വടക്കാഞ്ചേരി ഉപതിരഞ്ഞെടുപ്പ്
കേരളത്തിൽ 2008-ൽ ഇല്ലാതായ വടക്കാഞ്ചേരി നിയമസഭാമണ്ഡലത്തിൽ 2004 മെയ് 10-ന് ഒരു ഉപതെരഞ്ഞെടുപ്പ് നടന്നു. 2004-ലെ ലോക്‌സഭാ തിരഞ്ഞെടുപ്പിനോടതുബദ്ധിച്ചാണ് ഈ ഉപതിരഞ്ഞെടുപ്പും നടത്തിയത്. [1]
2001-ലെ പൊതുതിരഞ്ഞെടുപ്പിൽ ജയിച്ച വി. ബാലറാം രാജി വെച്ചതുകൊണ്ടാണ് ഉപതിരഞ്ഞെടുപ്പ് നടന്നത്.
രാജി വെയ്ക്കാനുള്ള സാഹചര്യം തിരുത്തുക
കെ.പി.സി.സി. പ്രസിഡന്റായിരുന്ന കെ. മുരളീധരൻ 2004 ഫെബ്രുവരി 11-ന് എ.കെ. ആന്റണി മന്ത്രിസഭയിൽ വൈദ്യുതി മന്ത്രിയായി അധികാരമേറ്റു. എം.എൽ.എ. അല്ലാതിരുന്ന കെ. മുരളീധരന് ആറ് മാസത്തിനകം തിരഞ്ഞെടുപ്പിൽ മൽസരിച്ച് വിജയിക്കണമെന്ന അവസ്ഥയുള്ളതുകൊണ്ട് വി. ബാലറാം രാജിവെച്ച് അവിടെ ഉപതിരഞ്ഞെടുപ്പ് നടത്തുകയാണുണ്ടായത്. 2004-ൽ ലോക്‌സഭയിലേക്ക് നടന്ന തിരഞ്ഞെടുപ്പിനോടനുബദ്ധിച്ചാണ് ഇവിടേയും ഉപതിരഞ്ഞെടുപ്പ് നടത്തിയത്.
ഫലം തിരുത്തുക
സി.പി.എം. സ്ഥാനാത്ഥിയായിരുന്ന എ.സി. മൊയ്തീൻ വിജയിച്ചു. ആറു മാസത്തിനകം നടന്ന ഈ ഉപതിരഞ്ഞെടുപ്പിൽ നിയമസഭയിലേക്ക് മത്സരിച്ച് പരാജയപ്പെട്ടതിനാൽ മെയ് 14-ന് അദ്ദേഹം മന്ത്രിസ്ഥാനം രാജിവെച്ചു. കേരളത്തിൽ നിയമസഭാ ഉപതെരഞ്ഞെടുപ്പിൽ പരാജയപ്പെട്ട ഏക മന്ത്രിയാണ് കെ. മുരളീധരൻ.
സ്ഥാനാർത്ഥികൾ തിരുത്തുക
| നമ്പർ | പേരു് | മുന്നണി/പാർട്ടി |
|---|---|---|
| 1 | എ.സി. മൊയ്തീൻ | സി.പി.എം. എൽ.ഡി.എഫ്. |
| 2 | കെ. മുരളീധരൻ | കോൺഗ്രസ് (ഐ.) യു.ഡി.എഫ്. |
| 3 | ശോഭ സുരേന്ദ്രൻ | ബി.ജെ.പി. |
| 4 | ദേവൻ (നടൻ) | കേരള പീപ്പിൾസ് പാർട്ടി |
| 5 | തോമസ് കുര്യൻ | സ്വതന്ത്ര സ്ഥാനാർത്ഥി |
തിരഞ്ഞെടുപ്പുകൾ തിരുത്തുക
| വർഷം | വിജയിച്ച സ്ഥാനാർത്ഥി | പാർട്ടിയും മുന്നണിയും | മുഖ്യ എതിരാളി | പാർട്ടിയും മുന്നണിയും | രണ്ടാമത്തെ മുഖ്യ എതിരാളി | പാർട്ടിയും മുന്നണിയും |
|---|---|---|---|---|---|---|
| 2004 | എ.സി. മൊയ്തീൻ | സി.പി.എം. എൽ.ഡി.എഫ് | കെ. മുരളീധരൻ | കോൺഗ്രസ് (ഐ.), യു.ഡി.എഫ്. | ശോഭ സുരേന്ദ്രൻ | ബി.ജെ.പി. എൻ.ഡി.എ. |
ഇതും കണുക തിരുത്തുക
അവലംബം തിരുത്തുക
- ↑ http://malayalam.oneindia.in/news/2004/02/29/ker-bypoll.html
- ↑ http://malayalam.oneindia.in/feature/2004/042904murali.html
- ↑ "ആർക്കൈവ് പകർപ്പ്". Archived from the original on 2021-11-11. Retrieved 2019-04-08.
- ↑ http://www.keralaassembly.org