വിക്കിപീഡിയ

ഇമ്യൂണോഗ്ലോബുലിൻ എ

ശ്ലേഷ്മസ്തരത്തിന്റെ രോഗപ്രതിരോധ പ്രവർത്തനത്തിൽ നിർണായക പങ്ക് വഹിക്കുന്ന ആന്റിബോഡിയാണ് ഇമ്മ്യൂണോഗ്ലോബുലിൻ എ ( IgA-ഐജിഎ, അതിന്റെ സ്രവ രൂപത്തിനെ sIgA-എസ്ഐജിഎ എന്നും അറിയപ്പെടുന്നു). സ്ലേഷ്മസ്തരവുമായി ബന്ധപ്പെട്ട് ഉൽ‌പാദിപ്പിക്കപ്പെടുന്ന ഈ ആന്റിബോഡിയുടെ അളവ് മറ്റെല്ലാത്തരം ആന്റിബോഡികളുടേയും ആകെ അളവിനെ അപേക്ഷിച്ച് വളരെ കൂടുതലാണ്. [3] കൃത്യമായി പറഞ്ഞാൽ ഓരോ ദിവസവും മൂന്ന് മുതൽ അഞ്ച് ഗ്രാം വരെ ആന്റിബോഡികൾ കുടലിലുള്ളിൽ സ്രവിക്കപ്പെടുന്നു. [4] ശരീരത്തിലുടനീളം ഉത്പാദിപ്പിക്കപ്പെടുന്ന മൊത്തം ആന്റിബോഡികളുടെ അളവിന്റെ 15% വരെ വരും ഇത്. [5]

ഇമ്യൂണോഗ്ലോബുലിൻ എ ഡൈമറുടെ ചിത്രരൂപം. എച്ച്-ചെയിൻ (നീല), എൽ-ചെയിൻ (ചുവപ്പ്), ജെ-ചെയിൻ (മജന്ത), സെക്രീറ്ററി ഘടകങ്ങൾ (secretory component) (മഞ്ഞ) എന്നിവ കാണിച്ചിരിക്കുന്നു.
സെക്രീറ്ററി ഐജിഎ1ന്റെ അമിനോആസിഡ് ശൃംഖലകളുടെ രണ്ട് വ്യത്യസ്തവീക്ഷണകോണിലൂടെ കാണുമ്പോഴുള്ള രൂപം. ഒന്നു മറ്റൊന്നുമായി താരതമ്യം ചെയ്യുമ്പോൾ 90 ഡിഗ്രി കറങ്ങിയ അവസ്ഥയിലുള്ള രൂപങ്ങളാണിവ. ചിത്രത്തിലെ നിറങ്ങൾ ഇവയാണ്: എച്ച്-ചെയിനുകൾ (നീലയും ഇളം നീലയും), എൽ-ചെയിനുകൾ (ചുവപ്പും ഇളം ചുവപ്പും), ജെ-ചെയിൻ (മജന്ത), സെക്രീറ്ററി ഘടകങ്ങൾ (secretory component) (മഞ്ഞ). ഓരോ അവലംബിത (backbone) കാർബൺ ആറ്റത്തിന്റെയും കോർഡിനേറ്റുകൾ PDB എൻട്രി 3CHN ൽ നിന്ന് ഉരുത്തിരിഞ്ഞത്. [1]
സെക്രീറ്ററി ഐജിഎ2ന്റെ അമിനോആസിഡ് ശൃംഖലകളുടെ രണ്ട് വ്യത്യസ്തവീക്ഷണകോണിലൂടെ കാണുമ്പോഴുള്ള രൂപം. ഒന്നു മറ്റൊന്നുമായി താരതമ്യം ചെയ്യുമ്പോൾ 90 ഡിഗ്രി കറങ്ങിയ അവസ്ഥയിലുള്ള രൂപങ്ങളാണിവ. നിറങ്ങൾ ഇവയാണ്: എച്ച്-ചെയിനുകൾ (നീലയും ഇളം നീലയും), എൽ-ചെയിനുകൾ (ചുവപ്പും ഇളം ചുവപ്പും), ജെ-ചെയിൻ (മജന്ത), സെക്രീറ്ററി ഘടകങ്ങൾ (മഞ്ഞ). ഓരോ അവലംബിത (backbone) കാർബൺ ആറ്റത്തിന്റെയും കോർഡിനേറ്റുകൾ പിഡിബി എൻട്രി 3 സിഎം 9 ൽ നിന്നും ഉരുത്തിരിഞ്ഞത്. [2]

