ഇന്ത്യൻ നാഷണൽ കമ്മിറ്റി ഫോർ സ്പേസ് റിസർച്ച്
ഐ.എസ്.ആർ.ഒയുടെ രൂപീകരണത്തിലേക്ക് നയിച്ച സമിതിയാണ് ഇന്ത്യൻ നാഷണൽ കമ്മിറ്റി ഫോർ സ്പേസ് റിസർച്ച് (ഇൻകോസ്പാർ). 1962 ഫെബ്രുവരി 23 ന് ഇൻകോസ്പാർ രൂപീകരിക്കപ്പെട്ടു. [1] ഡോ.വിക്രം സാരാഭായ് ആയിരുന്നു ഇതിന്റെ ആദ്യ ഡയറക്ടർ. അക്കാലത്ത് ടാറ്റ ഇൻസ്റ്റിറ്റ്യൂട്ട് ഓഫ് ഫണ്ടമെന്റൽ റിസർച്ചിന്റെ ഭാഗമായിരുന്നു ഇത്. [2] ആണവോർജ്ജ വകുപ്പിന്റെ കീഴിലായിരുന്ന ബഹിരാകാശ ശാസ്ത്രം, ബഹിരാകാശ ഗവേഷണം എന്നീ ചുമതലകൾ ഇൻകോസ്പാർ ഏറ്റെടുത്തു. സമിതി രൂപീകരിക്കുന്നതിൽ അന്നത്തെ ഡി.ഇ.ഇ ഡയറക്ടർ ഡോ. ഹോമി ഭാഭ പ്രധാന പങ്കുവഹിച്ചു. [3]
പശ്ചാത്തലം തിരുത്തുക
1957 ൽ റഷ്യ സുപ്ട്നിക് 1 വിക്ഷേപിച്ചതോടെ ബഹിരാകാശ മേഖലയുടെ പ്രാധാന്യം തിരിച്ചറിഞ്ഞ ജവഹർലാൽ നെഹ്‌റുവാണ് ഇൻകോസ്പാർ രൂപീകരിക്കാൻ തീരുമാനിച്ചത്.
സമിതി അംഗങ്ങൾ തിരുത്തുക
വിക്രം സാരാഭായ് ആദ്യ ചെയർമാനും മലയാളികളായ വൈനു ബാപ്പുവും എം.ജി.കെ. മേനോനും പി.ആർ.പിഷാരടിയും സമിതി അംഗങ്ങളുമായിരുന്നു. [4]
ഏറ്റെടുത്ത പ്രവർത്തനങ്ങൾ തിരുത്തുക
രൂപീകരണ വർഷം തന്നെ യൂ എസ് ബഹിരാകാശ ഏജൻസിയായ നാസയുമായി സഹകരണ കരാർ ഒപ്പിട്ടു. നാസ നാല് റോക്കറ്റുകളും വിക്ഷേപണ ഉപകരണങ്ങളും പരിശീലനവും നൽകും. വിക്ഷേപണത്തിനുള്ള സ്ഥലവും വിദഗ്ദ്ധരെയും റോക്കറ്റിൽ ഘടിപ്പിക്കാനുള്ള പെലോഡും ഇന്ത്യ നൽകണമെന്നായിരുന്നു വ്യവസ്ഥ. [5]
1963 നവംബർ 21-ന് തുമ്പയിൽ നിന്നും ആദ്യ റോക്കറ്റ് വിക്ഷേപിച്ചതിനു പിന്നിൽ പ്രവർത്തിച്ചത് ഇൻകോസ്പാർ ആയിരുന്നു. തുമ്പയിൽ റോക്കറ്റ് ലോഞ്ചിംഗ് സ്റ്റേഷൻ രൂപീകരിക്കുന്ന സമയത്ത്‌ റോക്കറ്റ് എഞ്ചിനീയർമാരുടെ സംഘത്തിൽ ഡോ. എ. പി. ജെ. അബ്ദുൾ കലാമും ഉൾപ്പെടുന്നു. 1969 ൽ ഐ.എസ്.ആർ.ഒയുടെ രൂപീകരണത്തോടെ ഇൻകോസ്പാർ അസാധുവായി. [6]
ഇതും കാണുക തിരുത്തുക
അവലംബം തിരുത്തുക
- ↑ https://byjus.com/free-ias-prep/this-day-in-history-feb23/
- ↑ https://fullforms.com/INCOSPAR
- ↑ "ആർക്കൈവ് പകർപ്പ്". Archived from the original on 2019-03-28. Retrieved 2019-08-13.
- ↑ "ആർക്കൈവ് പകർപ്പ്". Archived from the original on 2019-03-28. Retrieved 2019-08-13.
- ↑ https://economictimes.indiatimes.com/definition/isro
- ↑ "ആർക്കൈവ് പകർപ്പ്". Archived from the original on 2019-03-28. Retrieved 2019-08-13.