ബലികുടീരങ്ങളേ
വയലാർ രാമവർമ്മ എഴുതി ദേവരാജൻ സംഗീതം പകർന്ന പ്രശസ്തമായ ഒരു മലയാള ഗാനമാണ് ബലികുടീരങ്ങളേ . 1857ലെ ഒന്നാം സ്വാതന്ത്രസമരത്തിന്റെ നൂറാം വാർഷികം പ്രമാണിച്ച് 1957ൽ രുവനന്തപരത്ത് നിർമ്മിച്ച പാളയം രക്തസാക്ഷി മണ്ഡപത്തിന്റെ ഉദ്ഘാടനച്ചടങ്ങിന് അവതരിപ്പിക്കാൻ രചിച്ചതാണ് ഈ ഗാനം. [1] വയലാറും ദേവരാജനും ഒരുമിച്ച് ചിട്ടപ്പെടുത്തിയ ആദ്യഗാനമായിരുന്നു ഇത്.
ചരിത്രം തിരുത്തുക
1857 ൽ നടന്ന ഒന്നാം സ്വാതന്ത്ര്യസമരത്തിന്റെ ശതവാർഷികത്തിന്റെ സ്മാരകമായാണ് പാളയത്ത്‌ രക്തസാക്ഷി മണ്ഡപം പണികഴിപ്പിച്ചത്‌. ഒന്നാം സ്വാതന്ത്ര്യസമരത്തിലെ രക്തസാക്ഷികളെ അനുസ്മരിച്ചുകൊണ്ടാണീ ഗാനമെഴുതിയത്. അന്നത്തെ രാഷ്ട്രപതിയായിരുന്ന രാജേന്ദ്രപ്രസാദാണ് മണ്ഡപം ഉദ്ഘാടനം ചെയ്യാൻ എത്തിയത്. പൊൻകുന്നം വർക്കിക്കായിരുന്നു ഉദ്ഘാടന കമ്മിറ്റിയുടെ ചുമതല. വിജെടി ഹാളിലെ സമ്മേളനത്തിൽ അറുപത് പേർ ഒന്നിച്ചാണ് ഈ ഗാനം പാടിയത്. . കെ.പി.എ.സി. അവരുടെ അവതരണഗാനമായി കുറച്ചു കാലം ഈ ഗാനം ഉപയോഗിച്ചിരുന്നു. എഴുതിയ സമയത്ത് ഇതിലെ അവസാന വരികൾ പൊൻകൊടി നേടി എന്നായിരുന്നു. പിന്നീട് KPAC നാടകത്തിന് വേണ്ടി പൊൻ കൊടി എന്നത് മാറ്റി ചെങ്കൊടി എന്ന് മാറ്റിയെഴുതുകയായിരുന്നു.
ആദ്യ അവതരണത്തിൽ പാടിയവർ തിരുത്തുക
കെ.എസ്. ജോർജ്, കെ.പി.എ.സി. സുലോചന, എൽ.പി.ആർ. വർമ, സി.ഒ. ആന്റോ, കവിയൂർ പൊന്നമ്മ, ജോസ് പ്രകാശ്, കൊടുങ്ങല്ലൂർ ഭാഗീരഥിയമ്മ, സുധർമ, ബിയാട്രീസ്, വിജയകുമാരി, ആന്റണി എലഞ്ഞിക്കൽ തുടങ്ങി അറുപത് പേരാണ് ആദ്യാവതരണത്തിൽ ഈ ഗാനം ആലപിച്ചത്.
വരികൾ തിരുത്തുക
അവലംബം തിരുത്തുക
- ↑ "'ബലികുടീരങ്ങളേ...'- 57 വയസ്സ്‌". മാതൃഭൂമി ഓൺലൈൻ. Archived from the original on 2014-08-17. Retrieved 2014-08-16.
{{cite web}}: CS1 maint: bot: original URL status unknown (link)
കോട്ടയം ഓർക്കുന്നു; സ്മരണകളിരമ്പും രണസ്മാരകങ്ങളെ