തൃക്കുന്നപ്പുഴ

ആലപ്പുഴ ജില്ലയുടെ തെക്ക് പടിഞ്ഞാറായി ഹരിപ്പാട് നിന്നും എട്ട് കിലോമീറ്റർ അകലെ അറബിക്കടലിനോട് ചേർന്ന് സ്ഥിതി ചെയ്യുന്ന ഗ്രാമപ്രദേശമാണ് തൃക്കുന്നപ്പുഴ. ദേശീയ ജലപാതയുടെയും അറബിക്കടലിന്റെയും ഇടയിൽ തീർത്ത സുന്ദരമായ ഒരു തുരുത്ത് എന്നും പറയാം . തൃക്കുന്നപ്പുഴയിലെ ശാസ്താ ക്ഷേത്രം പ്രശസ്തമാണ്.

ചരിത്രം തിരുത്തുക

കേരള ചരിത്രത്തിൽ ശ്രീമൂലവാസം എന്ന പേരിൽ ഈ പ്രദേശം അറിയപ്പെട്ടിരുന്നു.^[1]വളരെ പ്രൗഢമായ ഒരു ഗതകാല ചരിത്രം ഈ പ്രദേശത്തിനുണ്ട്. വിദേശ വ്യാപാരികളുടെ പായ്ക്കപ്പലുകൾക്ക് അനായാസം അടുക്കുവാനും ചരക്കുകൾ കയറ്റിയിറക്കുവാനും സാധ്യമായിരുന്ന ഒരു തുറമുഖം ഇവിടെ ഉണ്ടായിരുന്നതായി പറയപ്പെടുന്നു.