തടയണ

ഒരു ജലസംരക്ഷണ സംവിധാനമാണ് തടയണ.

ചന്ദ്രഗിരി പുഴയിൽ കുടുംബൂരിലുള്ള തടയണ

തടയണ നിർമ്മാണം

ജലം തടഞ്ഞു നിറുത്തുന്നതിനുവേണ്ടി അരുവികൾ, നദികൾ തുടങ്ങിയവയ്ക്ക് കുറുകെ ഉണ്ടാക്കുന്ന നിർമ്മാണമാണ് തടയണ. ആവശ്യകത, ജലസ്രോതസ്സിന്റെ തരം എന്നിവയെ അടിസ്ഥാനമാക്കി തടയണകളുടെ നിർമ്മാണത്തിലും വൈവിദ്ധ്യം കാണുന്നു.

1. താൽക്കാലിക തടയണ: കുറഞ്ഞ കാലത്തേക്കുള്ള ജലസംഭരണത്തിനായി നിർമ്മിക്കുന്നവ. മരം, മണ്ണ്, മണൽച്ചാക്ക് തുടങ്ങിയവ ഉപയോഗിച്ചാണ് ഇത്തരം താൽക്കാലിക നിർമ്മാണം നടത്തുന്നത്
2. സ്ഥിരം തടയണ : എല്ലാക്കാലത്തേക്കുമുള്ള ജല സംഭരണിയായി നിർമ്മിക്കുന്നു. കല്ല്, കോൺക്രീറ്റ് എന്നിവ നിർമ്മാണ വസ്തുക്കളായി ഉപയോഗിക്കുന്നു.

മേന്മകൾ

• തടയണ ജലനിരപ്പുയർത്തുകയും സമീപ പ്രദേശങ്ങളിലെ കുടിവെള്ള സ്രോതസ്സുകളെ സജീവമാക്കുകയും ചെയ്യുന്നു
• കനാലിൽ നിന്നുള്ള ഉപ്പുവെള്ളം കയറുന്നത് തടയാനായും ഇവ നിർമ്മിക്കാറുണ്ട് .
• കുടിവെള്ള-ജലസേചന ആവശ്യങ്ങൾക്ക് ഉപകരിക്കുന്നു.
• പരിസ്ഥിതി നാശം താരതമ്യേന കുറവാണ്.

ദോഷങ്ങൾ

• നദിയുടെ സ്വാഭാവിക ഒഴുക്ക് തടസ്സപ്പെടുന്നതു മൂലം ജലമലിനീകരണം ഉണ്ടാവുന്നു
• ആയിരക്കണക്കിന് മണൽച്ചാക്കുകളാണ് തടയണ നിർമ്മാണത്തിനായി ഓരോ വർഷവും ജലസ്രോതസ്സുകളിൽ നിക്ഷേപിക്കപ്പെടുന്നത്. മാരകമായ മലിനീകരണത്തിന് ഇത് കാരണമാകുന്നു
• ഓരോ വർഷവും വളരെ വലിയോരു തുക തടയണ നിർമ്മാണത്തിനായി ചിലവഴിക്കപ്പെടുന്നുണ്ട്. സാമ്പത്തിക തിരിമറിക്കും ഇത് വഴിവെക്കാറുണ്ട് , ,

ചിത്രശാല

• 
  തുമ്പൂർമുഴി തടയണയുടെ ബോർഡ്
• 
  തുമ്പൂർമുഴി തടയണ
• 
  തുമ്പൂർമുഴി തടയണ_മറ്റൊരു ദൃശ്യം
• 
  വാഗമണ്ണിലെ തടയണ
• 
  ഉരുക്കു കൊണ്ടുള്ള തടയണ
• 
  കോണ്ക്രീറ്റ് തടയണ