മാധവി

ദക്ഷിണേന്ത്യൻ ചലച്ചിത്ര മേഖലയിലെ ഒരു നടിയാണ് മാധവി. (ജനനം: ഓഗസ്റ്റ് 12, 1962). 17 വർഷത്തോളമുള്ള തന്റെ അഭിനയ ജീവിതത്തിൽ തെലുഗു, തമിഴ്, മലയാളം, കന്നട ചിത്രങ്ങൾക്ക് പുറമേ ഹിന്ദി, ബംഗാളി, ഒറിയ ചിത്രങ്ങളിലും മാധവി അഭിനയിച്ചു.

മാധവി
ജനനം	വിജയലക്ഷ്മി (1962-09-14) 14 സെപ്റ്റംബർ 1962 ഹൈദരാബാദ്, ആന്ധ്രാ പ്രദേശ്, ഇന്ത്യ
മറ്റ് പേരുകൾ	Maadhavi Madhavi
സജീവ കാലം	1976–1996
ജീവിതപങ്കാളി(കൾ)	Ralph Sharma ​ (m. 1996)​
കുട്ടികൾ	ടിഫാനി ഷർമ്മ പ്രിസില്ല ഷർമ്മ എവെലിൻ ശർമ്മ

ബാല്യം,വിദ്യാഭ്യാസം

ഗോവിന്ദസ്വാമിയുടെയും ശശിരേഖയുടെയും മൂന്നു മക്കളിലൊരാളായ മാധവി ജനിച്ചത് ഹൈദരാബാദിലാണ്. സ്റ്റാൻലി ഗേൾസ് ഹൈസ്കൂളിലെ വിദ്യാഭ്യാസത്തിന് ശേഷം ഹൈദരാബാദ് ഡാൻസ് കോളേജിൽ നിന്ന് ഭരതനാട്യവും നാടോടിനൃത്തവും അഭ്യസിച്ചു.

അഭിനയ ജീവിതം

1976-ൽ പുറത്തിറങ്ങിയ തൂർപു പഡമര (അർഥം:കിഴക്ക് പടിഞ്ഞാറ്) എന്ന തെലുഗുചിത്രത്തിലൂടെ മാധവി തന്റെ കൗമാരപ്രായത്തിൽ തന്നെ ചലച്ചിത്രലോകത്ത് ശ്രദ്ധേയയായി. തുടർന്ന് പ്രശസ്ത സംവിധായകൻ കെ. ബാലചന്ദർ സംവിധാനം ചെയ്ത മാറോചരിത്ര എന്ന തെലുഗുചിത്രത്തിൽ ഉപനായികയുടെ വേഷത്തിലേക്ക് മാധവിയെ തെരഞ്ഞെടുത്തു. 1981-ൽ ഈ ചിത്രം ഏക് ദൂജെ കേലിയെ എന്ന പേരിൽ ഹിന്ദിയിൽ പുനർനിർമ്മിച്ചപ്പോഴും മാധവി തന്നെ അഭിനയിച്ചു. മാധവിയുടെ അഭിനയം ഹിന്ദി ചലച്ചിത്ര മേഖലയിൽ ശ്രദ്ധിക്കപ്പെടുകയും ഇതിലെ അഭിനയത്തിന് മികച്ച സഹനടിക്കുള്ള ഫിലിംഫെയർ പുരസ്കാരം ലഭിക്കുകയും ചെയ്തു.

മലയാളത്തിൽ ഒരു വടക്കൻ വീരഗാഥ എന്ന ചിത്രത്തിൽ ഉണ്ണിയാർച്ച എന്ന കഥാപാത്രത്തെ പക്വമായ അഭിനയശൈലിയിലൂടെ മാധവി മനോഹരമാക്കി. ആകാശദൂത് എന്ന ചിത്രത്തിലെ ജീവിതദുരിതങ്ങളോട് അവസാനം വരെ മല്ലിടുന്ന യുവതിയുടെ വേഷവും ഏറെ പ്രേക്ഷകശ്രദ്ധയാകർഷിച്ചു. ഈ ചിത്രത്തിലെ അഭിനയത്തിന് മാധവിക്ക് മികച്ച രണ്ടാമത്തെ നടിക്കുള്ള കേരളസംസ്ഥാന ചലച്ചിത്രപുരസ്കാരം ലഭിച്ചു

സ്വകാര്യ ജീവിതം

1996-ൽ ബിസ്സിനസ്സുകാരനായ റാൽഫ് ശർമ്മഎന്ന പകുതി ഇന്ത്യനെ ഗുരുവിന്റെ ഉപദേശപ്രകാരം വിവാഹം ചെയ്തു. വിവാഹത്തിനു ശേഷം ചലച്ചിത്ര രംഗത്ത് നിന്നും വിടവാങ്ങി. ഇവർ ഇപ്പോൾ മൂന്നു പെണ്മക്കക്കളോടൊത്ത് ന്യൂ ജേർഴ്സിയിൽ താമസിക്കുന്നു.

