മലയാളം: കേരളീയരുടെ ഒരു പ്രധാന പ്രാതൽ വിഭവമാണ് പുട്ട്. ദക്ഷിണമലബാറിലും തൃശ്ശൂർ ജില്ലയിലും പിട്ട് എന്നും അറിയപ്പെടുന്നുണ്ട്. നനച്ച അരിപ്പൊടിയിൽ ആവി കടത്തിവിട്ടാണ് പുട്ടുണ്ടാക്കുന്നത്.സാധാരണ പുട്ടുകുറ്റിയിലാണ് പിട്ട് ഉണ്ടാക്കുന്നത്. പുട്ടുകുറ്റി നിലവിൽ വരും മുമ്പ് , ഗ്രാമപ്രദേശങ്ങളിൽ വലിയ കണ്ണൻ ചിരട്ട ഉപയോഗിച്ചിരുന്നു. ഇത്തരം പുട്ടിനെ 'ചിരട്ടപുട്ട്' എന്നു പറയുന്നു. അങ്ങനെയുണ്ടാക്കിയ ചിരട്ടപ്പുട്ടാണ് ചിത്രത്തില്‍. ഉണക്കലരി പൊടിച്ച് വെള്ളം ചേര്‍ത്ത് കുഴച്ച്, ചിരട്ടയില്‍ ആദ്യഭാഗം നാളികേരം ചിരകിയതിട്ട് അതിനുമേലാണ് പുട്ടുപൊടി നിറയ്ക്കുന്നത്. ശേഷം മുകളിലായി ചെറിയ ലെയര്‍ നാളികേരം കൂടി തൂവുന്നു. പ്രഷര്‍ക്കുക്കറിന്റെ സ്റ്റീം കുഴലില്‍ ചിരട്ടയുടെ കണ്ണ് ഇറക്കിവച്ച് ഒരു ചെറിയ പാത്രം കൊണ്ട് മുകള്‍ഭാഗം മൂടി ആവിയില്‍ വേവിച്ചെടുത്താണ് ചിരട്ടപ്പുട്ട് ഉണ്ടാക്കുന്നത്