‌ കറസ്‌പോണ്ടന്റായും സേവനമനുഷ്‌ഠിച്ചിരുന്നു.
| ജനനം | 1934 ജനുവരി 17 പാലക്കാട് |
|---|---|
| മരണം | 2005 നവംബർ 1, ഡൽഹി[1] |
| തൊഴിൽ | പത്രപ്രവർത്തകൻ, എഴുത്തുകാരൻ |
| ദേശീയത |  ഇന്ത്യ |
| വിദ്യാഭ്യാസം | ധനതത്വശാസ്ത്രത്തിൽ ബിരുദം |
| ശ്രദ്ധേയമായ രചന(കൾ) | പത്രപ്രവർത്തനം ഒരു യാത്ര. |
| അവാർഡുകൾ | കേരള സാഹിത്യ അക്കാദമി പുരസ്കാരം പുത്തേഴൻ അവാർഡ് സോവിയറ്റ്‌ ലാൻഡ്‌ അവാർഡ് |
വ്യക്തിജീവിതം തിരുത്തുക
ഇദ്ദേഹത്തിന്റെ പിതാവ് വടക്കാഞ്ചേരി ഉള്ളാട്ടിൽ ഗോവിന്ദൻനായരും മാതാവ് ആയന്നൂർ വീട്ടിക്കാട്ട് ലക്ഷ്മിക്കുട്ടിഅമ്മയുമാണ്. വിവാഹിതനും രണ്ടു പെൺകുട്ടികളുടെ പിതാവുമാണ്.
കൃതികൾ തിരുത്തുക
യാത്രാവിവരണം ഉൾപ്പെടെ ഇംഗ്ലീഷിലും മലയാളത്തിലുമായി പതിനൊന്ന് കൃതികൾ.
- പത്രപ്രവർത്തനം ഒരു യാത്ര
- അപകടം എന്റെ സഹയാത്രികൻ (ആക്സിഡന്റ്, മൈ കമ്പാനിയൻ — 1975)
- വി. കെ. ക്രിഷ്ണമേനോൻ - എ ബയോഗ്രഫി (ഇംഗ്ലീഷ്)
- വി.കെ.കൃഷ്‌ണമേനോൻ (ജീവചരിത്രം) മലയാളത്തിൽ
- പത്രപ്രവർത്തനം ഒരു യാത്ര — 1978
- ഓർമ്മകളുടെ വിരുന്ന്‌ (ആത്മകഥാസ്വഭാവമുള്ള കാല്പനിക കഥ). ഇത് ദി വില്ലേജ് ബിഫോർ ടൈം എന്ന പേരിൽ ഇംഗ്ലീഷിലേയ്ക്ക് പരിഭാഷപ്പെടുത്തിയിട്ടുണ്ട്[1].
- ഒരു മലയാളി പത്രപ്രവർത്തകന്റെ ഓർമ്മക്കുറിപ്പുകൾ
- നിഴൽപോലെ അവൻ വീണ്ടും
- ഓർത്തുചൊല്ലാൻ
- അശ്രീകരം (നോവൽ). ഇത് ദി അൺസ്പോക്കൺ കേഴ്സ് എന്നപേരിൽ ഇംഗ്ലീഷിലേയ്ക്ക് പരിഭാഷപ്പെടുത്തിയിട്ടുണ്ട്[1].
പുരസ്കാരങ്ങൾ തിരുത്തുക
വി.കെ.കൃഷ്‌ണമേനോൻ (ജീവചരിത്രം) എന്ന കൃതിക്ക്‌ 1990-ൽ സോവിയറ്റ്‌ ലാൻഡ്‌ അവാർഡ് ലഭിച്ചു. പത്രപ്രവർത്തനം ഒരു യാത്രയ്‌ക്ക്‌ 1991-ൽ പുത്തേഴൻ അവാർഡും 1992-ൽ കേരള സാഹിത്യ അക്കാദമി അവാർഡും[2] കിട്ടി.
പുറത്തേയ്ക്കുള്ള കണ്ണികൾ തിരുത്തുക
- പുഴ ബുക്ക്സ് Archived 2012-10-02 at the Wayback Machine.
- പുഴ ബുക്ക്സ് Archived 2016-03-04 at the Wayback Machine.
- പുഴ ബുക്ക്സ് Archived 2012-08-25 at the Wayback Machine.