അമേരിക്കൻ കായികതാരമായിരുന്ന റോബർട്ട് "ബോബ്" ബീമോൻ ന്യൂയോർക്കിലാണ് ജനിച്ചത്.(ആഗസ്റ്റ് 29, 1946). മാതാവിന്റെ താത്കാലികമായ അഭാവത്തിൽ മാതാവിന്റെ അമ്മയുടെ പരിചരണത്തിൽകഴിഞ്ഞു വന്നിരുന്ന ബീമോൻ ജമൈക്ക ഹൈസ്കൂളിലാണ് തന്റെ പ്രാഥമിക വിദ്യാഭ്യാസം പൂർത്തീകരിച്ചത്.

റോബർട്ട് "ബോബ്" ബീമോൻ
റോബർട്ട് "ബോബ്" ബീമോൻ, 1992ൽ
വ്യക്തിവിവരങ്ങൾ
ദേശീയതഅമേരിക്ക
ജനനം (1946-08-29) ഓഗസ്റ്റ് 29, 1946  (77 വയസ്സ്)
South Jamaica, Queens, ന്യൂയോർക്ക്
Sport
കായികയിനംട്രാക്ക് ആൻഡ് ഫീൽഡ്
Event(s)Long jump
കോളേജ് ടീംUTEP Miners
Updated on 6 August 2012.

കായിക ജീവിതം തിരുത്തുക

1965ൽ ബോബ് അമേരിക്കയിൽ ലോങ്ജമ്പിൽ രണ്ടാം റാങ്കുള്ള കായികതാരമായി മാറുകയുണ്ടായി. ഇതേത്തുടർന്ന് എൽപാസോയിലുള്ള ടെക്സാസ് സർവ്വകലാശാലയിലേയ്ക്ക് കായികതാരങ്ങൾക്കുള്ള ഒരു സ്കോളർഷിപ്പ് ലഭിയ്ക്കുകയും ചെയ്തു.[1] എന്നാൽ ബിർഹാം സർവ്വകലാശാലയ്ക്കെതിരേയുള്ള മത്സരത്തിൽ പങ്കെടുക്കാൻ വിസമ്മതിച്ചതിനെത്തുടർന്ന്ടെക്സാസ് സർവ്വകലാശാലയിൽ നിന്നു ബീമോനെ വിലക്കുകയുണ്ടായി. ബിർഹാം സർവ്വകലാശാലയുടെ വർണ്ണവിവേചന സംബന്ധമായ നിലപാടുകളോടുള്ള ബീമോന്റെ എതിർപ്പായിരുന്നു ഇതിനു കാരണമായത്. തുടർന്ന് അനൗദ്യോഗികമായി സഹകായികതാരമായ റാൽഫ് ബോസ്റ്റന്റെ കീഴിൽ പരിശീലനം തേടുകയാണുണ്ടായത്.[2]

1968 ലെ ഒളിമ്പിക്സ് തിരുത്തുക

ബീമോന്റെ തിളക്കമാർന്ന കായിക ജീവിതത്തിലെ ഒരേട് ആയിരുന്നു 1968ലെ [[മെക്സിക്കോ ഒളിമ്പിക്സ്]]. ലോങ്ങ്ജമ്പിൽ 8മീറ്ററും 33 സെ.മീറ്റർദൂരം ആ വർഷം മറികടന്നതു കൂടാതെ ബീമോൻ ഈ ഒളിമ്പിക്സിൽസർവ്വകാല റിക്കാർഡായ 8 മീറ്റർ 90 സെന്റിമീറ്റർ (29 അടി 2 1/2 ഇഞ്ച്.) മറികടക്കുകയുണ്ടായി.[3] കായികചരിത്രത്തിലെ ഈ അപൂർവ്വ നേട്ടം 22 വർഷവും 316 ദിവസവും 1991ൽ മൈക്ക് പവ്വൽ മറികടക്കുന്നതു വരെ (8.മീ.95 സെ.മീ/29 അടി 4 3/8 ഇഞ്ച്) നിലനിന്നു.

അവലംബം തിരുത്തുക

  1. Williams, Lena. "TRACK AND FIELD; Soothing an Old Ache", The New York Times, January 1, 2000. Accessed November 7, 2007.
  2. Bob Beamon Biography Archived 2016-03-03 at the Wayback Machine. at thehistorymakers.com
  3. "CCTV International". Cctv.com. 2008-10-15. Retrieved 2011-10-29.

പുറം കണ്ണികൾ തിരുത്തുക

"https://ml.wikipedia.org/w/index.php?title=ബോബ്_ബീമോൻ&oldid=3639399" എന്ന താളിൽനിന്ന് ശേഖരിച്ചത്