അഗസ്റ്റസ് മുള്ളർ
ഒരു ജർമ്മൻ ജെസ്യൂട്ട് പുരോഹിതനും ഇന്ത്യയിൽ പ്രവർത്തിച്ചിരുന്ന മിഷനറിയും ആയിരുന്നു അഗസ്റ്റസ് മുള്ളർ. 1841 മാർച്ച് 13 ന് ജർമ്മനിയിലെ വെസ്റ്റ്ഫാലിയയിൽ ജനിച്ച ഇദ്ദേഹം, 1910 നവംബർ 1 ന് മംഗലാപുരത്തെ കങ്കനാടിയിൽ അന്തരിച്ചു. രോഗികളുടെ പരിചരണത്തിൽ സ്വയം ഏർപ്പെട്ടുകൊണ്ട് അദ്ദേഹം മംഗലാപുരത്ത് ഹോമിയോപ്പതി ജനകീയമാക്കി. 69-ാം വയസ്സിൽ ആസ്ത്മ മൂലമുണ്ടായ സങ്കീർണതകൾ കാരണമായിരുന്നു മരണം. 1880-ൽ സ്ഥാപിതമായ ഫാദർ മുള്ളർ ചാരിറ്റബിൾ സ്ഥാപനങ്ങൾ അദ്ദേഹത്തിന്റെ പേരിലാണ് അറിയപ്പെടുന്നത്. [1]
ചരിത്രം തിരുത്തുക
ഹോമിയോപ്പതിയുടെ സ്ഥാപകനായ സാമുവൽ ഹാനിമാന്റെ അധ്യാപകനായ അഗസ്റ്റിൻ മുള്ളറുടെ ചെറുമകനായിരുന്നു അഗസ്റ്റസ് മുള്ളർ. [2] ഫോർഡാം യൂണിവേഴ്സിറ്റിയിൽ (യുണൈറ്റഡ് സ്റ്റേറ്റ്സ്) പഠിച്ച അദ്ദേഹം പാരീസിലെ പ്രമുഖ ഡോക്ടർമാരോടൊപ്പം പരിശീലനം നേടി. മംഗലാപുരത്തെ സെന്റ് അലോഷ്യസ് കോളേജിൽ ഫ്രഞ്ചും ഗണിതവും പഠിപ്പിക്കാൻ വെനീസിൽ നിന്ന് അദ്ദേഹത്തെ മംഗലാപുരത്തേക്ക് അയച്ചു.
പരിശീലനം സിദ്ധിച്ച ഹോമിയോ ഡോക്ടറായ അദ്ദേഹം കോളേജ് കാമ്പസിലെ ഒരു ആൽമരത്തിന് കീഴിൽ വിദ്യാർത്ഥികളെ ചികിത്സിക്കാൻ തുടങ്ങി. അദ്ദേഹത്തിന്റെ പ്രശസ്തി വർദ്ധിച്ചതോടെ രോഗികളുടെ എണ്ണവും വർദ്ധിച്ചു. അവരെ താമസിപ്പിക്കുന്നതിനായി അദ്ദേഹം കങ്കനാടിയിൽ സ്ഥലം വാങ്ങി ഹോമിയോപ്പതി പുവർ ഡിസ്പെൻസറി ആരംഭിച്ചു. സമൂഹത്തിന് നൽകിയ സംഭാവനകൾക്ക് ബ്രിട്ടീഷ് രാജ് കൈസർ-ഇ-ഹിന്ദ് അവാർഡ് നൽകി അദ്ദേഹത്തെ അംഗീകരിച്ചു.
1883-ൽ കുഷ്ഠരോഗികളെ ചികിത്സിക്കാൻ തുടങ്ങിയ അദ്ദേഹം കങ്കനാടിയിൽ സെന്റ് ജോസഫ്സ് ലെപ്രസി ഹോസ്പിറ്റൽ സ്ഥാപിച്ചു. [3]
മരണ ശതാബ്ദി (1910–2010) തിരുത്തുക
ഫാദർ മുള്ളർ ചാരിറ്റബിൾ ഇൻസ്റ്റിറ്റ്യൂഷൻസ് 2010 നവംബർ 1-ന് ശതാബ്ദി ആഘോഷങ്ങളുടെ ഭാഗമായി ഫാദർ മുള്ളർ മ്യൂസിയം ഉദ്ഘാടനം ചെയ്തു.
അവലംബം തിരുത്തുക
- ↑ "FMCI founder". Archived from the original on 2012-03-06. Retrieved 2012-03-09.
- ↑ "Mullerian". Mangalore. Retrieved 12 March 2012.
- ↑ "FMCI founder". Archived from the original on 2012-03-06. Retrieved 11 March 2012.