രൂപങ്ങൾ തിരുത്തുക

ഐജിഎ രണ്ട് ഐസോടൈപ്പുകളായാണ് നിലനിൽക്കുന്നത്. ഐജിഎ1 (IgA1) ഉം ഐജിഎ2 (IgA2) ഉം. ഇവ രണ്ടും ഉയർന്ന തോതിൽ ഗ്ലൈക്കോസിലേഷനു വിധേയമായ മാംസ്യങ്ങളാണ്. [6] ഐജിഎ1 സിറത്തിലാണ് (~ 80%) കൂടുതലായി കാണപ്പെടുന്നത്, ഐജിഎ2വിന്റെ ശതമാനം സിറത്തിലുള്ളതിനേക്കാൾ സ്രവങ്ങളിലാണ് കൂടുതലാണ് കാണുന്നത്(സ്രവങ്ങളിൽ ~ 35%); [7] ഐജിഎ1യും ഐജിഎ2 സ്രവിക്കുന്ന കോശങ്ങളുടെ അനുപാതം മനുഷ്യ ശരീരത്തിലെ വ്യത്യസ്ത ലിംഫോയിഡ് കലകളിലും വ്യത്യാസപ്പെട്ടിരിക്കുന്നു: [8]

  • സിറത്തിൽ കാണപ്പെടുന്ന ഐജിഎയുടെ പ്രധാന ഉപവിഭാഗമാണ് ഐജിഎ1. മിക്ക ലിംഫോയിഡ് കലകളിലും ഐജിഎ1 ഉൽ‌പാദിപ്പിക്കുന്ന കോശങ്ങളാണ് കൂടുതലായി ഉണ്ടാകുക. [9]
  • ഐജിഎ2ൽ, ഘനശൃംഖലയും (heavy chain) ലഘുശൃംഖലയും (light chain) തമ്മിൽ ഡൈസൾഫൈഡ് ബന്ധനം വഴി നേരിട്ടു ബന്ധിക്കപ്പെട്ടിട്ടില്ല. പകരം സഹസംയോജകബന്ധനമല്ലാതെയുള്ള രീതികളിലാണ് ബന്ധിക്കപ്പെട്ടിരിക്കുക. സെക്രീറ്ററി ലിംഫോയിഡ് കലകളിലെ (ഉദാ: ഗട്ട് അസോസിയേറ്റഡ് ലിംഫോയിഡ് ടിഷ്യുഅല്ലെങ്കിൽ ഗാട്ട്(GALT) ), ഐജിഎ2ന്റെ ഉൽപാദനത്തിന്റെ അളവ് നോൺ-സെക്രീറ്ററി ലിംഫോയിഡ് അവയവങ്ങളേക്കാൾ വലുതാണ് (ഉദാ. പ്ലീഹ, പെരിഫറൽ ലിംഫ് നോഡുകൾ).

ഇതും കാണുക തിരുത്തുക

അവലംബം തിരുത്തുക

  1. ↑ "Location of secretory component on the Fc edge of dimeric IgA1 reveals insight into the role of secretory IgA1 in mucosal immunity". Mucosal Immunology. 2 (1): 74–84. January 2009. doi:10.1038/mi.2008.68. PMID 19079336.
  2. ↑ "The nonplanar secretory IgA2 and near planar secretory IgA1 solution structures rationalize their different mucosal immune responses". The Journal of Biological Chemistry. 284 (8): 5077–87. February 2009. doi:10.1074/jbc.M807529200. PMC 2643523. PMID 19109255.
  3. ↑ "Intestinal IgA synthesis: regulation of front-line body defences". Nature Reviews. Immunology. 3 (1): 63–72. January 2003. doi:10.1038/nri982. PMID 12511876.
  4. ↑ "Let's go mucosal: communication on slippery ground". Trends in Immunology. 25 (11): 570–7. November 2004. doi:10.1016/j.it.2004.09.005. PMID 15489184.
  5. ↑ "The functional interactions of commensal bacteria with intestinal secretory IgA". Current Opinion in Gastroenterology. 23 (6): 673–8. November 2007. doi:10.1097/MOG.0b013e3282f0d012. PMID 17906446.
  6. ↑ "Glycans in the immune system and The Altered Glycan Theory of Autoimmunity: a critical review". Journal of Autoimmunity. 57: 1–13. February 2015. doi:10.1016/j.jaut.2014.12.002. PMC 4340844. PMID 25578468.
  7. ↑ "IgA subclasses in various secretions and in serum". Immunology. 47 (2): 383–5. October 1982. PMC 1555453. PMID 7118169.
  8. ↑ "Subclass distribution of natural salivary IgA antibodies against pneumococcal capsular polysaccharide of type 14 and pneumococcal surface adhesin A (PsaA) in children". Clinical and Experimental Immunology. 143 (3): 543–9. March 2006. doi:10.1111/j.1365-2249.2006.03009.x. PMC 1809616. PMID 16487254.
  9. ↑ "The immune geography of IgA induction and function". Mucosal Immunology. 1 (1): 11–22. January 2008. doi:10.1038/mi.2007.6. PMID 19079156.

 

പുറംകണ്ണികൾ തിരുത്തുക

"https://ml.wikipedia.org/w/index.php?title=ഇമ്യൂണോഗ്ലോബുലിൻ_എ&oldid=3911840" എന്ന താളിൽനിന്ന് ശേഖരിച്ചത്