ആടലോടകം

ഇന്ത്യയിൽ മിക്കയിടത്തും വളരുന്ന ഒരു കുറ്റിച്ചെടി ആണ് ആടലോടകം. (Adalodakam) (അക്കാന്തേസീ കുടുംബത്തിൽ പെട്ട ആടലോടകം രണ്ടു തരമുണ്ട്. ആയുർ‌വേദത്തിൽ ഒരു ഔഷധസസ്യമായി ഉപയോഗിക്കപ്പെടുന്നു.

ആടലോടകം
ശാസ്ത്രീയ വർഗ്ഗീകരണം
കിങ്ഡം:	Plantae
Division:	Angiosperms
Class:	Eudicots
Order:	Lamiales
Family:	Acanthaceae
Genus:	Justicia
Species:	J. adhatoda
Binomial name
Justicia adhatoda L.
Synonyms
Adeloda serrata Raf. Adhatoda pubescens Moench Adhatoda vasica Nees Dianthera latifolia Salisb. Ecbolium adhatoda (L.) Kuntze Gendarussa adhadota (L.) Steud.

ചെറിയ ആടലോടകം അല്ലെങ്കിൽ ചിറ്റാടലോടകം

ശാസ്ത്രീയ നാമം: Justicia beddomei (C.B.Clarke) Bennet. ഇതിന് ഇലയിൽ 8 ജോടി ഞരമ്പുകൾ വരെ കാണും.

വലിയ ആടലോടകം

ശാസ്ത്രീയ നാമം: Adhatoda vasica Nees (ആഡത്തോഡ വസിക്ക) ആണ്. ഇതിന് 14ലേറെ ജോടി ഞരമ്പുകൾ വരെ ഉണ്ടാകും.

Adhatoda Zeylanica Medik എന്നതിനേയും ആടലോടകമായി പറയുന്നു. പച്ചില വളമായി ഉപയോഗിക്കുന്നു. മഞ്ഞ ചായം ഉണ്ടാക്കുന്നതിനു് ഇല ഉപയോഗിക്കുന്നുണ്ടു്. ചില ആൽക്കലോയ‌്ഡുകളുടെ സാന്നിദ്ധ്യം ഉള്ളതുകൊണ്ട് ഫംഗസ്സും കീടങ്ങളും ആക്രമിക്കാത്തതു കൊണ്ടു പഴങ്ങൾ പൊതിഞ്ഞു സൂക്ഷിക്കാൻ ഉപയോഗിക്കുന്നു. ഇതിന്റെ ഇലകൾക്ക് സുഖകരമല്ലാത്ത മണമുള്ളതു കാരണം മൃഗങ്ങൾ തിന്നാറില്ല. ആയതിനാൽ വേലിച്ചെടിയായും വളർത്താൻ പറ്റിയതാണു്.

ബി.സി. മൂന്നാം നൂറ്റാണ്ടിലൊ നാലാം നൂറ്റാണ്ടിലൊ എഴുതിയ അമരകോശത്തിൽ ആടലോടകത്തിന്റെ എട്ടു പര്യായങ്ങളായ വൈദ്യമാതാവു്, സിംഹി, വാശിക, വൃഷം, ആരൂഷം, സിംഹാസ്യം, വാസക, വാജിദന്തകം എന്നിവ രേഖപ്പെടുത്തിയിരിക്കുന്നു.

ഔഷധയോഗ്യമായ ഭാഗം

ഇല, വേര്, പൂവ്, കായ

ഇനങ്ങൾ

കേരല കാർഷിക സർവ്വകലാശാല അജഗന്ധി, വാസിക എന്നിങ്ങനെ രണ്ട് ഇനങ്ങൾ പുറത്തിറക്കിയിട്ടുണ്ട്.

ചിത്രശാല

• ആടലോടകത്തിന്റെ ചിത്രങ്ങൾ
• 
  ആടലോടകത്തിൻറെ തൈ
• 
  ആടലോടകം
• 
• 
• 
  ആടലോടകത്തിന്റെ ഇല

അവലംബം

• ഡോ.എസ്. നേശമണി, ഔഷധസസ്യങ്ങൾ 1985കേരള ഭാഷാ ഇൻസ്റ്റിറ്റ്യൂട്ട് തിരുവനന്തപുരം81-7638-475-5
• ഡോ. നാരായണൻ നായർ, മൃതസഞ്‌ജീവിനി.