പഞ്ചേന്ദ്രിയ ഉദ്യാനം

ഡൽഹിയിലെ മെഹ്രൗളി പൈതൃക പ്രദേശത്ത് സൈദുൽ അജൈബ് ഗ്രാമത്തിൽ സ്ഥിതിചെയ്യുന്ന ഒരു ഉദ്യാനമാണ് പഞ്ചേന്ദ്രിയ ഉദ്യാനം അഥവാ ഗാർഡൻ ഓഫ് ഫൈവ് സെൻസസ് ( ഇംഗ്ലീഷ്: The Garden of Five Senses; ഹിന്ദി: पंच इंद्रीय उद्यान). ഇരുപത് ഏക്കറിലധികം വിസ്തൃതിയുണ്ട് ഈ ഉദ്യാനത്തിന്. ഡൽഹി കേന്ദ്രമാക്കിയ പ്രശസ്ത വാസ്തുശില്പി പ്രദീപ് സച്ദേവയാണ് ഇത് രൂപകല്പന ചെയ്തിരിക്കുന്നത്. ഡൽഹി വിനോദസഞ്ചാര ഗതാഗത വികസന കോർപ്പറേഷനും(DTDC) ഡൽഹി ഗവ്ണ്മെന്റ്റും കൂടിചേർന്നാണ് ഈ ഉദ്യാനം വികസിപ്പിച്ചെടുത്തത്. 10.5കോടി രൂപ മുതൽമുടക്കിൽ 3 വർഷങ്ങൾക്കൊണ്ടാണ് തിന്റെ നിർമ്മാണം പൂർത്തിയാക്കിയത്. 2003 ഫെബ്രുവരിയിൽ പൊതുജനങ്ങൾക്കയി ഉദ്യാനം തുറന്നുകൊടുത്തു. ഭാഗികമായി പാറകൾ നിറഞ്ഞ ഭൂപ്രകൃതിയുള്ള ഒരു പ്രദേശത്താണ് പഞ്ചേന്ദ്രിയ ഉദ്യാനം സ്ഥിതിചെയ്യുന്നത്. മുഗൾ ശൈലിക്ക് സമാനമായ ഉദ്യാനങ്ങൾ, ആമ്പൽ പൊയ്കകൾ, മുളങ്കൂട്ടങ്ങൾ, ഔഷധസസ്യത്തോട്ടം, സൗരോർജ്ജ ഉദ്യാനം തുടങ്ങിയവയെല്ലാം ഇവിടെ കാണാൻ സാധിക്കും.

പഞ്ചേദ്രിയ ഉദ്യാനത്തിലുള്ള ഒരു ആധുനിക ശില്പം

ചിത്രശാല

• 
  ആനകളുടെ ശില്പം
• 
  പ്രാർത്ഥിക്കുന്ന കുട്ടികളുടെ ശില്പങ്ങൾ
• 
  ബെൽ ട്രീ
• 
  ഡെൽഹി ടൂറിസം ഇൻഫർമേഷൻ ബൂത്ത്

പുറത്തേക്കുള്ള കണ്ണികൾ

• Gപഞ്ചേന്ദ്രിയ ഉദ്യാനം Archived 2013-05-27 at the Wayback Machine. ഡൽഹി വിനോദസഞ്ചാര ഗതാഗത വികസന കോർപ്പറേഷനിൽ