അഭിനയിച്ച ചിത്രങ്ങൾ

മലയാളം (ഭാഗികം)

വർഷം	സിനിമ	കഥാപാത്രം	മറ്റ് അഭിനേതാക്കൾ	സംവിധാനം	കുറിപ്പുകൾ
1980	ലാവ	സീത	പ്രേം നസീർ, കെ.പി. ഉമ്മർ	ഹരിഹരൻ
1981	വളർത്തു മൃഗങ്ങൾ	ജാനു	സുകുമാരൻ, രതീഷ്	ഹരിഹരൻ	രണ്ടാമത്തെ മികച്ച നടിക്കുള്ള കേരള സംസ്ഥാന ചലച്ചിത്ര അവാർഡ് ജേതാവ്
1981	ഗർജ്ജനം	ഗീത	രജനീകാന്ത്	C. V. രാജേന്ദ്രൻ
1981	പുച്ചസന്യാസി	സന്ധ്യ
1982	അനുരാഗക്കോടതി	അനുരാധ	ശങ്കർ	ഹരിഹരൻ
1982	ഓർമ്മക്കായ്	സൂസന്ന	അടൂർ ഭാസി, ഭരത് ഗോപി, നെടുമുടി വേണു.	ഭരതൻ	മികച്ച നടിക്കുള്ള കേരള സംസ്ഥാന ചലച്ചിത്ര അവാർഡ് വിജയി
1982	കുറുക്കന്റെ കല്ല്യാണം	സരിത	സുകുമാരൻ, ജഗതി, ബഹദൂർ	സത്യൻ അന്തിക്കാട്
1982	ജോൺ ജാഫർ ജനാർദ്ദനൻ	നാൻസി	മമ്മുട്ടി, രതീഷ്, രവീന്ദ്രൻ	ഐ.വി. ശശി
1982	നവംബറിന്റെ നഷ്ടം	മീര	പ്രതാപ് പോത്തൻ	പത്മരാജൻ
1982	സിന്ദൂര സന്ധ്യയക്ക് മൌനം	സിജി	മമ്മുട്ടി, ശങ്കർ, മോഹൻലാൽ
1983	പൊൻതൂവൽ
1983	പ്രേം നസീറിനെ കാണ്മാനില്ല	മാധവിയായി	പ്രേംനസീർ, ശ്രീനിവാസൻ, മണിയൻപിള്ള രാജു, വിജയ് മേനോൻ	ലെനിൻ രാജേന്ദ്രൻ	അതിഥി വേഷം
1983	ഹലോ മദ്രാസ് ഗേൾ	സരിത	ശങ്കർ, പൂർണ്ണിമ ജയറാം, മോഹൻലാൽ, കുതിരവട്ടം പപ്പു, ഉർവശി	J. വില്യംസ്
1983	ചങ്ങാത്തം	ആനി	മോഹൻലാൽ, മമ്മൂട്ടി, ജഗതി	ഭദ്രൻ	പ്യാർ കോയി ഖേൽ നഹിൻ എന്ന പേരിൽ ഹിന്ദിയിൽ മൊഴിമാറ്റം ചെയ്യപ്പെട്ടു.
1984	അക്കരെ	പത്മാവതി
1984	വികടകവി	ശാന്തി
1984	മംഗളം നേരുന്നു	രജനി
1984	കുരിശുയുദ്ധം	സൂസി, ഡെയ്സി			ഇരട്ട വേഷം
1985	ഒരു കുടക്കീഴിൽ	വിജയലക്ഷ്മി	നെടുമുടി വേണു, ലാലു അലക്സ്	ജോഷി
1985	അദ്ധ്യായം ഒന്നുമുതൽ	സീത	മോഹൻലാൽ, വേണു നാഗവള്ളി	സത്യൻ അന്തിക്കാട്
1986	ശോഭരാജ	നിഷ			ഡോൺ എന്ന ഹിന്ദി സിനിമയുടെ റീമേക്ക്.
1986	ഒരു കഥ ഒരു നുണക്കഥ	അമ്മിണിക്കുട്ടി
1987	നൊമ്പരത്തിപ്പൂവ്	പത്മിനി	മമ്മുട്ടി, ശാരി, ജഗതി	പത്മരാജൻ
1989	ഒരു വടക്കൻ വീരഗാഥ	ഉണ്ണിയാർച്ച	മമ്മുട്ടി, സുരേഷ് ഗോപി, ഗീത	ഹരിഹരൻ
1993	ആകാശദൂത്	ആനി	മുരളി, നെടുമുടി വേണു, ജഗതി	സിബി മലയിൽ	രണ്ടാമത്തെ മികച്ച നടിക്കുള്ള കേരള സംസ്ഥാന ചലച്ചിത്ര അവാർഡ് ജേതാവ് മികച്ച നടിക്കുള്ള ഫിലിംഫെയർ അവാർഡ് വിജയി.
1993	ഗാന്ധാരി	ഗാന്ധാരി	സിദ്ധീഖ്, ബാബു ആന്റണി, ജഗതി, സായികുമാർ	സുനിൽ
1994	സുദിനം	വിനോദിനി	ജയറാം, സുവർണ്ണ മാത്യു, സുധീഷ്	നിസാർ
1995	ചൈതന്യം	സാവിത്രി
1995	അക്ഷരം	ഗായത്രി ദേവി	സുരേഷ് ഗോപി, ആനി	സിബി മലയിൽ
1996	ആയിരം നാവുള്ള അനന്തൻ	ശ്രീദേവി	മമ്മൂട്ടി, മുരളി, ഗൌതമി	തുളസീദാസ്

പുറത്തേക്കുള്ള കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് Madhavi
• ഔദ്യോഗിക വെബ്സൈറ്റ്